Efnisorð
Tegund

Leita eftir efnisorðum

Sýnir 1–50 af 66
Raða eftir:
05. des. 2026Félags- og húsnæðismálaráðuneytið, Fatlað fólk

Kostnaður endurgreiddur vegna ferða leiðsöguhunda erlendis

Ragnar Þór Ingólfsson, félags- og húsnæðismálaráðherra, hefur sett nýja reglugerð um endurgreiðslu kostnaðar vegna leiðsöguhunda við ferðalög notenda erlendis. Reglugerðin gildir um endurgreiðslu úr ríkissjóði á kostnaði sem fellur til þegar notendur leiðsöguhunda, með lögheimili á Íslandi, ferðast með hunda sína til útlanda. Ákvæðin ná til leiðsöguhunda sem Sjónstöðin hefur úthlutað sem hjálpartæki á grundvelli laga um Sjónstöðina.

06. sep. 2026Félags- og húsnæðismálaráðuneytið, Fatlað fólk

Ragnar Þór ávarpaði aðildarríkjaþing um réttindi fatlaðs fólks í New York

Ragnar Þór Ingólfsson, félags- og húsnæðismálaráðherra, flutti rétt í þessu ávarp Íslands á þingi aðildarríkja um samning Sameinuðu þjóðanna um réttindi fatlaðs fólk. António Guterres, aðalritari Sameinuðu þjóðanna, setti þingið nú í morgun í höfuðstöðvum SÞ í New York. Í ávarpinu fór Ragnar Þór yfir helstu breytingar sem orðið hafa hér á landi í málefnum fatlaðs fólks frá síðasta þingi. Mikilvægasta skrefið hafi verið stigið þegar Alþingi lögfesti samning Sameinuðu þjóðanna um réttindi fatlaðs fólks. Frá síðasta þingi hefði Mannréttindastofnun Íslands enn fremur tekið til starfa sem sjálfstæð stofnun á vegum Alþingis, nýtt örorku- og endurhæfingarkerfi tekið gildi og átaksverkefni verið sett af stað til að fjölga tækifærum til hlutastarfa á vinnumarkaði.…

06. sep. 2026Félags- og húsnæðismálaráðuneytið, Fatlað fólk, Utanríkisráðuneytið

Ísland fullgildir valfrjálsa bókun við samning Sameinuðu þjóðanna um réttindi fatlaðs fólks

Íslensk stjórnvöld hafa fullgilt valfrjálsa bókun við samning Sameinuðu þjóðanna um réttindi fatlaðs fólks. Í bókuninni er kveðið á um heimild fatlaðs fólks til að beina kvörtunum vegna brota á samningnum til eftirlitsnefndar Sameinuðu þjóðanna um réttindi fatlaðs fólks. „Mikilvægt er að fatlað fólk hafi aðgang að alþjóðlegum kæruleiðum. Með fullgildingu bókunarinnar styrkjum við réttarstöðu fatlaðs fólks og undirstrikum mikilvægi þess að réttindi þess séu virt,“ segir Ragnar Þór Ingólfsson, félags- og húsnæðismálaráðherra. „Þetta eru tímamót sem við fögnum sérstaklega því sjaldan hefur verið mikilvægara en nú að standa vörð um jaðarsetta hópa í okkar samfélagi,“ segir Þorgerður Katrín Gunnarsdóttir utanríkisáðherra. „Mannréttindi tilheyra öllum, alls staðar, á öllum tímum.…

04. sep. 2026Félags- og húsnæðismálaráðuneytið, Fatlað fólk

Einfaldar eftirlit með hjólastólalyftum á heimilum fólks

Ragnar Þór Ingólfsson, félags- og húsnæðismálaráðherra, hefur undirritað reglugerð sem felur í sér breytingar á eftirliti með hjólastólalyftum á heimilum fólks. Nægilegt verður að þjónustuaðilar þjónustu lyfturnar tvisvar á ári. „Fram hafði komið að tíðni eftirlits með hjólastólalyftum gæti valdið miklum kostnaði, ekki síst fyrir þá einstaklinga sem þurfa á slíkum lyftum að halda á heimilum sínum. Þessu höfum við nú brugðist við án þess þó að gefa afslátt af öryggiskröfum, enda talið nægjanlegt að hjólastólalyftur á heimilum fólks séu þjónustaðar á sex mánaða fresti,“ segir Ragnar Þór Ingólfsson, félags- og húsnæðismálaráðherra.

