Efnisorð
Tegund

Leita eftir efnisorðum

Sýnir 101–150 af 256
Raða eftir:
03. okt. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, ÍL-sjóður

Tillögur um uppgjör HFF-bréfa sem greiða mun fyrir slitum ÍL-sjóðs

Viðræðunefnd fjármála- og efnahagsráðherra og ráðgjafar lífeyrissjóða hafa saman mótað tillögur um uppgjör HFF-bréfa sem greiða mun fyrir slitum ÍL-sjóðs (áður Íbúðalánasjóðs). Verkefnisstjórn ÍL-sjóðs hefur lagt til við fjármálaráðherra að unnið verði að framgangi tillögunnar.

25. sep. 2025Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál, Ársfjórðungsuppgjör

Uppgjör A1-hluta ríkissjóðs fyrir fyrstu sex mánuði ársins

Uppgjör A1-hluta ríkissjóðs fyrir fyrstu sex mánuði ársins 2025 liggur nú fyrir. Uppgjörið í heild sinni er aðgengilegt á vef Fjársýslu ríkisins. Undanfarið hefur dráttur verið á birtingu ársfjórðungsuppgjöra ríkissjóðs. Fjársýslan vinnur að bættu verklagi til að tryggja að uppgjör ríkissjóðs verði birt tímanlega eftir lok hvers ársfjórðungs.

25. sep. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Íslandsbanki

Kostnaður við þriðja útboð ríkisins á hlutum í Íslandsbanka

Markaðssett útboð á hlutum ríkissjóðs í Íslandsbanka fór fram í maí síðastliðnum þar sem eftirstandandi 45,2% eignarhlutur ríkisins var seldur. Útboðið var haldið í samræmi við lög þar um með það að markmiði að tryggja gagnsæi, hagkvæmni, hlutlægni og jafnræði í útboðsferlinu.

15. sep. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Mannauðsmál ríkisins, Hagsýn í rekstri

Forstöðumenn í lykilhlutverki

Daði Már Kristófersson, fjármála- og efnahagsráðherra sagði í ávarpi sínu á fundi með forstöðumönnum stofnana að þeir væru í lykilhlutverki við innleiðingu á stefnu og áætlanagerð ríkisstjórnarinnar og við að leiða breytingar og umbætur í þjónustu. Fjármála- og efnahagsráðuneytið, sem heldur úti stjórnendasetri ríkisins, stóð á dögunum fyrir fundi með forstöðumönnum en fundurinn er hluti af fræðsluröð sem ætlað er að efla stjórnun, auka árangur og eftirfylgni með stefnu ríkisstjórnarinnar hjá stofnunum ríkisins.

05. sep. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Íslandsbanki

Samið við erlenda söluaðila vegna fyrirhugaðs útboðs á hlutum í Íslandsbanka

Í gær samþykkti Alþingi breytingar á lögum nr. 80/2024 um ráðstöfun eignarhlutar ríkisins í Íslandsbanka hf. Fyrirhugað er að sala fari fram með markaðssettu útboði á fyrri helmingi ársins, þar sem einstaklingar hafa forgang. Lögin, sem sett voru í fyrra um sölu eftirstandandi hluta ríkisins, tryggja að útboðsferlið fari fram með hlutlægni, hagkvæmni, jafnræði og gagnsæi að leiðarljósi. Mikil áhersla er lögð á að ferlið í heild sinni njóti trausts.

09. ágú. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Fjárlög, Hagsýn í rekstri

Tiltekt og umbætur í fjárlagafrumvarpi fyrir árið 2026

Í morgun var kynnt fjárlagafrumvarp fyrir árið 2026. Þetta fyrsta fjárlagafrumvarp ríkisstjórnarinnar felur í sér áframhald þeirrar vinnu sem lagt var upp með í fjármálastefnu og fjármálaáætlun fyrr á árinu, um bættan ríkisrekstur og aukinn stöðugleika. Með fjárlögunum eru þannig sköpuð skilyrði fyrir lækkun vaxta, til hagsbóta fyrir heimili og fyrirtæki landsins.

