Efnisorð
Tegund

Leita eftir efnisorðum

Sýnir 201–250 af 574
Raða eftir:
19. feb. 2026Félags- og húsnæðismálaráðuneytið

„Húsnæði fyrst“: Hyggst setja stefnu á landsvísu um málefni þeirra sem búa við heimilisleysi

Ragnar Þór Ingólfsson, félags- og húsnæðismálaráðherra, hyggst setja stefnu á landsvísu um málefni þeirra sem búa við heimilisleysi eða aðrar óviðunandi húsnæðisaðstæður. Stefnan mun fylgja hugmyndafræðinni um húsnæði fyrst (e. Housing first). Ráðherra tilkynnti þetta á opnum fundi um heimilisleysi sem Húsnæðis- og mannvirkjastofnun stóð fyrir í morgun.

17. feb. 2026Félags- og húsnæðismálaráðuneytið, Innflytjendur

Drög að þingsályktunartillögu vegna málefna innflytjenda lögð fram til samráðs

Drög að þingsályktunartillögu um framkvæmdaáætlun í málefnum innflytjenda fyrir árin 2026-2029 er nú til umsagnar í samráðsgátt stjórnvalda. Í tillögunni er að finna fimm megináherslur og 24 aðgerðir. Samkvæmt lögum um málefni innflytjenda skal ráðherra leggja fram á Alþingi tillögu til þingsályktunar um framkvæmdaáætlun í málefnum innflytjenda til fjögurra ára í senn að fenginni umsögn annarra ráðuneyta, stofnana, Vinnumálastofnunar og innflytjendaráðs.

17. feb. 2026Félags- og húsnæðismálaráðuneytið

Samráð gegn ofbeldi: Landssamráðsfundur um aðgerðir gegn ofbeldi

Landssamráðsfundur um aðgerðir gegn ofbeldi og afleiðingum þess verður haldinn 4. mars nk. á Hilton Reykjavík Nordica að undirlagi Ragnars Þórs Ingólfssonar, félags- og húsnæðismálaráðherra. Embætti ríkislögreglustjóra sér um skipulagningu og framkvæmd fundarins og er undirbúningur þegar hafinn. Markmið fundarins er að efla þverfaglegt samstarf og deila þekkingu um forvarnir og meðferð ofbeldismála. Sjónarhorn þolenda og leiðir til að fá gerendur til að breyta hegðun sinni til að draga úr ítrekuðum brotum verða í brennidepli.

13. feb. 2026Félags- og húsnæðismálaráðuneytið, Málefni eldra fólks, Vinnumál

Ragnar Þór Ingólfsson fundar á Kýpur með evrópskum félags- og vinnumarkaðsráðherrum

Félagslegt réttlæti, heilbrigður vinnumarkaður og barátta gegn fátækt eru meðal fundarefna á ráðherrafundi sem nú stendur yfir í Lefkosia á Kýpur. Ragnar Þór Ingólfsson, félags- og húsnæðismálaráðherra, sækir fundinn fyrir Íslands hönd. Fundinn sitja félags- og vinnumarkaðsráðherrar ESB- og EFTA-ríkjanna.

17. jan. 2026Forsætisráðuneytið, Félags- og húsnæðismálaráðuneytið, Mennta- og barnamálaráðuneytið

Breyting á forsetaúrskurði um skiptingu starfa ráðherra

Samkomulag hefur orðið milli félags- og húsnæðismálaráðherra og mennta- og barnamálaráðherra, með staðfestingu forsætisráðuneytisins, að Inga Sæland, mennta- og barnamálaráðherra, fari með stjórnarmálefni um uppbyggingu hjúkrunarheimila og þjónustuíbúða fyrir eldra fólk. Ábyrgðin á stjórnarmálefninu mun þó enn liggja hjá félags- og húsnæðismálaráðuneytinu.