25. ágú. 2026Félags- og húsnæðismálaráðuneytið, Félags- og fjölskyldumál, Fatlað fólk

Félagsvísar - mælikvarðar félagslegrar velferðar

Félags- og húsnæðismálaráðuneytið Félagsvísar - mælikvarðar félagslegrar velferðar Félagsmálaráðuneytið og Hagstofa Íslands hafa frá árinu 2012, að frumkvæði Velferðarvaktarinnar, safnað og birt árlega samfélagslegar mælingar undir yfirskriftinni félagsvísar. Markmið vísanna er að auðvelda almenningi og stjórnvöldum að fylgjast með samfélagslegri þróun. Félagsvísum er ætlað að mæla þætti sem eru í eðli sínu mikilvægir fyrir líf fólks og hafa bein áhrif á félagslega velferð þeirra

25. ágú. 2026Félags- og fjölskyldumál, Fatlað fólk, Félags- og húsnæðismálaráðuneytið

Beiðni til sérfræðiteymis um ráðgjöf til að draga úr nauðung í þjónustu við fatlað fólk

Félags- og húsnæðismálaráðuneytið Beiðni til sérfræðiteymis um ráðgjöf til að draga úr nauðung í þjónustu við fatlað fólk Sérfræðiteymi um aðgerðir til að draga úr nauðung við fatlað fólk starfar samkvæmt lögum um réttindagæslu fyrir fatlað fólk. Samkvæmt lögunum er óheimilt að beita nauðung í þjónustu við fatlað fólk nema til að koma í veg fyrir að einstaklingur valdi sjálfum sér eða öðrum líkamstjóni eða stórfelldu eignatjóni, eða til að uppfylla grunnþarfir viðkomandi. Þegar þjónustuaðili, forstöðumaður eða annar sem ber ábyrgð á þjónustu við fatlaðan einstakling þarf að bregðast við aðstæðum þannig að til greina komi að beita þurfi viðkomandi nauðung skal hann leita til sérfræðiteymis skv

25. ágú. 2026Félags- og húsnæðismálaráðuneytið, Félags- og fjölskyldumál, Fatlað fólk

Framkvæmdaáætlun í málefnum fatlaðs fólks

Félags- og húsnæðismálaráðuneytið Framkvæmdaáætlun í málefnum fatlaðs fólks Í mars 2024 samþykkti Alþingi fyrstu landsáætlun í málefnum fatlaðs fólks. Hún var lögð fram sem tillaga til þingsályktunar um framkvæmdaáætlun í málefnum fatlaðs fólks fyrir árin 2024-2027. Alþingi hafði áður samþykkt tvær framkvæmdaáætlanir í málefnum fatlaðs fólks, fyrir árin 2017-2021 og 2012-2014, en landsáætlun var á hinn bóginn hluti af heildstæðri stefnumótun í þjónustu og þróun réttinda fatlaðs fólks

25. ágú. 2026Félags- og húsnæðismálaráðuneytið, Félags- og fjölskyldumál, Fatlað fólk

Fatlað fólk

Félags- og húsnæðismálaráðuneytið Fatlað fólk Félags- og húsnæðismálaráðuneytið fer með yfirstjórn málefna fatlaðs fólks samkvæmt lögum um þjónustu við fatlað fólk með langvarandi stuðningsþarfir. Ráðherra ber ábyrgð á opinberri stefnumótun í málaflokknum sem skal gerð í samvinnu við Samband íslenskra sveitarfélaga, hagsmunasamtök fatlaðs fólks og aðildarfélög þeirra. Þá skal fatlað fólk eiga aðkomu að stefnumótun í málefnum sem varðar það

05. ágú. 2026Félags- og húsnæðismálaráðuneytið, Fatlað fólk

Landssamtökin Þroskahjálp fá 25 milljóna króna styrk

Ragnar Þór Ingólfsson, félags- og húsnæðismálaráðherra, og Guðmundur Ármann Pétursson, formaður Landssamtakanna Þroskahjálpar, hafa undirritað samning um 25 milljóna króna styrk til Þroskahjálpar. Landssamtökin Þroskahjálp eru hagsmunasamtök fatlaðs fólks og leggja sérstaka áherslu á fólk með þroskahömlun og skyldar fatlanir, fötluð börn og fatlað fólk sem býr við margfalda jaðarsetningu.

