NOTE: This article is more than 5 years old.
{_Published:d. MMMM yyyy}
/
Atvinnuvegaráðuneytið
Tvær nýjar reglugerðir um síldveiðar
Fréttatilkynning
Sjávarútvegsráðuneytið hefur í dag að fengnum tillögum Hafrannsóknastofnunarinnar gefið út tvær reglugerðir varðandi síldveiðar með vörpu.
Að undanförnu hafa veiðieftirlitsmenn orðið varir við aukaafla ýmissa tegunda í flotvörpu síldveiðiskipa. Ráðuneytið hefur því ákveðið að aðeins sé heimilt að stunda síldveiðar með vörpu utan 12 sjómílna frá viðmiðunarmörkum sbr. lög nr. 79/1997, um veiðar í fiskveiðilandhelgi Íslands. Þessi reglugerð öðlast þegar gildi.
Að undanförnu hefur orðið vart talsverðs magns smásíldar í afla síldveiðiskipa við Austurland og hefur komið til skyndilokanna á svæðinu af þeim sökum. Ráðuneytið hefur því gefið út reglugerð þar sem allar síldveiðar eru bannaðar frá kl. 1500, 30. nóvember 2002 á svæði út af Austfjörðum milli Kambaness og Loðmundarfjarðar.. Nánari upplýsingar veita strandarstöðvar.
Sjávarútvegsráðuneytið, 29. nóvember 2002.