16. jan. 2026Félags- og húsnæðismálaráðuneytið

TINNU-verkefnið fær 25 milljóna króna styrk: Ríflega 180 konur og börn þátttakendur árið 2025

Ragnar Þór Ingólfsson, félags- og húsnæðismálaráðherra, og Heiða Björg Hilmisdóttir, borgarstjóri, hafa undirritað samning að upphæð 25 m.kr. vegna TINNU-verkefnisins sem miðar sérstaklega að einstæðum foreldrum sem eru utan vinnumarkaðar og hafa átt í langvarandi félagslegum vanda. Styrkurinn felur í sér áframhaldandi stuðning ráðuneytisins við þróun verkefnisins hjá Reykjavíkurborg, með sérstakri áherslu á að þjónusta einstaklinga sem eru á örorku- eða endurhæfingarlífeyri. Markmiðið er að styðja þá til virkni og hvetja til þátttöku á vinnumarkaði á ný. Á árinu 2025 voru 65 þátttakendur í TINNU með samtals 116 börn.

15. jan. 2026Félags- og húsnæðismálaráðuneytið, Málefni eldra fólks, Heilbrigðisráðuneytið

Nýtt 80 rýma hjúkrunarheimili Hrafnistu opnað í Reykjanesbæ

Nýtt 80 rýma hjúkrunarheimili var opnað við Nesvelli í Reykjanesbæ í dag. Opnun heimilisins er mikilvægur áfangi í uppbyggingu hjúkrunarrýma um land allt. Hjúkrunarheimilið er samtengt Hrafnistu Nesvöllum sem er 60 rýma hjúkrunarheimili með heildstæðri þjónustumiðstöð fyrir eldri borgara. Heildarfjöldi rýma á hjúkrunarheimilum á Suðurnesjum er nú orðinn 140.

15. jan. 2026Félags- og húsnæðismálaráðuneytið, Málefni eldra fólks, Heilbrigðisráðuneytið

Nýtt 80 rýma hjúkrunarheimili Hrafnistu opnað í Reykjanesbæ

Nýtt 80 rýma hjúkrunarheimili var opnað við Nesvelli í Reykjanesbæ í dag. Opnun heimilisins er mikilvægur áfangi í uppbyggingu hjúkrunarrýma um land allt. Hjúkrunarheimilið er samtengt Hrafnistu Nesvöllum sem er 60 rýma hjúkrunarheimili með heildstæðri þjónustumiðstöð fyrir eldri borgara. Heildarfjöldi rýma á hjúkrunarheimilum á Suðurnesjum er nú orðinn 140.

14. jan. 2026Félags- og húsnæðismálaráðuneytið

Áframhaldandi stuðningur við Batahús

Félags- og húsnæðismálaráðuneytið og Bati góðgerðarfélag hafa gert með sér samstarfssamning um áframhaldandi stuðning við Batahús, áfangaheimili og stuðningsúrræði fyrir einstaklinga, karla og konur, sem hafa verið í réttarvörslu og þarfnast stuðnings við að verða virkir þátttakendur í samfélaginu á ný. Ragnar Þór Ingólfsson, félags- og húsnæðismálaráðherra, og Þorlákur Morthens, stjórnarformaður Bata, undirrituðu í gær samning að upphæð 25 m.kr.

13. jan. 2026Félags- og húsnæðismálaráðuneytið, Húsnæðis- og mannvirkjamál

Skýr rammií byggingarreglugerðum ljósvist og útsýni

Ljósvist hefur nú í fyrsta sinn verið skilgreind í byggingarreglugerð, auk þess sem fjallað er ítarlega um kröfur sem henni tengjast og sett fram skýr markmið. Ljósvist er samansafn ýmissa þátta sem snúa að lýsingu, svo sem dagsljósi og raflýsingu, sem saman lýsa sjónskilyrðum og þeirri upplifun sem rýmið veitir. Þetta er í fyrsta sinn sem heildstæð umfjöllun um ljósvist er innleidd í byggingarreglugerð.

29. des. 2025Heilbrigðisráðuneytið, Líf og heilsa, Félags- og húsnæðismálaráðuneytið

Skjólshús sett á fót – nýtt úrræði í geðheilbrigðisþjónustu

Í dag skrifuðu félags- og húsnæðismálaráðherra og heilbrigðisráðherra undir samstarfssamning við landssamtökin Geðhjálp um stofnun skjólshúss fyrir fólk í tilfinningalegri krísu vegna andlegra áskorana. Um er að ræða tilraunaverkefni til þriggja ára þar sem ráðuneytin tvö leggja til samtals 122 m.kr. á móti 150-180 m.kr. framlagi Geðhjálpar. Stefnt er að því að opna skjólshúsið á fyrri hluta næsta árs (2026).