11. júl. 2026Félags- og húsnæðismálaráðuneytið, Fatlað fólk

Landsáætlun um innleiðingu á samningi SÞ um réttindi fatlaðs fólks

Félags- og húsnæðismálaráðuneytið Landsáætlun um innleiðingu á samningi SÞ um réttindi fatlaðs fólks Landsáætlun í málefnum fatlaðs fólks er liður í innleiðingu og lögfestingu samnings Sameinuðu þjóðanna um réttindi fatlaðs fólks. Samningurinn hefur nú verið lögfestur á Íslandi. Til að tryggja farsæla innleiðingu samningsins hér á landi var árið 2022 hleypt af stokkunum umfangsmikilli vinnu við gerð landsáætlunarinnar

30. jún. 2026Félags- og húsnæðismálaráðuneytið, Fatlað fólk, NPA, Félags- og fjölskyldumál

Fræðslugátt félags- og húsnæðismálaráðuneytisins

Félags- og húsnæðismálaráðuneytið Fræðslugátt félags- og húsnæðismálaráðuneytisins Félags- og húsnæðismálaráðuneytið heldur úti fræðslugátt sem hefur það markmið að bjóða upp á aðgengi að þekkingu og fræðslu á málasviðum ráðuneytisins. NPA-námskeið hjá Learncove Fræðsluefni um notendaráð

20. jún. 2026Félags- og húsnæðismálaráðuneytið, Fatlað fólk

Ný lög samþykkt um réttindavernd fatlaðs fólks

Alþingi samþykkti í gær ný heildarlög um réttindavernd fatlaðs fólks. Lögin leysa af hólmi lög um réttindagæslu fyrir fatlað fólk. Meginmarkmið nýju laganna er að tryggja fötluðu fólki viðeigandi stuðning við vernd hvers konar réttinda og stuðla að bættu jafnrétti og aðgengi í þjónustu við fatlað fólk. Jafnframt er áhersla lögð á að tryggja að sjálfsákvörðunarréttur fatlaðs fólks sé virtur og fyllsta réttaröryggis gætt þegar brýna nauðsyn ber til að grípa inn í líf þess. „Lögin marka mikilvægt framfararskref í því að tryggja fötluðu fólki jafnræði og auka þátttöku þess og inngildingu í samfélaginu.…

19. maí 2026Félags- og húsnæðismálaráðuneytið, Fatlað fólk

Starfshópur um sértæk húsnæðisúrræði fyrir fatlað fólk skilar tillögum

Starfshópur undir forystu félags- og húsnæðismálaráðuneytisins hefur skilað skýrslu með tillögum að aðgerðum fyrir 7-10 ára áætlun um að uppfylla þörf fatlaðs fólks fyrir sértæk húsnæðisúrræði. Starfshópurinn leggur til níu aðgerðir og er markmið þeirra að draga úr biðlistum eftir húsnæði og auka hagkvæmni við veitingu þjónustu um leið og fötluðu fólki er tryggt raunverulegt aðgengi að heimili og þjónustu sem styður sjálfstætt líf, sjálfræði og fulla samfélagsþátttöku í samræmi við samning Sameinuðu þjóðanna um réttindi fatlaðs fólks.

21. mar. 2026Félags- og húsnæðismálaráðuneytið, Fatlað fólk

Samráðsgátt: Endurgreiðsla kostnaðar vegna leiðsöguhunda við ferðalög erlendis

Ragnar Þór Ingólfsson, félags- og húsnæðismálaráðherra, hefur birt í samráðsgátt stjórnvalda drög að reglugerð um endurgreiðslu kostnaðar vegna leiðsöguhunda við ferðalög notenda erlendis. Reglugerðinni er ætlað að gilda um endurgreiðslu úr ríkissjóði á kostnaði sem fellur til þegar notendur leiðsöguhunda, með lögheimili á Íslandi, ferðast með hund sinn til útlanda. Ákvæðin ná til leiðsöguhunda sem Sjónstöðin hefur úthlutað sem hjálpartæki á grundvelli laga um Sjónstöðina.

03. mar. 2026Félags- og húsnæðismálaráðuneytið, Húsnæðis- og mannvirkjamál, Fatlað fólk

Húsnæði við hæfi: Rætt um sértæk búsetuúrræði á samráðsþingi um málefni fatlaðs fólks

Rætt var um sértæk húsnæðisúrræði fyrir fatlað fólk á árlegu samráðsþingi sem fram fór í dag. Þetta er fjórða þingið sem blásið er til í tengslum við landsáætlun um innleiðingu samnings Sameinuðu þjóðanna um réttindi fatlaðs fólks. Yfirskrift þingins í ár var „Húsnæði við hæfi: Heimili sem styður sjálfstætt líf“. „Umræðan er bæði tímabær og brýn og snertir einn af grundvallarþáttum mannréttinda: Réttinn til að eiga heimili og lifa sjálfstæðu lífi í samfélaginu, á eigin forsendum,“ sagði Ragnar Þór Ingólfsson, félags- og húsnæðismálaráðherra, í opnunarávarpi þingsins.

