Faghópar ráðuneyta

Komið hefur verið upp föstum farvegi innan hvers ráðuneytis fyrir þróun upplýsingasamfélagsins. Slíkur farvegur er nauðsynlegur til þess að tryggja að stefna ríkisstjórnarinnar verði útfærð á vettvangi hvers ráðuneytis, endurskoðun hennar verði reglubundin og henni verði fylgt eftir á framkvæmdastig.

Innan ráðuneyta eru starfandi faghópar sem hafa eftirfarandi verksvið:

• Útfæra stefnu ríkisstjórnar um upplýsingasamfélagið
• Gerð framkvæmdaáætlana fyrir verkefni á sviði upplýsingatækni
• Tillögugerð vegna fjárlagavinnu
• Faglegt eftirlit með framkvæmd stefnunnar
• Samráð við hagsmunaaðila

Menntamálaráðuneyti og heilbrigðis- og tryggingamálaráðuneyti hafa þegar mótað stefnu í upplýsingamálum. Faghópar ráðuneyta vinna nú m.a. að því að útfæra stefnu ríkisstjórnar á vettvangi hvers ráðuneytis.