Efnisorð
Tegund

Leita eftir efnisorðum

Sýnir 51–100 af 110
Raða eftir:
06. mar. 2026Utanríkismál, Alþjóðamál, Heimsmarkmiðin, Þróunarsamvinna, Utanríkisráðuneytið

Samstarf við sólarorkufyrirtæki í Síerra Leóne: Þúsundir heimila fá rafmagn í fyrsta sinn

Síerra Leóne er eitt þriggja samstarfsríkja Íslands í tvíhliða þróunarsamvinnu og er meðal fátækustu ríkja heims. Um er að ræða samstarfsverkefni Íslands, Írlands, Þýskalands og Evrópusambandsins sem miðar að því að veita fátækum heimilum aðgang að raforku með nýstárlegum sólarorkulausnum.

15. des. 2025Háskólar, Þróunarsamvinna, Utanríkisráðuneytið

Efling samstarfs og sérþekkingar á málefnum þróunarríkja

Þorgerður Katrín Gunnarsdóttir utanríkisráðherra fundaði á föstudaginn með Silju Báru R. Ómarsdóttur, rektor Háskóla Íslands, og Ragnhildi Helgadóttur, rektor Háskólans í Reykjavík, um samstarf við uppbyggingu sérþekkingar á málefnasviðum þróunarsamvinnu. Tilefni fundarins má rekja til breytinga á sviði alþjóðamála en landfræðipólitískt mikilvægi landa í Suðri, þar á meðal þróunarríkja, fer vaxandi með aukinni þátttöku þeirra innan alþjóðakerfisins.

24. nóv. 2025Þróunarsamvinna, Skólar GRÓ, Utanríkisráðuneytið

Jarðhitaskóli GRÓ útskrifar 23 sérfræðinga

Jarðhitaskóli GRÓ útskrifaði á dögunum 23 sérfræðinga frá 16 löndum, í 46. útskrift skólans frá stofnun hans árið 1978. Nemendurnir komu frá Afríku, Asíu, S-Ameríku og ríkjum í Karabíska hafinu. Í fyrsta sinn sótti nemandi frá Bútan skólann. Öll voru þau tilnefnd til þátttöku í náminu af hálfu vinnuveitenda sinna vegna mikilvægrar stöðu þeirra heima fyrir við að þróa og auka notkun endurnýjanlegra orkugjafa.

11. nóv. 2025Utanríkismál, Jafnrétti, Þróunarsamvinna, Sendiráð Íslands í Freetown, Utanríkisráðuneytið

Jafnréttis- og barnamálaráðherra Síerra Leóne í heimsókn á Íslandi

Þorgerður Katrín Gunnarsdóttir utanríkisráðherra átti fund með Dr. Isata Mahoi, jafnréttis-og barnamálaráðherra Síerra Leóne í húsakynnum utanríkisráðuneytisins við Austurhöfn í vikunni. Dr. Mahoi heimsótti Ísland í tilefni af Heimsþingi kvenleiðtoga í Reykjavík og þá sótti hún jafnframt málþing um konur, frið og öryggi sem fram fór í Háskóla Íslands.

16. okt. 2025Fjármála- og efnahagsráðuneytið, Utanríkisráðuneytið, Þróunarsamvinna, Efnahagsmál og opinber fjármál

Áskoranir þróunarríkja og alþjóðahagkerfisins efst á baugi á ársfundum Alþjóðabankans og Alþjóðagjaldeyrissjóðsins

Staða og horfur í alþjóðahagkerfinu, samstaða með Úkraínu og atvinnusköpun í þróunarríkjum voru meðal umræðuefna á ársfundum Alþjóðagjaldeyrissjóðsins og Alþjóðabankans sem fram fara í Washington, D.C. í vikunni.

26. sep. 2025Utanríkismál, Þróunarsamvinna, Sendiráð Íslands í Kampala, Utanríkisráðuneytið

Stuðningur við unglingsmæður og börn þeirra í Úganda skilar árangri

Hátt í þúsund fátækar mæður á unglingsaldri og börn þeirra njóta góðs af fjárstuðningi í tengslum við verkefni Barnahjálpar Sameinuðu þjóðanna í Úganda sem Ísland fjármagnar. Stuðninginn nota stúlkurnar til að skapa lífsviðurværi fyrir sig og börn sín. Með verkefninu er freistað að rjúfa þann vítahring sem ungar mæður og börn þeirra festast í.