11. des. 2025Félags- og húsnæðismálaráðuneytið, Fatlað fólk

Ísland lögfestir samning Sameinuðu þjóðanna um réttindi fatlaðs fólks

Ísland hefur lögfest samning Sameinuðu þjóðanna um réttindi fatlaðs fólks. Frumvarp Ingu Sæland, félags- og húsnæðismálaráðherra, um lögfestinguna var samþykkt á Alþingi rétt í þessu. Samningnum er ætlað að tryggja að fatlað fólk njóti mannréttinda sinna og koma í veg fyrir mismunun á grundvelli fötlunar. Lögfestingin hefur í för með sér að hægt verður að beita samningnum sem fullgildri réttarheimild fyrir dómstólum og öðrum úrskurðaraðilum.

14. nóv. 2025Félags- og húsnæðismálaráðuneytið, Fatlað fólk

Talsmenn fatlaðs fólks tilnefndir á Alþingi

Þingflokkar á Alþingi hafa nú í fyrsta sinn tilnefnt talsmenn fatlaðs fólks. Hlutverk talsmannanna er að gæta hagsmuna fatlaðs fólks á þinginu og tryggja farveg fyrir sjónarmið fatlaðra. Skipan talsmannanna er hluti af Landsáætlun í málefnum fatlaðs fólks sem Alþingi samþykkti í fyrra – og þáttur í innleiðingu samnings Sameinuðu þjóðanna um réttindi fatlaðs fólks sem Ísland lögfesti nú í vikunni. Talsmennirnir fengu í dag fræðslu um samning Sameinuðu þjóðanna um réttindi fatlaðs fólks, heyrðu reynslusögur fatlaðs fólk og kynntust reynsluheimi þeirra.

14. nóv. 2025Félags- og húsnæðismálaráðuneytið, Fatlað fólk, Almannatryggingar og lífeyrir

Mælti fyrir frumvarpi um eingreiðslu í desember sem beinist sérstaklega að tekjulægstu lífeyrisþegunum

Inga Sæland, félags- og húsnæðismálaráðherra, hefur mælt fyrir frumvarpi sem felur í sér eingreiðslu í desember til þeirra sem fengið hafa greiddan örorkulífeyri, hlutaörorkulífeyri, ellilífeyri eða fengið sjúkra- og endurhæfingargreiðslur á árinu 2025. Það sama á við um þá sem fengu á árinu greiddan endurhæfingarlífeyri samkvæmt lögum um félagslega aðstoð. Í frumvarpinu er gert ráð fyrir breytingu frá fyrirkomulaginu sem verið hefur undanfarin ár á eingreiðslunni til að hún komi betur til móts við þá sem eru tekjulægstir. Gert er ráð fyrir að full eingreiðsla verði 73.390 kr og undanþegin skatti, auk þess sem hún leiðir ekki til skerðingar á öðrum greiðslum.

12. okt. 2025Félags- og húsnæðismálaráðuneytið, Fatlað fólk

Stuðningur við auðlesið mál

Inga Sæland, félags- og húsnæðismálaráðherra, hefur veitt Miðstöð um auðlesið mál styrk að upphæð 15 milljónum króna. Styrkurinn er hluti af Landsáætlun í málefnum fatlaðs fólks en ein af aðgerðunum í henni fjallar um auðlesið efni. Auðlesið mál er íslenska sem hefur verið einfölduð á skipulegan hátt og var miðstöðinni komið á laggirnar árið 2022 með stuðningi ráðuneytisins.

06. okt. 2025Félags- og húsnæðismálaráðuneytið, Fatlað fólk

„Stolt, fötluð og þakklát“ – áhrifaríkt ávarp félags- og húsnæðismálaráðherra á aðildarríkjaþingi í New York

Inga Sæland, félags- og húsnæðismálaráðherra, ávarpaði í kvöld þing aðildarríkja um samning Sameinuðu þjóðanna um réttindi fatlaðs fólks sem nú er hafið í New York. Ávarp ráðherra var óvenjulegt og áhrifamikið en þar deildi hún lífshlaupi sínu sem lögblindur, fatlaður einstaklingur. „Ég ólst upp í litlu sjávarplássi og skammaðist mín fyrir að vera blind. Ég var öðruvísi – og var lögð í einelti. Ég gat ekki varið mig, sá hvorki snjóboltana né steinana sem var kastað í mig. Mig dreymdi um menntun en ég sá ekki stafina í kennslubókunum og flosnaði upp úr skóla,“ sagði hún.

