Efnisorð
Tegund

Leita eftir efnisorðum

Sýnir 601–650 af 727
Raða eftir:
27. sep. 2024Utanríkismál, Alþjóðamál, Utanríkisráðuneytið

Utanríkisráðherra flytur ávarp í allsherjarþingi Sameinuðu þjóðanna á morgun

Allsherjarþing Sameinuðu þjóðanna fer nú fram í New York í 79. sinn, þar sem leiðtogar aðildarríkjanna 193 koma saman. Þórdís Kolbrún Reykfjörð Gylfadóttir utanríkisráðherra flytur ávarp sitt í þinginu á morgun, laugardag, en hún hefur tekið þátt í fjölmörgum fundum og viðburðum í tengslum við ráðherraviku allsherjarþingsins í vikunni.

18. sep. 2024Utanríkisráðuneytið, Alþjóðamál, Þróunarsamvinna, Úkraína, Utanríkismál, Norrænt samstarf

Enduruppbygging Úkraínu og nýsköpun í þróunarsamvinnu í brennidepli á fundi þróunarsamvinnuráðherra Norðurlandanna

Nýsköpun í þróunarsamvinnu, stuðningur við enduruppbyggingu Úkraínu, græn orkuskipti í þróunarríkjum og lýðræðisþróun í Austur-Evrópu voru meðal viðfangsefna á fundi þróunarsamvinnuráðherra Norðurlandanna sem fram fór í Stokkhólmi í dag. Benjamin Dousa, nýskipaður þróunarsamvinnuráðherra Svíþjóðar, tók þar á móti norrænum starfssystkinum sínum en fundurinn er liður í formennsku Svíþjóðar í norrænu samstarfi.

13. sep. 2024Utanríkismál, Öryggis- og varnarmál, Utanríkisráðuneytið, Úkraína, Átök fyrir botni Miðjarðarhafs

Varautanríkisráðherra Bandaríkjanna á Íslandi

Aukið samstarf Bandaríkjanna og Íslands, m.a. á sviðum tækni og nýsköpunar, og tvíhliða samskipti þjóðanna voru á meðal umræðuefna á fundi Þórdísar Kolbrúnar Reykfjörð Gylfadóttur utanríkisráðherra og Kurt M. Campbell, varautanríkisráðherra Bandaríkjanna, sem fram fór í utanríkisráðuneytinu í morgun.

12. sep. 2024Utanríkismál, Úkraína, Utanríkisráðuneytið

Úkraína og hlutverk ÖSE í öryggismálum í Evrópu í forgrunni ráðherrafundar ÖSE

Stuðningur Öryggis- og samvinnustofnunar Evrópu (ÖSE) við Úkraínu og hlutverk stofnunarinnar í öryggismálum í Evrópu og alþjóðlegum aðgerðum til að byggja upp og viðhalda friði voru á meðal umræðuefna á árlegum ráðherrafundi ÖSE sem fór fram á Möltu 5. og 6. desember. Malta hefur gegnt formennsku í ÖSE á þessu ári en Finnland tekur við formennskukeflinu á nýju ári.

21. ágú. 2024Utanríkisráðuneytið, Alþjóðamál, Utanríkisviðskipti, Utanríkismál

Vinátta og viðskipti efst á baugi í heimsókn til Færeyja

Tvíhliða samskipti og viðskipti Íslands og Færeyja voru í brennidepli í ferð utanríkisráðherra til Færeyja í vikunni. Með ráðherra í för var viðskiptasendinefnd skipuð fulltrúum ellefu fyrirtækja auk Íslandsstofu. Ferðin var að frumkvæði og tilstuðlan færeysk-íslenska viðskiptaráðsins en tilgangur ráðsins er að styrkja viðskiptatengsl Íslands og Færeyja.