17. des. 2025Félags- og húsnæðismálaráðuneytið

Alþingi samþykkir eingreiðslu í desember sem beinist sérstaklega að tekjulægstu lífeyrisþegunum

Alþingi hefur samþykkt frumvarp Ingu Sæland, félags- og húsnæðismálaráðherra sem felur í sér eingreiðslu í desember til þeirra sem fengið hafa greiddan örorkulífeyri, hlutaörorkulífeyri, ellilífeyri eða fengið sjúkra- og endurhæfingargreiðslur á árinu 2025. Það sama á við um þá sem fengu á árinu greiddan endurhæfingarlífeyri samkvæmt lögum um félagslega aðstoð.

13. des. 2025Félags- og húsnæðismálaráðuneytið, Skipulagsmál

Svæðisráð skipað um strandssvæðisskipulag fyrir Vestfirði

Inga Sæland, félags- og húsnæðismálaráðherra, hefur skipað svæðisráð um strandsvæðisskipulag fyrir Vestfirði. Skipunin er gerð samkvæmt lögum um skipulag haf- og strandsvæða. Fulltrúar í svæðisráði bera ábyrgð á gerð strandsvæðisskipulags, eða endurskoðun þess, og starfa í umboði ráðherra. Skipulagsstofnun er svæðisráði til ráðgjafar og stofnunin leggur svæðisráði til aðstöðu og starfsmann vegna funda ráðsins.

11. des. 2025Félags- og húsnæðismálaráðuneytið

Hunda- og kattahald leyft í fjölbýli

Alþingi hefur samþykkt frumvarp Ingu Sæland, félags- og húsnæðismálaráðherra, til laga um breytingu á lögum um fjöleignarhús. Hunda- og kattahald er nú leyft í fjölbýli og samþykki annarra eigenda ekki lengur skilyrði fyrir dýrahaldinu, jafnvel þótt íbúðir deili sameiginlegum stigagangi. Húsfélög munu þó geta sett reglur um hunda- og kattahaldið, svo lengi sem þær eru málefnalegar, eðlilegar og byggðar á jafnræði.

11. des. 2025Félags- og húsnæðismálaráðuneytið, Fatlað fólk

Ísland lögfestir samning Sameinuðu þjóðanna um réttindi fatlaðs fólks

Ísland hefur lögfest samning Sameinuðu þjóðanna um réttindi fatlaðs fólks. Frumvarp Ingu Sæland, félags- og húsnæðismálaráðherra, um lögfestinguna var samþykkt á Alþingi rétt í þessu. Samningnum er ætlað að tryggja að fatlað fólk njóti mannréttinda sinna og koma í veg fyrir mismunun á grundvelli fötlunar. Lögfestingin hefur í för með sér að hægt verður að beita samningnum sem fullgildri réttarheimild fyrir dómstólum og öðrum úrskurðaraðilum.

05. des. 2025Félags- og húsnæðismálaráðuneytið, Húsnæðis- og mannvirkjamál

Skipar stýrihóp til að vinna að breytingum á byggingarregluverki

Inga Sæland, félags- og húsnæðismálaráðherra, hefur skipað stýrihóp um endurskoðun á byggingarreglugerð. Hópnum er ætlað að vinna tillögur um gagngerar breytingar á regluverkinu með áherslu á að einfalda umgjörð um byggingariðnað til að lækka byggingarkostnað og leggja grunn að stöðugleika á húsnæðismarkaði. Honum er einnig ætlað að fylgja tillögunum eftir og vinna að breyttu fyrirkomulagi byggingareftirlits til að auka neytendavernd og draga úr byggingargöllum.

25. nóv. 2025Félags- og húsnæðismálaráðuneytið

Hætt verði að miða við fæðingardag barns þegar breytingar eru gerðar á fæðingar- og foreldraorlofi

Inga Sæland, félags- og húsnæðismálaráðherra, mælti í dag fyrir frumvarpi til laga um breytingu á lögum um fæðingar- og foreldraorlof og lögum um sorgarleyfi. Í frumvarpinu eru lagt til að breytingar á fjárhæðum greiðslna til foreldra sem nýta rétt sinn innan fæðingarorlofskerfisins miði ekki lengur við fæðingardag barns, frumættleiðingu eða töku barns í varanlegt fóstur heldur skuli slíkar breytingar eiga við um alla foreldra í fæðingarorlofi og þá sem eiga rétt á slíkum greiðslum þegar breytingarnar taka gildi. Í frumvarpinu er einnig lagt til að breytingar á fjárhæðum greiðslna á grundvelli laga um sorgarleyfi skuli eiga við um alla foreldra sem nýta rétt sinn samkvæmt lögunum, óháð því hvenær barnsmissir, andvanafæðing, fósturlát eða makamissir á sér stað.

