Breytingar á yfirstjórn ráðuneytisins

FRÉTTATILKYNNING
frá utanríkisráðuneytinu

Nr. 040

Frá og með 21. júlí mun Grétar Már Sigurðsson skrifstofustjóri á viðskiptaskrifstofu taka við stöðu ráðuneytisstjóra í utanríkisráðuneytinu.

Gunnar Snorri Gunnarsson, sem verið hefur ráðuneytisstjóri undanfarin fjögur ár, flyst í haust til starfa erlendis fyrir utanríkisþjónustuna.

Þorsteinn Ingólfsson sendiherra, sem undanfarin þrjú ár hefur setið í stjórn Alþjóðabankans fyrir hönd Norðurlandanna og Eystrasaltsríkjanna mun taka til starfa á skrifstofu utanríkisráðherra.

Jörundur Valtýsson, sem undanfarin tvö ár hefur starfað sem deildarstjóri í forsætisráðuneytinu, hefur þegar hafið störf á skrifstofu utanríkisráðherra.