Drög að reglugerð um flutningaflug til umsagnar

Drög að reglugerð um flutningaflug flugvéla er nú til umsagnar hjá samgönguráðuneytinu. Hagsmunaaðilum er boðið að gera athugasemdir og senda þær í síðasta lagi fyrir 24. nóvember næstkomandi á netfangið [email protected].

Reglugerðardrögin innleiða ákvæði III. viðauka (EU-OPS) við eftirtaldar reglugerðir EB, að undanskildum Q-kafla í III. viðauka reglugerðanna (þ.e. kaflans um flug- vinnutímamörk og hvíldartími flugáhafna sem gefin er út í sér reglugerð):

- Reglugerð (EB) nr. 1899/2006 um breytingu á reglugerð (EB) nr. 3922/91 um samræmingu á tæknikröfum og stjórnsýslumeðferð á sviði flugmála
- Reglugerð (EB) nr. 8/2008 um breytingu á reglugerð (EB) nr. 3922/91 um samræmingu á tæknikröfum og stjórnsýslumeðferð á sviði flugmála
- Reglugerð (EB) nr. 859/2008 um breytingu á reglugerð (EB) nr. 3922/91 um samræmingu á tæknikröfum og stjórnsýslumeðferð á sviði flugmála

Rétt er að benda á að ákvæði í meginmáli framangreindra reglugerða (EB) er að finna í reglugerð um samræmingu á tæknikröfum og stjórnsýslumeðferð á sviði flugmála sem bíður birtingar í Stjórnartíðindum.

Þar sem þýðingu framangreindra reglugerða (EB) er enn ekki að fullu lokið er hjálagður texti þeirra í reglugerðardrögunum á ensku. Beðist er velvirðingar á því að íslenska útgáfan fylgir ekki með.

Uppbygging reglugerðarinnar er eftirfarandi:

Í meginmáli reglugerðarinnar eru almenn ákvæði auk sérákvæða til frekari fyllingar ákvæðum í viðauka við reglugerðina.

Viðauki I hefur að geyma ákvæði viðauka III við reglugerð (EB) nr. 8/2008.

Viðauki II hefur að geyma ákvæði úr viðauka III við reglugerð (EB) nr. 859/2008 sem breyta ákvæðum II viðauka. Talin eru upp þau ákvæði sem taka gildi síðar.

Ráðgerð gildistaka reglugerðarinnar er 1.1.2009.

Ráðuneytið óskar umsagnar hagsmunaaðila í síðasta lagi fyrir 24. nóvember næstkomandi.

Drög að reglugerð um flutningaflug flugvéla ásamt viðhengjum. (PDF)