29. sep. 2025Félags- og húsnæðismálaráðuneytið, Fatlað fólk

Samráðsgátt: Ný lög um réttindavernd fatlaðs fólks

Inga Sæland, félags- og húsnæðismálaráðherra, hefur birt í samráðsgátt stjórnvalda drög að frumvarpi til laga um réttindavernd fatlaðs fólk. Um ný heildarlög er að ræða og gert ráð fyrir að þau leysi af hólmi gildandi lög um réttindagæslu fyrir fatlað fólk. Meginmarkmið frumvarpsins er að tryggja fötluðu fólki viðeigandi stuðning við vernd hvers konar réttinda og stuðla að bættu jafnrétti og aðgengi í þjónustu við fatlað fólk. Jafnframt er áhersla lögð á að tryggja að sjálfsákvörðunarréttur fatlaðs fólks sé virtur og fyllsta réttaröryggis gætt þegar brýna nauðsyn ber til að grípa inn í líf þess.

11. sep. 2025Félags- og húsnæðismálaráðuneytið, Mennta- og barnamálaráðuneytið, Fatlað fólk, Heilbrigðisráðuneytið

Allir með: Áframhaldandi stuðningur við verkefni sem eykur þátttöku fatlaðra barna og ungmenna í íþróttastarfi

Inga Sæland, félags- og húsnæðismálaráðherra, Alma Möller heilbrigðisráðherra og Guðmundur Ingi Kristinsson, mennta- og barnamálaráðherra, ætla að veita 60 milljónum króna til að auka þátttöku og virkni fatlaðs fólks í íþróttastarfi, einkum fatlaðra barna og ungmenna. Verkefnið er liður í að ná markmiðum 30. greinar samnings Sameinuðu þjóðanna um réttindi fatlaðs fólks sem fjallar meðal annars um þátttöku fatlaðs fólks í íþróttum.

09. sep. 2025Félags- og húsnæðismálaráðuneytið, Félags- og fjölskyldumál, Húsnæðis- og mannvirkjamál, Vinnumál, Fatlað fólk, Innflytjendur, Málefni eldra fólks, Almannatryggingar og lífeyrir

16 frumvörp sem hafa þýðingu fyrir fólk um land allt

Inga Sæland, félags- og húsnæðismálaráðherra, er með sextán frumvörp á þingmálaskrá ríkisstjórnarinnar fyrir komandi haustþing. Frumvörpin hafa þýðingu fyrir fjölda fólks um land allt. Má þar nefna ellilífeyrisþega, örorkulífeyrisþega, fólk á leigumarkaði, fatlað fólk, fólk sem tekur hlutdeildarlán, einstaklinga sem hefur verið gert að sæta öryggisráðstöfunum, innflytjendur, atvinnuleitendur og foreldra í fæðingarorlofi.

07. sep. 2025Félags- og húsnæðismálaráðuneytið, Fatlað fólk, Almannatryggingar og lífeyrir

Viðamikill undirbúningur vegna samþætts sérfræðimats: Skýrsla ráðherra til Alþingis

Inga Sæland, félags- og húsnæðismálaráðherra, hefur lagt fram skýrslu á Alþingi um innleiðingu og undirbúning samþætts sérfræðimats. Núgildandi læknisfræðilegt örorkumat var innleitt hér á landi árið 1999 og hefur staðið óbreytt síðan en með nýju örorku- og endurhæfingarkerfi verður því hætt og í staðinn tekið upp samþætt sérfræðimat. Breytingarnar eiga sér stað þann 1. september nk. þegar nýja kerfið tekur gildi.

25. ágú. 2025Félags- og húsnæðismálaráðuneytið, Fatlað fólk, Almannatryggingar og lífeyrir

Hækkun frítekjumarka húsnæðisbóta 1. september 2025 vegna breytinga á örorkulífeyriskerfinu

Inga Sæland, félags- og húsnæðismálaráðherra, hefur undirritað reglugerð sem felur í sér að frítekjumörk húsnæðisbóta hækka frá og með 1. september nk. Hækkunin er gerð vegna breytinga á örorkulífeyriskerfinu sem taka gildi sama dag. „Örorkulífeyrisgreiðslur munu almennt hækka þegar nýja kerfið tekur gildi. Til að koma í veg fyrir að lífeyrisþegar lendi í því að húsnæðisbætur þeirra skerðist vegna hækkunarinnar var nauðsynlegt að hækka frítekjumörk húsnæðisbótanna. Það hef ég nú gert og reglugerðin tekur gildi strax um mánaðarmótin,“ segir ráðherra.