16. ágú. 2024Utanríkisráðuneytið, Alþjóðamál, Úkraína, Utanríkismál

Íslendingar jákvæðir í garð alþjóðastarfs

Yfirgnæfandi meirihluti landsmanna, eða 90,2 prósent, segja skipta miklu máli að Ísland hafi gott orðspor í alþjóðasamfélaginu. Alls segja 75 prósent hagsæld Íslands byggja að miklu leyti á alþjóðlegri samvinnu og 76,8 prósent segja hagsæld Íslands byggja á alþjóðlegum viðskiptum. Þá telja 74,2 prósent að þátttaka Íslands í alþjóðasamvinnu styrki fullveldi Íslands. Þetta kemur fram í niðurstöðum árlegrar skoðanakönnunar sem Maskína gerir fyrir utanríkisráðuneytið.

14. ágú. 2024Utanríkisráðuneytið, Alþjóðamál, Norrænt samstarf, Utanríkisviðskipti, Afríka, Utanríkismál

Fyrsta sameiginlega heimsókn norrænna utanríkisráðherra til Afríku

Alþjóðaöryggismál, viðskipti, fjölþjóðlegt samstarf og grænar lausnir voru til umræðu í fyrstu sameiginlegu heimsókn utanríkisráðherra Norðurlanda til Afríku dagana 12. – 14. ágúst. Í ferðinni heimsóttu ráðherrarnir Nígeríu og Gana en ferðin er liður í áherslu Norðurlandanna á að efla samvinnu og viðskipti við ríki í Afríku.

07. ágú. 2024Utanríkisráðuneytið, Utanríkismál, Öryggis- og varnarmál, Forsætisráðuneytið

Forsætisráðherra og utanríkisráðherra sækja leiðtogafund Atlantshafsbandalagsins í Washington

Bjarni Benediktsson forsætisráðherra og Þórdís Kolbrún Reykfjörð Gylfadóttir utanríkisráðherra sækja leiðtogafund Atlantshafsbandalagsins sem hefst í Washington D.C. á morgun og stendur fram á fimmtudag. Þar verður þess minnst að 75 ár eru liðin frá stofnun bandalagsins.

05. ágú. 2024Utanríkismál, Evrópusamvinna, Utanríkisráðuneytið

Ótvíræður ávinningur Íslands af EES-samstarfinu

Innri markaður ESB er kjölfestumarkaður fyrir útflutning frá Íslandi og þátttaka í evrópskum samstarfsáætlunum hefur stóreflt íslenskt samfélag frá því að EES-samningurinn tók gildi árið 1994. Þetta var meðal þess sem fram kom í opnunarávarpi Þórdísar Kolbrúnar Reykfjörð Gylfadóttur utanríkisráðherra á málþingi sem haldið var í morgun í tilefni af 30 ára afmæli EES. Hún sagði undirritun EES-samningsins hafa verið mikið heillaspor fyrir þjóðina og að árangur Íslands af EES samstarfinu væri óumdeilanlegur.

03. ágú. 2024Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Starfi sendinefndar utanríkisráðuneytisins í Kaíró lokið

72 dvalarleyfishafar frá Gaza komu til landsins í dag og hafa nú sameinast fjölskyldum sínum. Undanfarnar vikur hefur sendinefnd utanríkisráðuneytisins verið við störf í Egyptalandi til að greiða fyrir ferð hópsins yfir Rafah-landamærin, en til þess hefur þurft samþykki bæði egypskra og ísraelskra stjórnvalda.

03. ágú. 2024Utanríkisráðuneytið, Alþjóðamál, Evrópusamvinna, Utanríkismál

Málefni EES rædd á Alþingi

Árleg skýrsla um framkvæmd EES-samningsins var til umræðu á Alþingi í gær en þetta er í fjórða skipti sem skýrsla af þessu tagi er gefin út. Bjarni Benediktsson utanríkisráðherra mælti fyrir skýrslunni og í kjölfarið fóru fram umræður um stöðu EES-samstarfsins og helstu málefni á vettvangi Evrópusamvinnunnar en samhljómur var í umræðunni um mikilvægi EES-samstarsfins. Í ár eru 30 ár liðin frá því að EES-samningurinn tók gildi.

