Fréttir

Leita

Veldu ráðuneyti
Veldu verkefni
Veldu ár
Sýni 1-100 af 943 niðurstöðum
11. september 2026Félags- og húsnæðismálaráðuneytið

Frumvörp sem hafa þýðingu fyrir fjölmarga landsmenn

Á þingmálaskrá félags- og húsnæðismálaráðherra fyrir komandi þingvetur eru fjölbreytt málefni sem snerta daglegt líf fólks um land allt, meðal annars leigjendur, launafólk, örorkulífeyrisþega, ellilífeyrisþega, fatlað fólk og innflytjendur. Alls hyggst Ragnar Þór Ingólfsson, félags- og húsnæðismálaráðherra, leggja fram 14 mál á Alþingi, þar af 13 frumvörp og eina þingsályktunartillögu.

07. september 2026Félags- og húsnæðismálaráðuneytið

Umsóknarfrestur í þróunarsjóð innflytjendamála til 15. september

Enn er hægt að sækja um styrki úr þróunarsjóði innflytjendamála en umsóknarfrestur er til og með 15. september nk. Í ár verður meðal annars lögð áhersla á verkefni sem stuðla að virkri notkun íslensku í daglegu lífi, styðja ungt fólk sem er nýkomið til landsins og foreldra framhaldsskólanema úr röðum innflytjenda og vinna gegn fordómum, hatursorðræðu og rangfærslum í stafrænu umhverfi.

08. júlí 2026Félags- og húsnæðismálaráðuneytið

Sameiginleg framtíðarsýn um stafræn verkefni og gagnamál í félagsþjónustu liggur fyrir

Félags- og húsnæðismálaráðuneytið og Samband íslenskra sveitarfélaga hafa lagt fram sameiginlega framtíðarsýn og aðgerðaáætlun um stafræn verkefni og gagnamál í félagsþjónustu til ársins 2028. Framtíðarsýnin og aðgerðaáætlunin byggja á samkomulagi ríkis og sveitarfélaga um öflun og nýtingu gagna og stafræna þróun hins opinbera í velferðarþjónustu.…

03. júlí 2026Félags- og húsnæðismálaráðuneytið

Starfshópur um nýtt húsnæðislánakerfi skilar fyrstu skýrslu

Starfshópur um nýtt húsnæðislánakerfi skilaði á dögunum skýrslu um fyrri hluta þess verkefnis sem honum var falið. Ragnar Þór Ingólfsson, félags- og húsnæðismálaráðherra, skipaði starfshópinn í mars sl. Hópurinn var skipaður í samræmi við áherslur stjórnvalda í húsnæðismálum í kjölfar breytinga sem urðu á lánamarkaði eftir að Hæstiréttur felldi dóma í vaxtamálunum svokölluðu í lok árs 2025.

29. júní 2026Félags- og húsnæðismálaráðuneytið

60 ný hjúkrunarrými bætast við á Akranesi – rýmum í bænum fjölgar um 80%

Hjúkrunarrýmum á Akranesi fjölgar um 80% þegar nýtt hjúkrunarheimili á Sólmundarhöfða á Skaganum verður tekið í notkun. Samkomulag var í dag undirritað um stækkun hjúkrunar- og dvalarheimilisins Höfða en þar búa í dag 75 manns, þar af tveir í skammtímarýmum. Með tilkomu nýrrar byggingar á Sólmundarhöfðanum bætast 60 hjúkrunarrými við.…

23. júní 2026Félags- og húsnæðismálaráðuneytið, Heilbrigðisráðuneytið

Nýtt hjúkrunarheimili með 90 rýmum verður opnað við Keilisbraut í Reykjanesbæ

Nýtt og glæsilegt hjúkrunarheimili fyrir 90 íbúa mun opna við Keilisbraut í Reykjanesbæ. Ráðist verður í gagngerar breytingar og endurbætur á húsnæði við Keilisbraut 753 og 754 og er undirbúningur framkvæmda þegar hafinn. Áætlað er að nýja hjúkrunarheimilið verði tekið í notkun vorið 2028. Heimilið verður ríflega 6.500 fermetrar og öll herbergin einbýli með baðherbergjum.…

19. júní 2026Félags- og húsnæðismálaráðuneytið, Dómsmálaráðuneytið

Alþingi samþykkti lög um framkvæmd öryggisráðstafana: „Hópur sem við höfum hingað til ekki náð utan um“