11. ágú. 2025Félags- og húsnæðismálaráðuneytið, Fatlað fólk, Málefni eldra fólks, Félags- og fjölskyldumál, Hagsýn í rekstri

Ríki og sveitarfélög taka höndum saman um gagnaöflun og stafræna þróun í velferðarþjónustu

Félags- og húsnæðismálaráðuneytið og Samband íslenskra sveitarfélaga, fyrir hönd sveitarfélaga landsins, munu ráðast í samstarf um öflun og nýtingu gagna í velferðarþjónustu og stafræna þróun hins opinbera. Markmiðið er að taka saman upplýsingar frá ólíkum þjónustuaðilum og stofnunum þannig að yfirsýn fáist yfir aðstæður þeirra sem þurfa á þjónustu að halda og stuðlað sé að samfellu í þjónustunni. Inga Sæland, félags- og húsnæðismálaráðherra, og Jón Björn Hákonarson, formaður Sambands íslenskra sveitarfélaga, hafa undirritað samkomulag þess efnis.

02. jún. 2025Félags- og húsnæðismálaráðuneytið, Fatlað fólk

Öllum nýjum erindum til réttindagæslumanna fyrir fatlað fólk verið komið í ferli

Frá því að starfandi réttindagæslumenn fyrir fatlað fólk tóku til starfa í kringum áramót hafa þeir móttekið 68 erindi sem öll hafa verið sett í viðeigandi ferli. Áhersla er lögð á að svara samdægurs eða við fyrsta tækifæri. Öllum þeim málum sem fyrrum réttindagæslumenn hafa sinnt samkvæmt málaskrá hefur auk þess verið úthlutað til nýrra réttindagæslumanna. Sumum erindum til réttindagæslu fyrir fatlað fólk lýkur með leiðbeiningaskyldu eða fræðslu en þau mál þar sem þjónustu er ábótavant eða grunur leikur á að verið sé að brjóta á réttindum fatlaðs fólks fá stöðu réttindagæslumáls. Slík mál eru í dag 46 talsins og eru öll í vinnslu hjá réttindagæslumönnum.

06. maí 2025Félags- og húsnæðismálaráðuneytið, Fatlað fólk

Nýr búsetukjarni og skammtímavistun fyrir fötluð börn opnar

Félags- og húsnæðismálaráðherra og formaður bæjarráðs Fjarðabyggðar opnuðu í dag nýjan búsetukjarna og skammtímavistun fyrir fötluð börn að viðstöddu fjölmenni. „Með þessu er mikilvægt skref stigið til að bæta stuðning við fötluð börn og fjölskyldur þeirra. Ég óska íbúum Fjarðabyggðar hjartanlega til hamingju,“ segir Inga Sæland.

06. apr. 2025Félags- og húsnæðismálaráðuneytið, Fatlað fólk

Breytir byggingarreglugerð og setur inn nýtt ákvæði um 25 metra hámarksfjarlægð frá bílastæði hreyfihamlaðra

Inga Sæland, félags- og húsnæðismálaráðherra, hefur breytt byggingarreglugerð nr. 112/2012 og sett inn nýtt ákvæði um 25 metra fjarlægðarreglu vegna bílastæða hreyfihamlaðra. Slík bílastæði skulu nú vera sem næst aðalinngangi bygginga og ekki fjær þeim en 25 metrar. „Áður leyfði reglugerðin framkvæmdaaðilum að staðsetja bílastæði fyrir hreyfihamlaða yst á bílastæðum og sem lengst frá inngangi. En ekki lengur,“ segir ráðherra.

02. apr. 2025Félags- og húsnæðismálaráðuneytið, Vinnumál, Fatlað fólk, Almannatryggingar og lífeyrir

Frumvörp sem snerta fjölda fólks

Ellefu frumvörp á þingmálaskrá ríkisstjórnarinnar koma frá Ingu Sæland, félags- og húsnæðismálaráðherra. Frumvörpin spanna vítt svið og snerta fjölda fólks. Má þar nefna fatlað fólk, örorkulífeyrisþega, ellilífeyrisþega, fólk á leigumarkaði, fólk sem eignast fjölbura, fólk sem tekur hlutdeildarlán til fyrstu íbúðarkaupa og börn sem missa foreldri.