31. júl. 2024Utanríkisráðuneytið, Alþjóðamál, Þróunarsamvinna, Skólar GRÓ, Utanríkismál

Ársskýrsla GRÓ 2023 komin út

Alls útskrifuðust 92 sérfræðingar árið 2023 úr fimm til sex mánaða námi í skólunum fjórum sem starfræktir eru á vegum GRÓ – Þekkingarmiðstöðvar þróunarsamvinnu, það er Jafnréttisskólanum, Jarðhitaskólanum, Landgræðsluskólanum og Sjávarútvegsskólanum. Þá útskrifuðust fimm fyrrverandi nemendur með meistaragráðu og einn með doktorsgráðu á skólastyrk frá GRÓ, en á árinu voru alls 36 fyrrverandi nemendur í framhaldsnámi við íslenska háskóla á skólastyrk frá GRÓ.

15. júl. 2024Menningarmál, Utanríkisráðuneytið

Íslensk myndlist áfram í öndvegi á sendiskrifstofum Íslands

Nýr samstarfssamningur um kynningu á íslenskri myndlist erlendis var undirritaður af Þórdísi Kolbrúnu Reykfjörð Gylfadóttur utanríkisráðherra og Ingibjörgu Jóhannsdóttur, safnstjóra Listasafns Íslands, í dag. Með samningnum er tryggt að íslensk myndlist verði áfram í öndvegi á sendiskrifstofum erlendis og grunnur lagður að framtíðarsamstarfi utanríkisráðuneytisins og listasafnsins.

06. júl. 2024Utanríkisráðuneytið, Alþjóðamál, Úkraína, Utanríkismál

Norðurlönd og Eystrasaltsríkin sameinuð í öflugum stuðningi við Úkraínu

Utanríkisráðherra sat í dag fjarfund utanríkisráðherra Norðurlandanna og Eystrasaltsríkjanna með Dmytro Kuleba, utanríkisráðherra Úkraínu. Rædd var samhæfing og samstarf um stuðning, auk undirbúnings fyrir friðarráðstefnuna sem haldin verður í Sviss 15. og 16. júní næstkomandi. Forsætisráðherra mun sækja ráðstefnuna fyrir Íslands hönd.

26. jún. 2024Utanríkisráðuneytið, Alþjóðamál, Mannréttindi, Utanríkisviðskipti, Utanríkismál, Mannréttindaráð SÞ

Utanríkisráðherra í Genf vegna framboðs Íslands til mannréttindaráðs Sameinuðu þjóðanna

Þórdís Kolbrún Reykfjörð Gylfadóttir utanríkisráðherra fundaði í gær í Genf með stofnunum á sviði mannréttinda, mannúðar og alþjóðaviðskipta. Auk þess átti ráðherra fund með frjálsum félagasamtökum um alvarlegt bakslag í mannréttindamálum á heimsvísu, en frjáls félagasamtök gegna mikilvægu hlutverki í starfi mannréttindaráðs Sameinuðu þjóðanna vegna sérþekkingar sinnar.

25. jún. 2024Utanríkisráðuneytið, Alþjóðamál, Heimsmarkmiðasjóður atvinnulífs, Utanríkismál

Fjögur fyrirtæki fá styrki úr Heimsmarkmiðasjóði atvinnulífs

Fjögur fyrirtæki fengu í síðustu viku styrki frá utanríkisráðuneytinu úr Heimsmarkmiðasjóði atvinnulífs vegna samstarfsverkefna í þróunarríkjum. Markmið sjóðsins er að hvetja til þátttöku og framlags atvinnulífsins til þróunarsamvinnu. Fyrirtækin sem um ræðir eru Hananja, VAXA Technologies, Íslenski sjávarklasinn og Kerecis.

24. jún. 2024Dómsmálaráðuneytið, Utanríkisráðuneytið, Evrópuráðið, Jafnrétti, Félags- og húsnæðismálaráðuneytið, Forsætisráðuneytið

Fyrstu alþjóðlegu jafnréttisverðlaunin til heiðurs Vigdísi Finnbogadóttur afhent í dag

Grísku grasrótarsamtökin Irida Women‘s Center hlutu í dag ný alþjóðleg jafnréttisverðlun í nafni Vigdísar Finnbogadóttur, Vigdís Prize for Women‘s Empowerment, sem afhent voru í fyrsta sinn á vettvangi Evrópuráðsins að viðstöddum Guðna Th. Jóhannessyni forseta Íslands og Guðmundi Inga Guðbrandssyni félags- og vinnumarkaðsráðherra.