Alþingi samþykkti nú rétt í þessu frumvarp Ragnars Þórs Ingólfssonar, félags- og húsnæðismálaráðherra, um framkvæmd öryggisráðstafana samkvæmt dómsúrlausn. Nýrri stofnun verður komið á fót með öryggisgæslustað fyrir allt að 16 einstaklinga sem þurfa sérhæfða þjónustu og er gert að sæta öryggisgæslu en ekki er talið viðeigandi að vista í fangelsi. Ekkert slíkt sérhæft úrræði er til í dag.…

18. júní 2026Félags- og húsnæðismálaráðuneytið

Alþingi samþykkir að hækka stofnframlög ríkisins til að byggja hagkvæmar leiguíbúðir

Alþingi samþykkti nú rétt í þessu frumvarp Ragnars Þórs Ingólfssonar, félags- og húsnæðismálaráðherra, um hækkun á stofnframlögum ríkisins. Lögin eru hluti af aðgerðum ríkisstjórnarinnar í húsnæðismálum og markmið breytinganna var að bregðast við mikilli eftirspurn eftir leiguíbúðum á viðráðanlegu verði.…

15. júní 2026Félags- og húsnæðismálaráðuneytið

Breytingar á atvinnuleysistryggingum samþykktar á Alþingi

Alþingi samþykkti í dag breytingar á atvinnuleysistryggingum. Meginmarkmið þeirra er að stuðla að aukinni virkni hjá þeim hópi fólks sem er útsettur fyrir langtímaatvinnuleysi. Því lengur sem fjarvera einstaklings frá vinnumarkaði varir þeim mun ólíklegra er að viðkomandi snúi til baka á vinnumarkað. Brýnt þótti því að fjarveran væri ekki of löng.

09. júní 2026Félags- og húsnæðismálaráðuneytið

Ragnar Þór ávarpaði aðildarríkjaþing um réttindi fatlaðs fólks í New York

Ragnar Þór Ingólfsson, félags- og húsnæðismálaráðherra, flutti rétt í þessu ávarp Íslands á þingi aðildarríkja um samning Sameinuðu þjóðanna um réttindi fatlaðs fólk. António Guterres, aðalritari Sameinuðu þjóðanna, setti þingið nú í morgun í höfuðstöðvum SÞ í New York. Í ávarpinu fór Ragnar Þór yfir helstu breytingar sem orðið hafa hér á landi í málefnum fatlaðs fólks frá síðasta þingi.…

09. júní 2026Félags- og húsnæðismálaráðuneytið, Utanríkisráðuneytið

Ísland fullgildir valfrjálsa bókun við samning Sameinuðu þjóðanna um réttindi fatlaðs fólks

Íslensk stjórnvöld hafa fullgilt valfrjálsa bókun við samning Sameinuðu þjóðanna um réttindi fatlaðs fólks. Í bókuninni er kveðið á um heimild fatlaðs fólks til að beina kvörtunum vegna brota á samningnum til eftirlitsnefndar Sameinuðu þjóðanna um réttindi fatlaðs fólks. „Mikilvægt er að fatlað fólk hafi aðgang að alþjóðlegum kæruleiðum.…

05. júní 2026Félags- og húsnæðismálaráðuneytið

Ísland fullgildir samþykktir Alþjóðavinnumálastofnunarinnar um réttindi og öryggi starfsfólks

Ragnar Þór Ingólfsson, félags- og húsnæðismálaráðherra, afhenti nú rétt í þessu Gilbert F. Houngbo, framkvæmdastjóra Alþjóðavinnumálastofnunarinnar (ILO), fullgildingarskjöl Íslands fyrir tvær samþykktir stofnunarinnar. Um er að ræða samþykkt nr. 188 um vinnu við fiskveiðar og samþykkt nr. 191 um að öruggt og heilbrigt starfsumhverfi verði viðurkennt sem grundvallarréttindi.…

03. júní 2026Félags- og húsnæðismálaráðuneytið

Undirbýr fullgildingu samþykktar um aðgerðir gegn ofbeldi og áreitni á vinnustöðum

Ragnar Þór Ingólfsson, félags- og húsnæðismálaráðherra, hefur skipað vinnuhóp sem ætlað er að undirbúa fyrirhugaða fullgildingu samþykktar Alþjóðavinnumálastofnunarinnar (ILO) nr. 190 um aðgerðir gegn ofbeldi og áreitni á vinnustöðum. Hlutverk vinnuhópsins er að greina efni samþykktarinnar og leggja mat á hvort og þá hvaða breytingar á íslenskri löggjöf fullgilding hennar hefur í för með sér.…