25. nóv. 2025Félags- og húsnæðismálaráðuneytið, Innflytjendur

Innflytjendur og samfélagið: Morgunverðarfundur innflytjendaráðs og afhending styrkja

Innflytjendaráð stendur fyrir morgunverðarfundi á alþjóðlega mannréttindadeginum þann 10. desember næstkomandi kl. 9:00-11:00. Fundurinn fer fram á Reykjavik Natura og flutt verða margvísleg erindi sem öll tengjast málefnum innflytjenda. Dagskránni lýkur með því að Inga Sæland, félags- og húsnæðismálaráðherra, afhendir styrki úr Þróunarsjóði innflytjendamála.

24. nóv. 2025Félags- og húsnæðismálaráðuneytið

Viljayfirlýsing undirrituð um lóð undir Miðstöð um öryggisráðstafanir

Inga Sæland, félags- og húsnæðismálaráðherra, og Heiða Björg Hilmisdóttir, borgarstjóri, hafa skrifað undir viljayfirlýsingu um að tryggja ríkinu lóð undir nýja fyrirhugaða stofnun, Miðstöð um öryggisráðstafanir, á landi Reykjavíkurborgar á Hólmsheiðarsvæðinu. Hlutverk stofnunarinnar verður að reka úrræði fyrir einstaklinga sem dæmdir hafa verið til þess að sæta öryggisráðstöfunum samkvæmt dómsúrlausn í samræmi við ákvæði almennra hegningarlaga. Þar á meðal eru einstaklingar sem lokið hafa afplánun en talið er að séu enn hættulegir samfélaginu.

21. nóv. 2025Félags- og húsnæðismálaráðuneytið, Málefni eldra fólks, Almannatryggingar og lífeyrir

Aldursviðbót gildir ævilangt og almennt frítekjumark ellilífeyris hækkar samkvæmt frumvarpi sem ráðherra hefur mælt fyrir

Inga Sæland, félags- og húsnæðismálaráðherra, hefur mælt fyrir​ frumvarpi á Alþingi sem ​felur í sér​ að öryrkjum​ verði​ tryggð​ ævilöng​ aldursviðbót og að almennt​ frítekjumark ​ellilífeyris​hækki. „​Með frumvarpinu eru stigin mikilvæg skref í átt að réttlátara samfélagi,“ sagði félags- og húsnæðismálaráðherra í framsöguræðu sinni í þinginu.

19. nóv. 2025Félags- og húsnæðismálaráðuneytið

Styrkir Bjargráð sem þjónustar aðstandendur fanga

Inga Sæland, félags- og húsnæðismálaráðherra, hefur veitt Bjargráði 12 milljóna króna styrk. Bjargráð er þjónusta fyrir fjölskyldur og aðstandendur sem eru í þeim sporum að einhver nákominn bíður eftir afplánun, er í afplánun eða er laus úr henni. Margs konar tilfinningar geta vaknað yfir því að ástvinur sé á leið í afplánun eða sitji í fangelsi, til að mynda sorg, skömm, sektarkennd, óöryggi, léttir, reiði og ótti um afdrif viðkomandi. Börn fanga eru líka hópur sem sinna þarf sérstaklega. Bjargráð var sett á laggirnar fyrir þremur árum með stuðningi frá ráðuneytinu. Fjölskylduráðgjafar Bjargráðs hafa nú tekið um 1.100 viðtöl og fer fjöldi viðtala stöðugt vaxandi.