09. sep. 2025Utanríkismál, Þróunarsamvinna, Utanríkisráðuneytið

Breytt landslag þróunarsamvinnu í brennidepli á fundi OECD-DAC í Hörpu

Stórfelldur niðurskurður stórra framlagsríkja til opinberrar þróunaraðastoðar á yfirstandandi ári setti mark sitt á Tidewater-fund Þróunarsamvinnunefndar Efnahags- og framfarastofnunarinnar (OECD-DAC), sem fram fór í Hörpu í dag. Þar var breytt landslag alþjóðlegrar þróunarsamvinnu efst á baugi, en fyrirséð er að miklar breytingar verði á hefðbundinni fjármögnun opinberrar þróunarastoðar af þessum sökum.

29. ágú. 2025Alþjóðamál, Þróunarsamvinna, Skólar GRÓ, Utanríkisráðuneytið

Landgræðsluskóli GRÓ útskrifar 19 sérfræðinga

Átjándi nemendahópur Landgræðsluskóla GRÓ útskrifaðist á þriðjudaginn. Nemendahópurinn samanstóð af 19 sérfræðingum á sviði sjálfbærrar landnýtingar og endurheimtar vistkerfa, frá níu samstarfslöndum skólans í Afríku og Asíu. Þetta var í fyrsta sinn sem nemendur frá Benín og S-Afríku útskrifast úr skólanum, en aðrir nemendur voru frá Gana, Kenía, Úsbekistan, Lesótó, Malaví, Mongólíu og Úganda.

03. júl. 2025Utanríkismál, Alþjóðamál, Þróunarsamvinna, Utanríkisráðuneytið

Hnattrænar áskoranir og málefni Úkraínu rædd á fundi með forseta Alþjóðabankans

Hlutverk Alþjóðabankans á tímum örra breytinga, skertrar fjármögnunar til þróunarsamvinnu og erfiðrar skuldastöðu fjölmargra þróunarríkja var meðal þess sem rætt var á fundi fulltrúa kjördæmis Norðurlandanna og Eystrasaltsríkjanna (NB8) í Alþjóðabankanum með Ajay Banga, forseta bankans, í Stokkhólmi í dag. Vandinn sem fátækustu ríkin standa frammi fyrir er gríðarlegur og fer vaxandi á sama tíma og dregið hefur úr stuðningi við þau.

30. jún. 2025Utanríkismál, Alþjóðamál, Þróunarsamvinna, Sendiráð Íslands í Lilongwe, Utanríkisráðuneytið

Ísland styður við fæðuöryggi skólabarna í Malaví

Nýju skólamáltíðarverkefni á vegum Íslands og Matvælaáætlunar Sameinuðu þjóðanna (WFP) var nýverið hleypt af stokkunum í Malaví. Fulltrúar sendiráðs Íslands í Lilongwe sóttu sérstakan setningarviðburð af þessu tilefni, ásamt menntamálaráðherra Malaví og yfirmanns WFP. Viðburðurinn fór fram í Dzikondilose grunnskólanum sem er einn af skólunum sem hlotið hefur stuðning frá Íslandi.

19. jún. 2025Utanríkisráðuneytið, Alþjóðamál, Þróunarsamvinna, Utanríkismál

Ísland og Alþjóðabankinn styðja Síerra Leóne við mótun framtíðarsýnar og stefnu fyrir sjávarútveg í landinu

Sendiráð Íslands í Freetown og tveir íslenskir sérfræðingar á sviði fiskimála hafa undanfarna mánuði unnið í nánu samstarfi við sjávarútvegsráðuneytið í Síerra Leóne og Alþjóðabankann að mótun heildrænnar stefnu og aðgerðaáætlunar fyrir framþróun sjávarútvegs í landinu. Víðtækt samráð var haft við fiskimannasamfélög, smábátaveiðimenn, iðnaðinn og aðra haghafa í ferlinu. Stjórnvöld í Síerra Leóne kynntu stefnuna við hátíðlega athöfn í byrjun mánaðar.