21. maí 2026Heilbrigðisráðuneytið, Félags- og húsnæðismálaráðuneytið

Hjúkrunarrýmum fjölgar um 24 með opnun Hlévangs í haust

Gengið hefur verið frá samningi um tímabundna leigu og rekstur 24 skammtímahjúkrunarrýma á hjúkrunarheimilinu Hlévangi í Reykjanesbæ sem verður opnað að nýju næsta haust. Opnun Hlévangs mun létta álagi af bráðamóttöku Landspítala en rýmin eru skammtímarými, ætluð einstaklingum með færni og heilsumat sem lokið hafa meðferð á spítalanum.…

18. maí 2026Félags- og húsnæðismálaráðuneytið

Atvinnumál kvenna: 25 verkefni hlutu styrk

Styrkjum til atvinnumála kvenna var úthlutað á dögunum og fengu samtals 25 verkefni styrki að fjárhæð 38 milljónum króna. Að þessu sinni voru konur af erlendum uppruna hvattar til þátttöku og voru 11 af styrkhöfum ársins af erlendum uppruna. Styrkjum til atvinnumála kvenna hefur verið úthlutað frá árinu 1991 og eru þeir ætlaðir frumkvöðlakonum eða fyrirtækjum í þeirra eigu.…

13. maí 2026Félags- og húsnæðismálaráðuneytið

Styrkir allar fjórar þolendamiðstöðvar landsins

Ragnar Þór Ingólfsson, félags- og húsnæðismálaráðherra, hefur veitt öllum fjórum þjónustumiðstöðvum fyrir þolendur ofbeldis á Íslandi styrk til að efla þjónustu þeirra og styðja við starfsemina. Miðstöðvarnar starfa eftir hugmyndafræði svonefndra Family Justice Center þar sem markmiðið er að þolendur ofbeldis fái þjónustu og stuðning á einum stað, þeim að kostnaðarlausu og á þeirra eigin forsendum.…

13. maí 2026Félags- og húsnæðismálaráðuneytið

Ársskýrsla TR: 86.000 einstaklingar og fleiri en ein milljón innskráninga

Tæplega 86.000 einstaklingar fengu greiðslur frá Tryggingastofnun (TR) í fyrra og voru ellilífeyrisþegar rúmlega helmingur þeirra. Ríflega 20.000 einstaklingar fengu greiddan örorkulífeyri og um 8.600 einstaklingar sjúkra- og endurhæfingargreiðslur. Heildargreiðslur TR námu tæplega 250 milljörðum króna á árinu. Þetta kom fram á ársfundi TR sem haldinn var fyrir skemmstu.…

08. maí 2026Félags- og húsnæðismálaráðuneytið

Landssamtökin Þroskahjálp fá 25 milljóna króna styrk

Ragnar Þór Ingólfsson, félags- og húsnæðismálaráðherra, og Guðmundur Ármann Pétursson, formaður Landssamtakanna Þroskahjálpar, hafa undirritað samning um 25 milljóna króna styrk til Þroskahjálpar. Landssamtökin Þroskahjálp eru hagsmunasamtök fatlaðs fólks og leggja sérstaka áherslu á fólk með þroskahömlun og skyldar fatlanir, fötluð börn og fatlað fólk sem býr við margfalda jaðarsetningu.

07. maí 2026Heilbrigðisráðuneytið, Mennta- og barnamálaráðuneytið, Félags- og húsnæðismálaráðuneytið

Nýr samningur tryggir líflínu Hjálparsímans 1717

Heilbrigðisráðherra, félags- og húsnæðismálaráðherra og mennta- og barnamálaráðherra undirrituðu samning við Rauða krossinn á Íslandi (RKÍ) í dag um fjármögnun Hjálparsímans 1717. Samningurinn sem er til tveggja ára tryggir áfram mikilvæga þjónustu sem er opin allan sólarhringinn og veitir fólki sálfélagslegan stuðning þegar mest á reynir.