18. nóv. 2025Félags- og húsnæðismálaráðuneytið, Skipulagsmál, Húsnæðis- og mannvirkjamál, Hagsýn í rekstri

Mælti fyrir frumvarpi um eina öfluga stofnun á sviði húsnæðis og skipulagsmála

Inga Sæland, félags- og húsnæðismálaráðherra, mælti í dag fyrir frumvarpi sem felur í sér að starfsemi Skipulagsstofnunar og Húsnæðis- og mannvirkjastofnunar (HMS) sameinist. Með sameiningunni verður allur ferillinn, frá skipulagi til fullbúins mannvirkis, á höndum einnar stofnunar.  Um 150 manns starfa hjá Húsnæðis- og mannvirkjastofnun á þremur stöðum á landinu og um 25 manns hjá Skipulagsstofnun. Sameiningunni er ætlað að auka bolmagn hins opinbera í skipulagsmálum og ná bæði fram samlegðaráhrifum og meiri samþættingu málaflokka á sama sviði.

17. nóv. 2025Félags- og húsnæðismálaráðuneytið, Vinnumál

Atvinnuleitendur fá desemberuppbót

Inga Sæland, félags- og húsnæðismálaráðherra, hefur undirritað reglugerð um greiðslu desemberuppbótar til atvinnuleitenda. Rétt á fullri desemberuppbót eiga þau sem staðfesta atvinnuleit á tímabilinu 20. nóvember til 3. desember 2025 og hafa verið að fullu tryggð innan atvinnuleysistryggingakerfisins í samtals tíu mánuði eða lengur árið 2025. Greiðsla desemberuppbótar til þeirra sem eiga ekki fullan bótarétt innan atvinnuleysistryggingakerfisins reiknast í hlutfalli við rétt þeirra til atvinnuleysisbóta á árinu 2025 og fjölda mánaða sem viðkomandi hefur fengið greiddar atvinnuleysisbætur.

15. nóv. 2025Félags- og húsnæðismálaráðuneytið, Skipulagsmál

Raflínunefnd verður skipuð vegna Holtavörðuheiðarlínu 1

Inga Sæland, félags- og húsnæðismálaráðherra, hefur ákveðið að skipa raflínunefnd vegna framkvæmdar sem fengið hefur vinnuheitið Holtavörðuheiðarlína 1. Nefndin er skipuð í samræmi við ákvæði í skipulagslögum frá árinu 2023 en samkvæmt því er ráðherra heimilt að skipa sérstaka raflínunefnd sem hefur það hlutverk að undirbúa, kynna og afgreiða raflínuskipulag fyrir framkvæmd í flutningskerfi raforku sem nær til tveggja eða fleiri sveitarfélaga og afgreiða umsókn um framkvæmdaleyfi fyrir henni. Ráðherra er þetta heimilt að undangenginni beiðni frá aðila sem ber ábyrgð á framkvæmd í flutningskerfi raforku eða ef sveitarfélag leggur fram beiðni þess efnis.

15. nóv. 2025Félags- og húsnæðismálaráðuneytið, Skipulagsmál

Raflínunefnd verður skipuð vegna Holtavörðuheiðarlínu 1

Inga Sæland, félags- og húsnæðismálaráðherra, hefur ákveðið að skipa raflínunefnd vegna framkvæmdar sem fengið hefur vinnuheitið Holtavörðuheiðarlína 1. Nefndin er skipuð í samræmi við ákvæði í skipulagslögum frá árinu 2023 en samkvæmt því er ráðherra heimilt að skipa sérstaka raflínunefnd sem hefur það hlutverk að undirbúa, kynna og afgreiða raflínuskipulag fyrir framkvæmd í flutningskerfi raforku sem nær til tveggja eða fleiri sveitarfélaga og afgreiða umsókn um framkvæmdaleyfi fyrir henni. Ráðherra er þetta heimilt að undangenginni beiðni frá aðila sem ber ábyrgð á framkvæmd í flutningskerfi raforku eða ef sveitarfélag leggur fram beiðni þess efnis.

14. nóv. 2025Félags- og húsnæðismálaráðuneytið, Fatlað fólk

Talsmenn fatlaðs fólks tilnefndir á Alþingi

Þingflokkar á Alþingi hafa nú í fyrsta sinn tilnefnt talsmenn fatlaðs fólks. Hlutverk talsmannanna er að gæta hagsmuna fatlaðs fólks á þinginu og tryggja farveg fyrir sjónarmið fatlaðra. Skipan talsmannanna er hluti af Landsáætlun í málefnum fatlaðs fólks sem Alþingi samþykkti í fyrra – og þáttur í innleiðingu samnings Sameinuðu þjóðanna um réttindi fatlaðs fólks sem Ísland lögfesti nú í vikunni. Talsmennirnir fengu í dag fræðslu um samning Sameinuðu þjóðanna um réttindi fatlaðs fólks, heyrðu reynslusögur fatlaðs fólk og kynntust reynsluheimi þeirra.