05. ágú. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Daði Már flutti opnunarávarp á ráðstefnu Seðlabankans

„Við hittumst hér á afar mikilvægum tímapunkti. Sumar fréttir eru jákvæðar; þróunin hefur verið í átt að auknu jafnrétti, meiri stöðugleika og minni verðbólgu í heimshagkerfinu. Á sama tíma sjáum við aukna spennu og truflanir á alþjóðaviðskiptum. Þetta eru sannarlega krefjandi áskoranir fyrir okkur öll,” sagði Daði Már Kristófersson, fjármála- og efnhagsráðherra í opnunarávarpi hans á ráðstefnu Seðlabankans, Reykjavík Economic Conference í dag.

11. júl. 2025Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál, Grindavík

Fjármála og efnahagsráðuneytið óskar eftir mati á aðgerðum á Reykjanesi og þeim verðmætum sem þær björguðu

Fjármála- og efnahagsráðherra hefur farið þess á leit við Héraðsdóm Reykjaness að dómkvaddir verði matsmenn til að meta kostnað ríkissjóðs af þeim aðgerðum sem ráðist var í til að draga úr eða koma í veg fyrir tjón í eldgosahrinu á Reykjanesskaga sem hófst í desember 2023. Engin ákvörðun hefur verið tekin um að höfða mál gegn þeim aðilum sem matsbeiðnin beinist að.

02. júl. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Ákvarðanir fjármála- og efnahagsráðuneytisins um framlög til stjórnmálasamtaka úr ríkissjóði

Fjármála- og efnahagsráðuneytið hefur undanfarið haft til skoðunar verklag og lagaskilyrði sem gilda um framlög til stjórnmálasamtaka. Þetta er gert í kjölfar þess að fram komu upplýsingar um að stjórnmálasamtök, sem úthlutað hefur verið framlögum úr ríkissjóði af hálfu ráðuneytisins á grundvelli laga um starfsemi stjórnmálaflokka, hafi ekki uppfyllt skilyrði um skráningu í stjórnmálasamtakaskrá.

26. jún. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Atvinnuvegaráðuneytið, Forsætisráðuneytið, Mennta- og barnamálaráðuneytið, Umhverfis-٫ orku- og loftslagsráðuneytið, Utanríkisráðuneytið, Sendiráð Íslands í París, Sendiskrifstofa

Ný skýrsla OECD um íslenskt efnahagslíf: Styrkar stoðir efnahagslífsins en aðhalds þörf

Stoðir íslensks efnahagslífs eru sterkar og viðnámsþróttur mikill. Þetta kemur fram í nýrri skýrslu Efnahags- og framfarastofnunarinnar (OECD) um Ísland, sem birt var í dag. Skýrslur af þessu tagi eru gefnar út á tveggja ára fresti. Mathias Cormann, framkvæmdastjóri OECD, kynnti helstu niðurstöður skýrslunnar á blaðamannafundi ásamt Daða Má Kristóferssyni, fjármála- og efnahagsráðherra.

11. jún. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Upplýsingatæknimál ríkisins, Norrænt samstarf, Stafrænt Ísland

Ráðherrar stafrænna mála Norðurlandanna og Eystrasaltsríkjanna funduðu í Finnlandi

Ráðherranefnd stafrænna mála, MR-DIGITAL, undir hatti norrænu ráðherranefndarinnar, fundaði þann 6. nóvember í Tampere í Finnlandi. Fjármála- og efnahagsráðherra er fulltrúi Íslands í nefndinni og tók þátt í fundinum í gegnum fjarfund.

10. jún. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Mælti fyrir frumvarpi um kílómetragjald

Fjármála- og efnahagsráðherra, mælti í dag á Alþingi fyrir frumvarpi til laga um kílómetragjald á ökutæki. Með frumvarpinu er lagt til að greitt verði kílómetragjald í stað olíu- og bensíngjalda. Kílómetragjald var tekið upp fyrir rafmagns-, vetnis- og tengiltvinnbíla árið 2024 og miðar frumvarpið við að það verði tekið upp fyrir öll ökutæki árið 2026

06. jún. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, ÍL-sjóður

Skuldahlutfall ríkissjóðs lækkar um 5% við uppgjör ÍL-sjóðs

Tillaga um uppgjör ÍL-sjóðs var lögð fyrir fund skuldabréfaeigenda í flokkunum HFF34 og HFF44 þann 10. apríl s.l. og var hún samþykkt með meirihluta atkvæða. Virði HFF-bréfanna í uppgjörinu er metið á 651 ma.kr. Í framhaldi var óskað eftir heimild í frumvarpi til fjáraukalaga til að ganga til uppgjörs í samræmi við tillöguna og samþykkti Alþingi frumvarpið á dögunum.