04. maí 2026Félags- og húsnæðismálaráðuneytið, Heilbrigðisráðuneytið

Áformað að reisa nýtt hjúkrunarheimili og heilsugæslu í Vík í Mýrdal

Samkomulag var í dag undirritað um nýbyggingu sem hýsa mun nýtt hjúkrunarheimili og heilsugæslustöðí Vík í Mýrdal. Ráðgert er að byggingin rísi á lóð við Sléttuveg 11 sem sveitarfélagið úthlutar til ríkisins. Húsnæðið verður hannað og byggt af þriðja aðila gegn langtímaleigusamningi við ríkið. Inga Sæland, sem fer með uppbyggingu hjúkrunarheimila og Alma D.…

29. apríl 2026Félags- og húsnæðismálaráðuneytið

Ríkið tryggir sér lóð á Hólmsheiðarsvæðinu undir Miðstöð um öryggisráðstafanir

Ríkið hefur tryggt sér lóð undir fyrirhugaða Miðstöð um öryggisráðstafanir. Samningur við Reykjavíkurborg um lóð á Hólmsheiðarsvæðinu var undirritaður í gær. Fyrirhugað er að reisa á svæðinu öryggisgæslustað fyrir allt að 17 einstaklinga. Þar munu vistast einstaklingar sem dæmdir hafa verið fyrir alvarleg brot en eru taldir ósakhæfir eða refsing ekki talin líkleg til að bera árangur.…

28. apríl 2026Félags- og húsnæðismálaráðuneytið, Fjármála- og efnahagsráðuneytið

Ríki og borg semja um stórfellda uppbyggingu íbúða - 1.200-1.400 nýjar íbúðir byggðar á ríkislóðum

Ragnar Þór Ingólfsson, félags- og húsnæðismálaráðherra, Daði Már Kristófersson, fjármála- og efnahagsráðherra, og Heiða Björg Hilmisdóttir, borgarstjóri, kynntu í dag stórfellda íbúðauppbyggingu á ríkislóðum og í ríkiseignum í Reykjavík. Byggðar verða 1.200-1.400 nýjar íbúðir á næstu árum á lóðum ríkisins og í húsnæði í eigu ríkisins sem breytt verður í íbúðir.

10. apríl 2026Félags- og húsnæðismálaráðuneytið

Stuðningur við leigjendur stórefldur í gegnum Leigjendaaðstoð Neytendasamtakanna

Stuðningur við Leigjendaaðstoð Neytendasamtakanna hefur verið stórefldur, með styrksamkomulagi sem Ragnar Þór Ingólfsson, félags- og húsnæðismálaráðherra, og Breki Karlsson, formaður Neytendasamtakanna, hafa undirritað. Stuðningur félags- og húsnæðismálaráðuneytisins nemur 25 milljónum króna og er um meira en þreföldun styrkupphæðar að ræða miðað við árið í fyrra.…

09. apríl 2026Félags- og húsnæðismálaráðuneytið

Einfaldar eftirlit með hjólastólalyftum á heimilum fólks

Ragnar Þór Ingólfsson, félags- og húsnæðismálaráðherra, hefur undirritað reglugerð sem felur í sér breytingar á eftirliti með hjólastólalyftum á heimilum fólks. Nægilegt verður að þjónustuaðilar þjónustu lyfturnar tvisvar á ári. „Fram hafði komið að tíðni eftirlits með hjólastólalyftum gæti valdið miklum kostnaði, ekki síst fyrir þá einstaklinga sem þurfa á slíkum lyftum að halda á heimilum sínum.…

26. mars 2026Félags- og húsnæðismálaráðuneytið

Uppfært samkomulag um byggingu hjúkrunarheimilis við Mosaveg í Reykjavík

Inga Sæland og Heiða Björg Hilmisdóttir, borgarstjóri Reykjavíkur, hafa endurnýjað samkomulag um uppbyggingu 117 rýma hjúkrunarheimilis við Mosaveg í Reykjavík í takt við breytta ábyrgðarskiptingu við uppbyggingu hjúkrunarheimila sem fest var í lög á síðasta ári. Með því færðist ábyrgð á fjármögnun vegna uppbyggingar hjúkrunarheimila alfarið yfir til ríkisins.