31. mar. 2025Félags- og húsnæðismálaráðuneytið, Félags- og fjölskyldumál, Fatlað fólk, Málefni eldra fólks, Almannatryggingar og lífeyrir, Fjármálaáætlun

Aðgerðir sem snerta 65.000 manns: Fjármálaáætlun frá sjónarhóli öryrkja og eldra fólks

Í Fjármálaáætlun 2026-2030 eru stór tíðindi fyrir öryrkja og eldra fólk. Tvær umfangsmiklar breytingar verða fjármagnaðar með áætluninni, auk kerfisbreytingar sem nýtt örorkulífeyriskerfi felur í sér. ​„Áætlunin markar vatnaskil fyrir öryrkja og aldraða á Íslandi. Við sýnum hér að sú hugsjón að taka betur utan um fólkið okkar er sannarlega komin til framkvæmda,“ segir Inga Sæland, félags- og húsnæðismálaráðherra.

20. mar. 2025Félags- og húsnæðismálaráðuneytið, Innflytjendur, Fatlað fólk

Handbók um auðlesið mál komin út

Handbók um auðlesið mál er komin út og hægt að nálgast hana endurgjaldslaust á vefnum. Bókin er gefin út á vegum Miðstöðvar um auðlesið mál. Miðstöðin er styrkt af félags- og húsnæðismálaráðuneytinu og fékk Inga Sæland, félags- og húsnæðismálaráðherra, afhent fyrsta eintakið. Með útgáfu handbókarinnar er öllum þeim sem birta efni opinberlega gert kleift að bjóða upp á auðlesna útgáfu.

20. mar. 2025Félags- og húsnæðismálaráðuneytið, Fatlað fólk

Mælti fyrir frumvarpi um lögfestingu samnings SÞ um réttindi fatlaðs fólks

Inga Sæland, félags- og húsnæðismálaráðherra, mælti í dag fyrir frumvarpi um lögfestingu samnings Sameinuðu þjóðanna um réttindi fatlaðs fólks. Markmið lögfestingarinnar er að auka réttaráhrif samningsins hér á landi, tryggja að fatlað fólk njóti til fulls allra mannréttinda og koma í veg fyrir mismunun á grundvelli fötlunar. Lengi hefur verið kallað eftir lögfestingunni hér á landi.

03. mar. 2025Félags- og húsnæðismálaráðuneytið, Fatlað fólk, Almannatryggingar og lífeyrir

Samráðsgátt: Frumvarp sem ætlað er að bæta stöðu örorku- og ellilífeyrisþega

Drög að frumvarpi sem ætlað er að bæta stöðu örorku- og ellilífeyrisþega er nú til umsagnar í samráðsgátt stjórnvalda. Frumvarpið byggir á stefnuyfirlýsingu ríkisstjórnarinnar þar sem segir meðal annars að ríkisstjórnin ætli að stöðva strax kjaragliðnun launa og lífeyris og stíga stór skref til að uppræta fátækt, auk þess að binda í lög að aldursviðbót á lífeyri öryrkja haldist ævilangt.

28. feb. 2025Félags- og húsnæðismálaráðuneytið, Fatlað fólk

Þau eru velviljuð, þó séu ófötluð …

Átak, félag fólks með þroskahömlun, hefur birt tónlistarmyndband sem vakið hefur verðskuldaða athygli. Um er að ræða endurgerð á laginu „Hjálpum þeim“. Myndbandið er hluti af vitundarvakningu sem nú stendur yfir um stöðu, framlag og réttindi fatlaðs fólks. Átak gerði nýjan texta við lagið og í honum segir meðal annars: „Menn, konur og kvár eru‘ að reyna, án hjálpar eiga enga von! Búum til betri heim, sameinust hjálpum þeim, þau eru velviljuð, þó séu ófötluð.“

22. feb. 2025Félags- og húsnæðismálaráðuneytið, Fatlað fólk

Fyrir okkur öll: Vitundarvakning um stöðu, framlag og réttindi fatlaðs fólks

Djamm fyrir okkur öll. Draumastarfið fyrir okkur öll. Húsnæði fyrir okkur öll. Prófstress fyrir okkur öll! Þetta er meðal slagorða í vitundarvakningu um stöðu, framlag og réttindi fatlaðs fólks sem er hafin og ber yfirskriftina Fyrir okkur öll. Vitundarvakningin er ein af aðgerðum í Landsáætlun í málefnum fatlaðs fólks sem samþykkt var á Alþingi í fyrra og inniheldur 60 aðgerðir sem snúa að mismunandi sviðum mannlífsins. Landsáætlunin er liður í innleiðingu og lögfestingu samnings Sameinuðu þjóðanna um réttindi fatlaðs fólks sem nú er fram undan.