30. maí 2025Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál

Vegna umfjöllunar um hlutverk Vegagerðarinnar í tengslum við álestur á akstursmælum

Vegna umfjöllunar í fjölmiðlum um hlutverk Vegagerðarinnar í tengslum við álestur á akstursmælum tekur ráðuneytið eftirfarandi fram: Ekki er gert ráð fyrir auknu hlutverki Vegagerðarinnar í því frumvarpi um kílómetragjald á ökutæki sem liggur fyrir Alþingi, umfram það sem gildandi lög um olíugjald og kílómetragjald kveða á um.

06. maí 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Hagsýn í rekstri

Mælaborð árangursupplýsinga birt samhliða ársskýrslum ráðherra

Við framlagningu fjármálaáætlunar fyrir árin 2026-2030 var birting markmiða og mælikvarða málaflokka færð í tíma að útgáfu ársskýrslna ráðherra í stað þess að birtast á sama tíma og fjármálaáætlun að vori. Með þessu myndast virk tenging milli stefnumótunar og árangursmats, sem stuðlar að markvissari ákvarðanatöku og bættri nýtingu opinberra fjármuna.

03. maí 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Stærri hluti tekna af orkumannvirkjum renni til samfélaga sem næst standa

Ríkisstjórnin ætlar að vinna að breiðri sátt um lagaumgjörð vindorkunýtingar og sjá til þess að stærri hluti tekna af orkumannvirkjum renni til þeirra samfélaga sem næst standa. Þá verður raforkulögum breytt til að tryggja forgang heimila og annarra notenda. Þetta kom fram í ræðu Daða Más Kristóferssonar, fjármála- og efnahagsráðherra á ársfundi Landsvirkjunar í gær

06. apr. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Alþjóðamál

Daði Már sótti ráðherraráðsfund OECD

Daði Már Kristófersson, fjármála- og efnahagsráðherra, sat í vikunni ráðherraráðsfund Efnahags- og framfarastofnunarinnar, OECD, í París. Meginefni fundarins voru horfur og áskoranir í efnahagsmálum, en rík áhersla var lögð á frjáls alþjóðaviðskipti og fjárfestingu, bæði opinbera og af hálfu einkaaðila, sem drifkrafta verðmætasköpunar.

25. feb. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Beiðni um úttekt á framkvæmd og úrvinnslu ráðuneytisins vegna framlaga til stjórnmálaflokka

Fjármála- og efnahagsráðherra hefur farið þess á leit við Ríkisendurskoðun að hún kanni og leggi mat á stjórnsýslulega framkvæmd og úrvinnslu ráðuneytisins vegna verklags í tengslum við greiðslu framlaga til stjórnmálasamtaka eftir að ljóst varð um ágalla á framkvæmd greiðslna.

17. feb. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Íslandsbanki

Sala ríkisins á Íslandsbanka og erindi Arion banka um sameiningu

Í kjölfar tilkynningar ríkisins sl. föstudag um fyrirhugað opið almennt útboð á hlut ríkisins í Íslandsbanka, birti Arion banki erindi til Íslandsbanka um áhuga sinn á viðræðum um sameiningu bankanna. Í erindinu kom m.a. fram að hluthöfum Íslandsbanka, þ.m.t. ríkinu, stæðu til boða hlutabréf í sameinuðum banka skv. tiltekinni aðferðafræði.

30. des. 2024Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Stefna í lánamálum 2025-2029

Fjármála- og efnahagsráðuneytið hefur gefið út Stefnu í lánamálum ríkisins 2025-2029. Stefnan er sett fram á grundvelli fjármálaáætlunar, í samræmi við 38. gr. laga nr.123/2015 um opinber fjármál, og er hún sett fram árlega. Stefna í lánamálum er sett fram til 5 ára og byggir hún á fyrri stefnu sem gefin var út í desember 2023.