Aðgerðir gegn einelti: Verkefnisstjóri ráðinn

Kolbrún Baldursdóttir sálfræðingur hefur verið ráðin í stöðu verkefnisstjóra sem starfa mun fyrir verkefnisstjórn um aðgerðir gegn einelti. Starf hennar felst í því að hafa umsjón með og fylgja eftir verkefnum gegn einelti í samræmi við ákvarðanir verkefnisstjórnarinnar og hafa umsjón með fagráði sem tekur við eineltismálum sem þangað er vísað til úrlausnar úr skólakerfinu, ráðuneytum og stofnunum þeirra. Starf verkefnisstjóra var auglýst í janúar síðastliðnum. Ráðningin er til eins árs og svarar starfið hálfu stöðugildi.

Verkefnisstjórnin er skipuð fulltrúum velferðarráðuneytis, mennta- og menningarmálaráðuneytis og fjármálaráðuneytis.

• Nánari upplýsingar á vef mennta- og menningarmálaráðuneytisins