Leikskólinn Arnarberg í heimsókn

Það var fallegur hópur ungra Íslendinga sem heimsótti ráðuneytið að morgni 9. maí 2012. Hér var um að ræða leikskólabörn ásamt leikskólakennurum frá leikskólanum Arnarbergi í Hafnarfirði, sem langaði til að fá að sjá "fínar skrifstofur". Hópurinn borgaði svo fyrir sig með því að syngja hvert ljóðið og lagið á fætur öðru. Leiddi hugann að því hve auðvelt það er að láta ung börn læra falleg ljóð sem þau kunna svo allan aldur. Ráðuneytið tók á móti hópnum sem um erlenda þjóðhöfðingja væri að ræða, spjallað var við krakkana og sagt frá ráðuneytinu og síðan boðið upp á popp og ávexti.