Fundur forsætisráðherra með David Cameron, leiðtoga breska Íhaldsflokksins

Geir H. Haarde, forsætisráðherra, átti í dag fund með David Cameron, leiðtoga breska Íhaldsflokksins, og William Hague, talsmanns flokksins í utanríkismálum. Á fundinum var fjallað um þróun alþjóðlegra efnahagsmála og áhrif hennar á Íslandi og í Bretlandi. Í því samhengi var skipst á skoðunum um Evrópumál, stöðu EES og horfur innan ESB. Þá voru rædd varnarmál Íslands og alþjóðleg öryggismál, þ.a.m. ástandið í Afganistan. Einnig var rætt um orku og umhverfismál, hvalveiðar, og loks um samstarf Sjálfstæðisflokksins og Íhaldsflokksins.

Reykjavík 22. apríl 2008