20. feb. 2025Félags- og húsnæðismálaráðuneytið, Fatlað fólk

Fullur salur á samráðsþingi um landsáætlun í málefnum fatlaðs fólks

Fjöldi fólks tók þátt í opnu samráðsþingi um landsáætlun um innleiðingu samnings Sameinuðu þjóðanna um réttindi fatlaðs fólks sem fram fór í dag. Landsáætlunin inniheldur 60 aðgerðir og er liður í innleiðingu og lögfestingu samnings Sameinuðu þjóðanna um réttindi fatlaðs fólks. Yfirskrift þingsins var „Eitt lífshlaup – ótal tengingar“ og markmiðið að kortleggja þjónustu við fatlað fólk í gegnum ævina og hvernig hægt sé að koma á og styrkja tengingar á milli aðila.

04. des. 2024Félags- og húsnæðismálaráðuneytið, Fatlað fólk

Mælti fyrir frumvarpi sem skýrir hlutverk og heimildir réttindagæslumanna og persónulegra talsmanna

Guðmundur Ingi Guðbrandsson, félags- og vinnumarkaðsráðherra, hefur mælt á Alþingi fyrir frumvarpi sem skýrir hlutverk og verkferla í kringum réttindagæslumenn og persónulega talsmenn fatlaðs fólks og gerir þeim betur kleift að sinna hlutverki sínu. „Með þeim breytingum sem lagðar eru fram í frumvarpinu er lögð áhersla á að vilji hins fatlaða einstaklings ráði för, eins og skýrt kemur fram í samningi Sameinuðu þjóðanna um réttindi fatlaðs fólks,“ sagði Guðmundur Ingi meðal annars í framsöguræðu sinni.

09. nóv. 2024Félags- og húsnæðismálaráðuneytið, Fatlað fólk, Fjárlög, Innflytjendur, Málefni eldra fólks, Almannatryggingar og lífeyrir

Breytingar á örorkulífeyriskerfinu og hækkun á almennu frítekjumarki ellilífeyris

Nýtt örorkulífeyriskerfi tekur gildi þann 1. september 2025. Kostnaður vegna breytinganna er á ársgrundvelli 18,1 milljarður króna en 4,4 milljarðar koma inn árið 2025 samkvæmt frumvarpi til fjárlaga sem birt var í gær. Aukin fjárframlög til örorkulífeyriskerfisins eru að mestu til komin vegna hærri greiðslna til örorkulífeyrisþega en um 95% þeirra munu fá hærri greiðslur í nýja kerfinu.

03. nóv. 2024Félags- og húsnæðismálaráðuneytið, Fatlað fólk, Mennta- og barnamálaráðuneytið, Menningar-٫ nýsköpunar- og háskólaráðuneytið

Tillögur að auknum náms- og starfstækifærum fyrir fatlað fólk

Starfshópur um aukin náms- og starfstækifæri fyrir fatlað fólk hefur skilað tillögum sínum til ráðherra. Hópnum var ætlað að greina núverandi starfs- og menntunartækifæri fatlaðs fólks með tilliti til þess hvað þurfi að bæta, auk þess að leggja fram tillögur að aðgerðum.

28. okt. 2024Vísindi nýsköpun og rannsóknir, Fatlað fólk, Gervigreind, Menningar-٫ nýsköpunar- og háskólaráðuneytið

Sameinast um stórbætt aðgengi fatlaðs fólks að stafrænum lausnum

Menningar- og viðskiptaráðherra, Almannarómur – miðstöð máltækni, ÖBÍ réttindasamtök og Miðstöð menntunar og skólaþjónustu (MMS) skrifuðu í dag undir viljayfirlýsingu þess efnis að vinna saman að því að stórbæta stafrænt aðgengi fatlaðs fólks, með hjálp íslenskra máltæknilausna. Á meðal þeirra verkefna sem unnið verður að er að koma á fót upplýsingagátt um helstu lausnir sem geta gagnast ýmsum hópum, styðja við stofnun raddbanka og setja aukinn kraft í þróun á talgervilslausnum sem styðja við íslensku.