Sumarfundur norrænu ráðherranefndarinnar um auðlindamál

Sjávarútvegs- og landbúnaðarráðherra, Steingrímur J. Sigfússon, situr í dag sumarfund Norrænu ráðherranefndarinnar um auðlindamál í Þrándheimi í Noregi ásamt samráðherrum sínum frá hinum Norðurlöndunum. Ann Tutwiler, vara-aðalritari FAO, matvæla- og landbúnaðarstofnunar Sameinuðu þjóðanna, er sérstakur gestur á fundinum. Þar verður m.a. rætt um fæðuöryggi í heiminum í ljósi niðurstaðna Ríó + 20 fundarins fyrr í sumar og áherslur norrænu ríkjanna í því sambandi. Einnig verða önnur sameiginleg hagsmunamál þjóðanna til umfjöllunar.