18. jún. 2025Utanríkismál, Þróunarsamvinna, Utanríkisráðuneytið

Háskóli unga fólksins heimsótti utanríkisráðuneytið

Utanríkisráðuneytið fékk skemmtilega heimsókn í síðustu viku þegar hópur krakka frá Háskóla unga fólksins kom í ráðuneytið til að fræðast um Heimsmarkmið Sameinuðu þjóðanna um þróun og hvernig íslensk stjórnvöld vinna að þeim. Martin Eyjólfsson, ráðuneytisstjóri, og Aðalsteinn Leifsson, aðstoðarmaður ráðherra, nýttu tækifærið og heilsuðu upp á krakkana.

06. jún. 2025Utanríkismál, Þróunarsamvinna, Utanríkisráðuneytið, Sendiráð Íslands í Freetown

Ísland leggur baráttunni gegn fæðingarfistli lið í Síerra Leóne

Alþjóðlegum baráttudegi fyrir útrýmingu fæðingarfistils var minnst nýverið við hátíðlega athöfn í Freetown með þátttöku sendiráðs Íslands, heilbrigðisráðuneytis Síerra Leóne, kvenna sem þjáðst hafa af fæðingarfistli og Mannfjöldasjóðs Sameinuðu þjóðanna (UNFPA). Þá var forsætisráðherra landsins heiðursgestur á athöfninni og undirstrikaði í ávarpi sínu ásetning stjórnvalda um að útrýma sjúkdómnum.

05. jún. 2025Utanríkisráðuneytið, Alþjóðamál, Jafnrétti, Þróunarsamvinna, Utanríkismál

Ísland styður jafnréttissjóð Barnahjálpar Sameinuðu þjóðanna

Íslensk stjórnvöld hafa ákveðið að nær tvöfalda stuðning sinn við jafnréttissjóð Barnahjálpar Sameinuðu þjóðanna (UNICEF) en sjóðurinn heldur úti verkefnum í þróunarríkjum sem miða að því að auka jafnrétti og valdeflingu stúlkna, með sérstaka áherslu á menntun stúlkna og aukið aðgengi þeirra að tækni- og raungreinum. Martin Eyjólfsson, ráðuneytisstjóri utanríkisráðuneytisins, undirritaði samninginn við UNICEF í síðustu viku.

30. maí 2025Utanríkismál, Þróunarsamvinna, Utanríkisráðuneytið

Aðstoðarframkvæmdastjóri UNESCO tekur sæti í stjórn GRÓ

Dr. Lidia Brito, aðstoðarframkvæmdastjóri UNESCO fyrir náttúruvísindi, tók nýverið sæti í stjórn GRÓ - Þekkingarmiðstöðvar þróunarsamvinnu og sótti Ísland heim í síðustu viku. Hún flutti ávarp við útskrift Sjávarútvegsskóla GRÓ og hitti nemendur Landgræðsluskóla GRÓ sem og forstöðumenn allra GRÓ skólanna fjögurra. Þá fundaði hún með Martin Eyjólfssyni ráðuneytisstjóra utanríkisráðuneytisins, auk þess að sækja 30. stjórnarfund GRÓ.

28. maí 2025Utanríkismál, Þróunarsamvinna, Úkraína, Utanríkisráðuneytið

Áréttuðu stuðning Íslands í heimsókn til Úkraínu

Fulltrúar utanríkisráðuneytisins heimsóttu Úkraínu í síðastliðinni viku þar sem þau áttu fundi með stjórnvöldum og samstarfsaðilum og ræddu við fulltrúa ráðuneyta, alþjóðastofnana, félagasamtaka, hugveitna og heimafólk um stöðu mála nú þegar þrjú ár og þrír mánuðir eru liðnir frá því að Rússar hófu allsherjarinnrás sína í Úkraínu.