21. jún. 2024Utanríkisráðuneytið, Alþjóðamál, Átök fyrir botni Miðjarðarhafs, Úkraína, Utanríkismál

Málefni Mið-Austurlanda efst á baugi á fundi utanríkisráðherra Norðurlanda í Stokkhólmi

Þórdís Kolbrún Reykfjörð Gylfadóttir utanríkisráðherra segir mikilvægt að Norðurlöndin séu samstíga og tali áfram einni röddu þegar kemur að öryggi á svæðinu, sérstaklega nú þegar Norðurlöndin eru öll komin í Atlantshafsbandalagið. Ráðherra sótti árlegan sumarfund utanríkisráðherra Norðurlandanna í Stokkhólmi í gær.

19. jún. 2024Utanríkisráðuneytið, Alþjóðamál, Öryggis- og varnarmál, Úkraína, Utanríkismál

Varnarmálaráðherrar samþykkja aukinn stuðning við Úkraínu

Varnarmálaráðherrar Atlantshafsbandalagsins ræddu aukinn varnarviðbúnað, undirbúning leiðtogafundar sem fer fram í næsta mánuði og stuðning bandalagsríkja við varnarbaráttu Úkraínu á ráðherrafundi í Brussel í síðustu viku. Fundurinn var jafnframt fyrsti varnarmálaráðherrafundur Svía eftir inngöngu í bandalagið.

18. jún. 2024Utanríkisráðuneytið, Alþjóðamál, Utanríkismál

Starfshópur utanríkisráðherra leggur til aðgerðir gegn gullhúðun EES-gerða

Mikilvægt er að auka gæði lagasetningar við innleiðingu EES-gerða til að forðast gullhúðun sem kemur niður á samkeppnishæfni íslenskra fyrirtækja á innri markaði EES. Þetta er niðurstaða starfshóps sem utanríkisráðherra skipaði til að skoða aðgerðir gegn gullhúðun EES-gerða, en skýrsla starfshópsins var birt í dag.

14. jún. 2024Utanríkisráðuneytið, Alþjóðamál, Utanríkisviðskipti, Utanríkismál

Viðskiptaumhverfi Íslands opið og gagnsætt samkvæmt úttekt Alþjóðaviðskiptastofnunarinnar

Í dag lauk reglubundinni úttekt á viðskiptastefnu Íslands á vettvangi Alþjóðaviðskiptastofnunarinnar (WTO). Er þetta í sjötta skipti sem slík úttekt fer fram á vegum stofnunarinnar, en síðasta rýni fór fram árið 2017. Í tengslum við úttektina gaf skrifstofa WTO út ítarlega skýrslu um viðskiptastefnu Íslands og íslensk stjórnvöld gáfu sömuleiðis út styttri skýrslu um stefnuna. Í kjölfarið héldu aðildarríki WTO tvo fundi þar sem farið var ítarlega yfir efni skýrslnanna tveggja.

14. jún. 2024Utanríkisráðuneytið, Alþjóðamál, Utanríkismál

Viðbrögð við fjölþáttaógnum efst á baugi ráðherrafundar Eystrasaltsráðsins

Viðbrögð við fjölþáttaógnum, viðnámsþol samfélaga og málefni Úkraínu voru ofarlega á baugi á fundi utanríkisráðherra Eystrasaltsráðsins sem fram fór í Porvoo í Finnlandi í dag. Í sameiginlegri yfirlýsingu fordæma utanríkisráðherrarnir harðlega innrásarstríð Rússlands og lýsa yfir algjörri samstöðu með Úkraínu.

12. jún. 2024Utanríkisráðuneytið, Utanríkismál, Atvinnuvegaráðuneytið

Íslenskt lambakjöt orðið verndað afurðaheiti í Bretlandi

Sameiginleg nefnd fríverslunarsamnings EES EFTA-ríkjanna við Bretland samþykkti í vikunni gagnkvæma viðurkenningu á landfræðilegum afurðaheitum Íslands og Bretlands. Íslenskt lambakjöt er þar með orðið verndað afurðaheiti í Bretlandi sem þýðir að hægt verður að vísa sérstaklega til íslensks uppruna vörunnar þegar kjötið er selt á breskum markaði.