22. mars 2026Félags- og húsnæðismálaráðuneytið

Samráðsgátt: Drög að reglugerð um innra eftirlit

Ragnar Þór Ingólfsson, félags- og húsnæðismálaráðherra, hefur birt í samráðsgátt stjórnvalda drög að reglugerð um innra eftirlit hjá þjónustuveitendum sem lúta eftirliti Gæða- og eftirlitsstofnunar velferðarmála. Markmið reglugerðarinnar er að tryggja að þeir aðilar sem bera ábyrgð á veitingu þjónustu samkvæmt lögum sinni markvissu innra eftirliti með starfsemi sinni.…

21. mars 2026Félags- og húsnæðismálaráðuneytið

Samráðsgátt: Endurgreiðsla kostnaðar vegna leiðsöguhunda við ferðalög erlendis

Ragnar Þór Ingólfsson, félags- og húsnæðismálaráðherra, hefur birt í samráðsgátt stjórnvalda drög að reglugerð um endurgreiðslu kostnaðar vegna leiðsöguhunda við ferðalög notenda erlendis. Reglugerðinni er ætlað að gilda um endurgreiðslu úr ríkissjóði á kostnaði sem fellur til þegar notendur leiðsöguhunda, með lögheimili á Íslandi, ferðast með hund sinn til útlanda.…

19. mars 2026Félags- og húsnæðismálaráðuneytið

Lög samþykkt á Alþingi sem fela í sér að greiðslur almannatrygginga fylgja launavísitölu

Alþingi samþykkti í dag lög sem fela í sér að greiðslur almannatrygginga fylgja þróun launavísitölu sem Hagstofa Íslands reiknar út og birtir, í stað þess að taka mið af spá um launaþróun. Greiðslur almannatrygginga eru að stærstum hluta ellilífeyrir og greiðslur vegna örorku og endurhæfingar. Kveðið er á um að launavísitöluna í stefnuyfirlýsingu ríkisstjórnarinnar.

17. mars 2026Forsætisráðuneytið, Heilbrigðisráðuneytið, Mennta- og barnamálaráðuneytið, Félags- og húsnæðismálaráðuneytið

Tillögur um samþætta þjónustu við börn með vímuefnavanda kynntar í ríkisstjórn

Tillögugerð starfshóps forsætisráðherra um samþætta þjónustu við börn með vímuefnavanda var kynnt á fundi ríkisstjórnarinnar í dag. Í skýrslu starfshópsins eru lagðar fram sjö tillögur sem miða að því að styrkja þjónustu við börn með vímuefnavanda.

16. mars 2026Félags- og húsnæðismálaráðuneytið

Samkomulag um nýtt hjúkrunarheimili við Vetrarmýri í Garðabæ

Ráðgert er að reisa nýtt hjúkrunarheimili með 100 hjúkrunarrýmum við Vetrarmýri í Garðabæ. Inga Sæland, sem fer með uppbyggingu hjúkrunarheimila, og Almar Guðmundsson, bæjarstjóri Garðabæjar, undirrituðu samkomulag þessa efnis í dag. Gert er ráð fyrir að byggingin verði ríflega 8.300 m2 og að hjúkrunarheimilið verði á efri hæðum hennar. Á jarðhæðinni er gert ráð fyrir þjónustumiðstöð.

05. mars 2026Félags- og húsnæðismálaráðuneytið

Fjölmennt á Landssamráðsfundi gegn ofbeldi

Um 400 manns sátu landssamráðsfund gegn ofbeldi og afleiðingum þess sem félags- og húsnæðismálaráðuneytið og ríkislögreglustjóri boðuðu til á Hilton Reykjavík Nordica í gær, miðvikudag. Þá fylgdust um 1.300 manns jafnframt með í streymi. Markmið fundarins var að efla samráð og þverfaglegt samstarf gegn ofbeldi á Íslandi, með sérstaka áherslu á draga úr ítrekuðu ofbeldi.

03. mars 2026Félags- og húsnæðismálaráðuneytið

Húsnæði við hæfi: Rætt um sértæk búsetuúrræði á samráðsþingi um málefni fatlaðs fólks

Rætt var um sértæk húsnæðisúrræði fyrir fatlað fólk á árlegu samráðsþingi sem fram fór í dag. Þetta er fjórða þingið sem blásið er til í tengslum við landsáætlun um innleiðingu samnings Sameinuðu þjóðanna um réttindi fatlaðs fólks. Yfirskrift þingins í ár var „Húsnæði við hæfi: Heimili sem styður sjálfstætt líf“.