26. maí 2025Utanríkismál, Þróunarsamvinna, Sendiráð Íslands í Kampala, Utanríkisráðuneytið

Lækningatæki til meðferðar á fæðingarfistli afhent í Úganda

Sendiráð Íslands í Kampala hefur afhent völdum heilbrigðisstofnunum í Úganda mikilvæg lækningatæki og búnað til meðferðar á konum sem þjást af fæðingingarfistli. Áfanginn er liður í verkefni sem Ísland styður í gegnum Mannfjöldasjóð Sameinuðu þjóðanna (UNFPA) en markmið þess er að vinna gegn fæðingarfistli og styðja konur sem þjást af þeim sökum til að fóta sig á ný í samfélaginu.

09. maí 2025Utanríkismál, Norrænt samstarf, Þróunarsamvinna, Utanríkisráðuneytið

Norrænir þróunarmálaráðherrar funduðu í Finnlandi

Umbætur á starfsemi Sameinuðu þjóðanna ​og þær áskoranir sem alþjóðasamfélagið stendur frammi fyrir á tímum mikils niðurskurðar til þróunarsamvinnu bar hæst á fundi þróunarmálaráðherra Norðurlandanna sem haldinn var í Finnlandi í dag. Elín R. Sigurðardóttir, skrifstofustjóri þróunarsamvinnuskrifstofu utanríkisráðuneytisins, sótti fundinn fyrir hönd utanríkisráðherra.

23. apr. 2025Utanríkisráðuneytið, Alþjóðamál, Átök fyrir botni Miðjarðarhafs, Þróunarsamvinna, Úkraína, Utanríkisviðskipti, Utanríkismál

Þorri Íslendinga telur hagsæld landsins byggja á alþjóðaviðskiptum

Yfirgnæfandi meirihluti Íslendinga, eða 80 prósent, telur hagsæld Íslands byggja á alþjóðlegum viðskiptum. Þá segja 81 prósent skipta miklu máli að Ísland hafi gott orðspor í alþjóðasamfélaginu og 70 prósent segja að þátttaka Íslands í alþjóðasamvinnu styrki fullveldi landsins. Íslendingar eru sem fyrr afar jákvæðir gagnvart norrænu samstarfi en alls segjast 87 prósent landsmanna jákvæðir gagnvart því að Ísland taki virkan þátt í því.

26. mar. 2025Utanríkisráðuneytið, Alþjóðamál, Þróunarsamvinna, Utanríkismál

SOS Barnaþorp styðja börn og ungmenni í viðkvæmri stöðu í Malaví

Verkefni SOS Barnaþorpa í Ngabu í Chikawawa héraði í suðurhluta Malaví hefur skilað góðum árangri samkvæmt nýlegri óháðri úttekt sem alþjóðlega ráðgjafafyrirtækið VIG framkvæmdi fyrir utanríkisráðuneytið. Úttektin sýnir ennfremur fram á að heimili í viðkvæmri stöðu hafa orðið sjálfbjarga í meira mæli en væntingar stóðu til um. SOS Barnaþorp hafa um árabil verið einn af lykilsamstarfsaðilum ráðuneytisins úr röðum frjálsra félagasamtaka í þróunarsamvinnu.

07. mar. 2025Utanríkismál, Jafnrétti, Mannréttindi, Þróunarsamvinna, Utanríkisráðuneytið

Jafnrétti og valdefling kvenna forsenda þróunar á viðsjárverðum tímum

Fjármögnun þróunar, skuldamál þróunarríkja og þróunarsamvinna voru í brennidepli á fjórðu ráðstefnu Sameinuðu þjóðanna um fjármögnun þróunar (Financing for Development 4, FfD4) sem lauk í Sevilla á Spáni í dag. Þorgerður Katrín Gunnarsdóttir utanríkisráðherra sótti fundinn fyrir hönd Íslands og flutti ávarp á aðalfundi ráðstefnunnar auk þess að taka þátt í hringborðsumræðum um þróunarsamvinnu.