09. jún. 2024Utanríkismál, Utanríkisráðuneytið

Mikilvægt að auka pólitíska umræðu um EES-samstarfið

Þróun innri markaðarins og EES-samningurinn í breyttum heimi var í brennidepli á opnum fundi utanríkisráðuneytisins og Alþjóðamálastofnunar Háskóla Íslands 3. september síðastliðinn. Frummælendur á fundinum voru Enrico Letta, fyrrverandi forsætisráðherra Ítalíu og höfundur nýlegrar skýrslu um framtíð innri markaðarins, og Line Eldring, formaður nefndar sem nýlega skilaði skýrslu um reynslu Noregs af EES-samstarfinu.

31. maí 2024Utanríkisráðuneytið, Alþjóðamál, Öryggis- og varnarmál, Úkraína, Utanríkismál

Stuðningur við Úkraínu efst á baugi á fundi utanríkisráðherra Atlantshafsbandalagsins

Þórdís Kolbrún Reykfjörð Gylfadóttir utanríkisráðherra tók þátt í óformlegum fundi utanríkisráðherra Atlantshafsbandalagsins í Prag í dag og í gær. Meginefni fundarins var áframhaldandi stuðningur bandalagsríkja við Úkraínu og annar undirbúningur fyrir leiðtogafund bandalagsins sem haldinn verður í Washington í júlí.

29. maí 2024Utanríkismál, Öryggis- og varnarmál, Utanríkisráðuneytið

Alþjóðaöryggismál til umræðu á fjölmennri ráðstefnu varnarmálaráðherra í Brussel

Yfir sextíu varnarmálaráðherrar og fulltrúar alþjóðastofnanna víðsvegar að úr í heiminum komu saman til fundar í Brussel í gær og í dag á ráðstefnu Evrópusambandsins um öryggis- og varnarmál. Þórdís Kolbrún Reykfjörð Gylfadóttir utanríkisráðherra tók þátt í ráðstefnunni og fundaði jafnframt með Josep Borrel, utanríkismálastjóra ESB, og Anatolie Nosatîi, varnarmálaráðherra Moldóvu.

24. maí 2024Þróunarsamvinna, Utanríkisráðuneytið

Jafnréttisskóli GRÓ útskrifar 23 nemendur frá 14 löndum

Tuttugu og þrír nemendur, fjórtán konur og níu karlar, útskrifuðust frá Jafnréttisskóla GRÓ í dag, í sextándu útskrift skólans frá því hann tók til starfa árið 2009. Útskriftarnemendurnir koma að þessu sinni frá fjórtán löndum: Úganda, Suður-Afríku, Gana, Keníu, Palestínu, Indlandi, Malaví, Bosníu Hersigóvínu, Sri Lanka, Nepal, Pakistan og í fyrsta skiptið frá Madagaskar, Liberíu og Rúanda.

22. maí 2024Kosningar, Borgaraþjónusta, Utanríkisráðuneytið

Utankjörfundaratkvæðagreiðslu á Gran Canaria frestað til föstudags – boðuð atkvæðagreiðsla á Tenerife stendur óbreytt

Utanríkisráðuneytið neyðist til að fresta til föstudags boðaðri utankjörfundaratkvæðagreiðslu vegna komandi forsetakosninga sem átti að fara fram á Gran Canaria í dag. Það stafar af því að hluti kjörgagna sem send voru með forgangi á staðinn skiluðu sér ekki á áfangastað.

21. maí 2024Utanríkismál, Öryggis- og varnarmál, Utanríkisráðuneytið

Þróun öryggismála á Norður-Atlantshafi í deiglunni

Aukinn varnarviðbúnaður, nýjar varnaráætlanir Atlantshafsbandalagsins og þróun öryggismála á Norður-Atlantshafi voru í brennidepli á fundi yfirmanns herstjórnarmiðstöðvar Atlantshafsbandalagsins í Norfolk, Douglas G. Perry flotaforingja, og Jónasar G. Allanssonar, skrifstofustjóra varnarmálaskrifstofu utanríkisráðuneytisins, sem fram fór í síðustu viku.