24. febrúar 2026Félags- og húsnæðismálaráðuneytið

Viljayfirlýsing undirrituð um húsnæðisuppbyggingu á landsbyggðinni

Ragnar Þór Ingólfsson, félags- og húsnæðismálaráðherra, Jón Björn Hákonarson, formaður Sambands íslenskra sveitarfélaga, og Hermann Jónasson, forstjóri Húsnæðis- og mannvirkjastofnunar, undirrituðu í dag viljayfirlýsingu um húsnæðisuppbyggingu um allt land. Markmiðið er að styðja við fjölbreyttar húsnæðislausnir í byggðakjörnum utan höfuðborgarsvæðisins.…

19. febrúar 2026Félags- og húsnæðismálaráðuneytið

„Húsnæði fyrst“: Hyggst setja stefnu á landsvísu um málefni þeirra sem búa við heimilisleysi

Ragnar Þór Ingólfsson, félags- og húsnæðismálaráðherra, hyggst setja stefnu á landsvísu um málefni þeirra sem búa við heimilisleysi eða aðrar óviðunandi húsnæðisaðstæður. Stefnan mun fylgja hugmyndafræðinni um húsnæði fyrst (e. Housing first). Ráðherra tilkynnti þetta á opnum fundi um heimilisleysi sem Húsnæðis- og mannvirkjastofnun stóð fyrir í morgun.

10. febrúar 2026Félags- og húsnæðismálaráðuneytið

Skóflustunga tekin að nýju uppbyggingarverkefni í Hafnarfirði með fjölda íbúða fyrir fyrstu kaupendur sem fá hlutdeildarlán

Skóflustunga var í dag tekin að nýju uppbyggingarverkefni í Hafnarfirði með fjölda íbúða fyrir fyrstu kaupendur sem fá hlutdeildarlán. Þetta er fyrsta verkefnið sem stjórnvöld og byggingaraðilar ráðast sameiginlega í eftir að ríkisstjórnin kynnti fyrsta húsnæðispakkann sinn. Byggðar verða tæplega 400 íbúðir – þar af þriðjungur fyrir fyrstu kaupendur í gegnum hlutdeildarlán.

03. febrúar 2026Félags- og húsnæðismálaráðuneytið

Gæða- og eftirlitsstofnun velferðarmála hafi betri heimildir til að rannsaka alvarleg atvik

Ragnar Þór Ingólfsson, félags- og húsnæðismálaráðherra, hefur birt frumvarpsdrög í samráðsgátt stjórnvalda sem fela í sér að Gæða- og eftirlitsstofnun velferðarmála (GEV) fái hliðstæðar lagaheimildir og embætti landlæknis hvað varðar rannsókn alvarlegra atvika. Með lagabreytingum árið 2024 fékk embætti landlæknis slíkar heimildir til rannsóknar á alvarlegum atvikum í heilbrigðisþjónustu.…

17. janúar 2026Forsætisráðuneytið, Félags- og húsnæðismálaráðuneytið, Mennta- og barnamálaráðuneytið

Breyting á forsetaúrskurði um skiptingu starfa ráðherra

Samkomulag hefur orðið milli félags- og húsnæðismálaráðherra og mennta- og barnamálaráðherra, með staðfestingu forsætisráðuneytisins, að Inga Sæland, mennta- og barnamálaráðherra, fari með stjórnarmálefni um uppbyggingu hjúkrunarheimila og þjónustuíbúða fyrir eldra fólk. Ábyrgðin á stjórnarmálefninu mun þó enn liggja hjá félags- og húsnæðismálaráðuneytinu.

15. janúar 2026Félags- og húsnæðismálaráðuneytið, Heilbrigðisráðuneytið

Nýtt 80 rýma hjúkrunarheimili Hrafnistu opnað í Reykjanesbæ

Nýtt 80 rýma hjúkrunarheimili var opnað við Nesvelli í Reykjanesbæ í dag. Opnun heimilisins er mikilvægur áfangi í uppbyggingu hjúkrunarrýma um land allt. Hjúkrunarheimilið er samtengt Hrafnistu Nesvöllum sem er 60 rýma hjúkrunarheimili með heildstæðri þjónustumiðstöð fyrir eldri borgara. Heildarfjöldi rýma á hjúkrunarheimilum á Suðurnesjum er nú orðinn 140.