14. feb. 2025Utanríkismál, Þróunarsamvinna, Utanríkisráðuneytið

Ísland styður við verkefni um upprætingu kynfæralimlestinga kvenna í Síerra Leóne

Nýju samstarfsverkefni Íslands, stjórnvalda í Síerra Leóne og Mannfjöldasjóðs Sameinuðu þjóðanna (UNFPA) um upprætingu á kynfæralimlestingum stúlkna og kvenna var formlega hleypt af stokkunum í sendiráði Íslands í Freetown á alþjóðlegum baráttudegi gegn kynfæralimlestingum stúlkna og kvenna, þann 6. febrúar síðastliðinn.

20. des. 2024Utanríkisráðuneytið, Alþjóðamál, Þróunarsamvinna, Utanríkismál

Ísland eykur stuðning við mannréttindasamtök í Úganda

Framlög Íslands til samtakanna DefendDefenders hafa verið aukin en samtökin eru bakhjarl fólks sem berst fyrir mannréttindum í Austur-Afríku, þar á meðal réttindum hinsegin fólks. Þá hefur Ísland aukið stuðning við loftslags- og skólamáltíðarverkefni Matvælaáætlunar Sameinuðu þjóðanna (WFP) í Úganda og fjármagnar viðgerð og endurbætur á stórri vatnsveitu í flóttamannabyggð í norðurhluta Úganda.

13. des. 2024Utanríkisráðuneytið, Alþjóðamál, Heimsmarkmiðasjóður atvinnulífs, Þróunarsamvinna, Utanríkismál

Undirritun samninga við þrjá styrkþega Heimsmarkmiðasjóðs atvinnulífsins

Þórdís Kolbrún Reykfjörð Gylfadóttir utanríkisráðherra undirritaði í gær samninga við þrjá styrkþega Heimsmarkmiðasjóðs atvinnulífsins, en þetta var í tólfta sinn sem styrkjum úr sjóðnum er úthlutað. Verkefnin hafa það sammerkt að stuðla að sjálfbærni og félagslegum framförum í þróunarríkjum.

06. des. 2024Utanríkisráðuneytið, Alþjóðamál, Þróunarsamvinna, Utanríkismál

Loftslagsverkefni Íslands í Úganda þegar farið að skila árangri

Ný og betri skólaeldhús sem greidd eru af íslensku þróunarfé hafa verið sett upp í tuttugu grunnskólum á Karamoja-svæðinu í Úganda undanfarna mánuði. Með þessu næst fram verulegur sparnaður á eldivið auk þess sem stuðlað er að fæðuöryggi skólabarna. Til stendur að endurbæta rúmlega fimmtíu skólaeldhús til viðbótar á svæðinu áður en árið er liðið fyrir fjárframlög frá Íslandi.

04. des. 2024Mannréttindi og jafnrétti, Þróunarsamvinna, DAC, Utanríkisráðuneytið

Aldrei meira fé verið varið til þróunarsamvinnu

Þróunarsamvinnunefnd Efnahags- og framfarastofnunarinnar (OECD-DAC) birti í gær bráðabirgðatölur um framlög til opinberrar þróunaraðstoðar (ODA) á síðasta ári. Þar kemur fram að samanlögð framlög DAC-ríkja hafa aldrei verið hærri, en þau jukust um 1,8 prósent að raunvirði á árinu 2023 miðað við árið á undan, og námu um 224 milljörðum bandaríkjadala. Framlög Íslands til þróunarsamvinnu á árinu 2023 námu 0,36 prósentum af vergum þjóðartekjum (VÞT) samanborið við 0,34 prósent árið á undan. Að meðaltali veita aðildarríki DAC 0,37 prósentum af VÞT til málaflokksins.

12. nóv. 2024Utanríkismál, Þróunarsamvinna, Utanríkisráðuneytið

Fjármögnun þróunarsamvinnu í brennidepli á stjórnarfundi Þróunarseturs OECD

Fjármögnun þróunarsamvinnu og græn og réttlát orkuskipti voru efst á baugi á stjórnarfundi Þróunarseturs Efnahags- og framfarastofnunarinnar (OECD Development Centre) sem lauk í París í gær. Einn helsti tilgangur þróunarsetursins er að skapa vettvang fyrir samráð ríkari framlagsríkja og viðtökuríkja þróunaraðstoðar á jafningjagrundvelli og veita tækifæri til að skapa verkefni og lausnir. Þórdís Kolbrún Reykfjörð Gylfadóttir utanríkisráðherra sótti fundinn fyrir Íslands hönd.

