Boð til ÖSE um eftirlit með þingkosningum

Fastanefnd Íslands hjá Öryggis- og samvinnustofnun Evrópu, ÖSE, í Vín, bauð stofnuninni í dag að hafa eftirlit með kosningunum sem áætlaðar eru hér á landi í vor. Öll þátttökuríki ÖSE eru skuldbundin til að bjóða stofnuninni að hafa eftirlit með þing- og forsetakosningum.

Ekki liggur fyrir hvort ÖSE mun þekkjast boðið, en íslensk stjórnvöld munu staðfesta kjördag, sem nú er áætlaður 25. apríl, um leið og formlega hefur verið boðað til kosninga.