29. desember 2025Heilbrigðisráðuneytið, Félags- og húsnæðismálaráðuneytið

Skjólshús sett á fót – nýtt úrræði í geðheilbrigðisþjónustu

Í dag skrifuðu félags- og húsnæðismálaráðherra og heilbrigðisráðherra undir samstarfssamning við landssamtökin Geðhjálp um stofnun skjólshúss fyrir fólk í tilfinningalegri krísu vegna andlegra áskorana. Um er að ræða tilraunaverkefni til þriggja ára þar sem ráðuneytin tvö leggja til samtals 122 m.kr. á móti 150-180 m.kr. framlagi Geðhjálpar.…

17. desember 2025Félags- og húsnæðismálaráðuneytið

Alþingi samþykkir eingreiðslu í desember sem beinist sérstaklega að tekjulægstu lífeyrisþegunum

Alþingi hefur samþykkt frumvarp Ingu Sæland, félags- og húsnæðismálaráðherra sem felur í sér eingreiðslu í desember til þeirra sem fengið hafa greiddan örorkulífeyri, hlutaörorkulífeyri, ellilífeyri eða fengið sjúkra- og endurhæfingargreiðslur á árinu 2025. Það sama á við um þá sem fengu á árinu greiddan endurhæfingarlífeyri samkvæmt lögum um félagslega aðstoð.

11. desember 2025Félags- og húsnæðismálaráðuneytið

Breytir reglugerð um barnalífeyri vegna náms eða starfsþjálfunar ungmenna

Inga Sæland, félags- og húsnæðismálaráðherra, undirritaði í dag breytingu á reglugerð sem heimilar Tryggingastofnun að greiða barnalífeyri vegna náms eða starfsþjálfunar ungmenna á aldrinum 18-20 ára. Barnalífeyrinn má greiða ef annað foreldri eða báðir eru látnir eða ef foreldrar eru ellilífeyrisþegar eða örorkulífeyrisþegar. Upphæðin er 48.131 kr. á mánuði og er skattfrjáls.…

10. desember 2025Félags- og húsnæðismálaráðuneytið

Stuðningur við auðlesið mál

Inga Sæland, félags- og húsnæðismálaráðherra, hefur veitt Miðstöð um auðlesið mál styrk að upphæð 15 milljónum króna. Styrkurinn er hluti af Landsáætlun í málefnum fatlaðs fólks en ein af aðgerðunum í henni fjallar um auðlesið efni. Auðlesið mál er íslenska sem hefur verið einfölduð á skipulegan hátt og var miðstöðinni komið á laggirnar árið 2022 með stuðningi ráðuneytisins.

06. desember 2025Félags- og húsnæðismálaráðuneytið

Mælti fyrir frumvarpi sem aðstoðar fyrstu kaupendur við að eignast íbúð

Inga Sæland, félags- og húsnæðismálaráðherra, hefur mælt fyrir fyrir frumvarpi sem aðstoðar fyrstu kaupendur við að komast inn á húsnæðismarkaðinn. Þetta verður gert í gegnum breytingar á hlutdeildarlánum. Frumvarpið er hluti af fyrsta húsnæðispakka ríkisstjórnarinnar og felur í sér fjölmargar breytingar á hlutdeildarlánakerfinu sem allar miða að því að búa til kerfi sem virkar.

25. nóvember 2025Félags- og húsnæðismálaráðuneytið

Innflytjendur og samfélagið: Morgunverðarfundur innflytjendaráðs og afhending styrkja

Innflytjendaráð stendur fyrir morgunverðarfundi á alþjóðlega mannréttindadeginum þann 10. desember næstkomandi kl. 9:00-11:00. Fundurinn fer fram á Reykjavik Natura og flutt verða margvísleg erindi sem öll tengjast málefnum innflytjenda. Dagskránni lýkur með því að Inga Sæland, félags- og húsnæðismálaráðherra, afhendir styrki úr Þróunarsjóði innflytjendamála.

21. nóvember 2025Félags- og húsnæðismálaráðuneytið

Aldursviðbót gildir ævilangt og almennt frítekjumark ellilífeyris hækkar samkvæmt frumvarpi sem ráðherra hefur mælt fyrir

Inga Sæland, félags- og húsnæðismálaráðherra, hefur mælt fyrir​ frumvarpi á Alþingi sem ​felur í sér​ að öryrkjum​ verði​ tryggð​ ævilöng​ aldursviðbót og að almennt​ frítekjumark ​ellilífeyris​hækki. „​Með frumvarpinu eru stigin mikilvæg skref í átt að réttlátara samfélagi,“ sagði félags- og húsnæðismálaráðherra í framsöguræðu sinni í þinginu.