29. okt. 2024Utanríkisráðuneytið, Alþjóðamál, Þróunarsamvinna, Utanríkismál

Umbætur alþjóðlegra fjármálastofnana og fjármögnun þróunar í brennidepli á ársfundi Alþjóðabankans

Samstaða með Úkraínu, áhyggjur af vaxandi átökum í Mið-Austurlöndum og Súdan og mikilvægi þess að tryggja öfluga fjármögnun til fátækustu ríkjanna í gegnum Alþjóðabankann bar hæst í ávarpi Norðurlandanna og Eystrasaltsríkjanna á ársfundi Alþjóðabankans í Washington D.C. í síðustu viku. Fjármálaráðherra Lettlands flutti ávarpið fyrir hönd kjördæmi Norðurlandanna og Eystrasaltsríkjanna.

12. okt. 2024Utanríkisráðuneytið, Alþjóðamál, Þróunarsamvinna, Utanríkismál

Ísland eykur stuðning sinn við Alþjóðaframfarastofnunina

Íslensk stjórnvöld hækka framlög til Alþjóðaframfarastofnunarinnar (IDA) um 24 prósent, en viðræðum vegna 21. endurfjármögnunar stofnunarinnar, sem á sér stað þriðja hvert ár, lauk á föstudaginn í Seúl. Framlög Íslands byggja á samþykktri fjármálaáætlun Alþingis en framlögin eru hluti af framlögum Íslands til alþjóðlegrar þróunarsamvinnu.

18. sep. 2024Utanríkisráðuneytið, Alþjóðamál, Þróunarsamvinna, Úkraína, Utanríkismál, Norrænt samstarf

Enduruppbygging Úkraínu og nýsköpun í þróunarsamvinnu í brennidepli á fundi þróunarsamvinnuráðherra Norðurlandanna

Nýsköpun í þróunarsamvinnu, stuðningur við enduruppbyggingu Úkraínu, græn orkuskipti í þróunarríkjum og lýðræðisþróun í Austur-Evrópu voru meðal viðfangsefna á fundi þróunarsamvinnuráðherra Norðurlandanna sem fram fór í Stokkhólmi í dag. Benjamin Dousa, nýskipaður þróunarsamvinnuráðherra Svíþjóðar, tók þar á móti norrænum starfssystkinum sínum en fundurinn er liður í formennsku Svíþjóðar í norrænu samstarfi.

31. júl. 2024Utanríkisráðuneytið, Alþjóðamál, Þróunarsamvinna, Skólar GRÓ, Utanríkismál

Ársskýrsla GRÓ 2023 komin út

Alls útskrifuðust 92 sérfræðingar árið 2023 úr fimm til sex mánaða námi í skólunum fjórum sem starfræktir eru á vegum GRÓ – Þekkingarmiðstöðvar þróunarsamvinnu, það er Jafnréttisskólanum, Jarðhitaskólanum, Landgræðsluskólanum og Sjávarútvegsskólanum. Þá útskrifuðust fimm fyrrverandi nemendur með meistaragráðu og einn með doktorsgráðu á skólastyrk frá GRÓ, en á árinu voru alls 36 fyrrverandi nemendur í framhaldsnámi við íslenska háskóla á skólastyrk frá GRÓ.

24. maí 2024Þróunarsamvinna, Utanríkisráðuneytið

Jafnréttisskóli GRÓ útskrifar 23 nemendur frá 14 löndum

Tuttugu og þrír nemendur, fjórtán konur og níu karlar, útskrifuðust frá Jafnréttisskóla GRÓ í dag, í sextándu útskrift skólans frá því hann tók til starfa árið 2009. Útskriftarnemendurnir koma að þessu sinni frá fjórtán löndum: Úganda, Suður-Afríku, Gana, Keníu, Palestínu, Indlandi, Malaví, Bosníu Hersigóvínu, Sri Lanka, Nepal, Pakistan og í fyrsta skiptið frá Madagaskar, Liberíu og Rúanda.