14. nóv. 2025Félags- og húsnæðismálaráðuneytið, Fatlað fólk, Almannatryggingar og lífeyrir

Mælti fyrir frumvarpi um eingreiðslu í desember sem beinist sérstaklega að tekjulægstu lífeyrisþegunum

Inga Sæland, félags- og húsnæðismálaráðherra, hefur mælt fyrir frumvarpi sem felur í sér eingreiðslu í desember til þeirra sem fengið hafa greiddan örorkulífeyri, hlutaörorkulífeyri, ellilífeyri eða fengið sjúkra- og endurhæfingargreiðslur á árinu 2025. Það sama á við um þá sem fengu á árinu greiddan endurhæfingarlífeyri samkvæmt lögum um félagslega aðstoð. Í frumvarpinu er gert ráð fyrir breytingu frá fyrirkomulaginu sem verið hefur undanfarin ár á eingreiðslunni til að hún komi betur til móts við þá sem eru tekjulægstir. Gert er ráð fyrir að full eingreiðsla verði 73.390 kr og undanþegin skatti, auk þess sem hún leiðir ekki til skerðingar á öðrum greiðslum.

12. nóv. 2025Félags- og húsnæðismálaráðuneytið, Almannatryggingar og lífeyrir

Breytir reglugerð um barnalífeyri vegna náms eða starfsþjálfunar ungmenna

Inga Sæland, félags- og húsnæðismálaráðherra, undirritaði í dag breytingu á reglugerð sem heimilar Tryggingastofnun að greiða barnalífeyri vegna náms eða starfsþjálfunar ungmenna á aldrinum 18-20 ára. Barnalífeyrinn má greiða ef annað foreldri eða báðir eru látnir eða ef foreldrar eru ellilífeyrisþegar eða örorkulífeyrisþegar. Upphæðin er 48.131 kr. á mánuði og er skattfrjáls. Áður voru reglurnar þannig að ungmenni fengu synjun ef þau áttu meira en 4 m.kr. Arfur frá foreldrum sem var hærri en sú upphæð leiddi þannig til dæmis sjálfkrafa til synjunar. Þetta eignaviðmið hefur nú verið afnumið.

04. nóv. 2025Félags- og húsnæðismálaráðuneytið, Málefni eldra fólks

Mikil eftirspurn eftir efni um félagslega einangrun

Frá því að vitundarvakningin Tölum saman hófst hafa daglega um 150-300 manns kynnt sér fræðsluefni á vefnum um félagslega einangrun. Með vitundarvakningunni vilja stjórnvöld vekja athygli almennings á því hve alvarleg félagsleg einangrun er og hvernig við getum öll verið hluti af lausninni. Samkvæmt greiningu sem kynnt var í gær er 12% eldra fólks á Íslandi stundum einmana og 4% frekar oft, mjög oft eða alltaf einmana. 27% eldra fólks ver meiri tíma eitt en það vildi og 6% segist búa við frekar mikla eða mjög mikla félagslega einangrun.

22. okt. 2025Félags- og húsnæðismálaráðuneytið

Félags- og húsnæðismálaráðherra veitir styrk til starfsemi Þúfunnar

Inga Sæland, félags- og húsnæðismálaráðherra, veitti nýverið 12 milljóna króna styrk til Lítillar þúfu, sem rekur áfangaheimilið Þúfuna (áður Dyngjan) fyrir konur sem hafa lokið meðferð vegna vímuefnanotkunar. Allt að 12 konur geta dvalið á áfangaheimilinu hverju sinni og er markmiðið að búa íbúunum gott heimili og efla með þeim sjálfsöryggi í lífi og starfi. Áfangaheimili eru sérstaklega mikilvæg fyrir konur í bataferli, sérstaklega þær sem glíma við aðrar áskoranir, svo sem bágar félagslegar aðstæður, heimilisleysi, neyslu á heimili, heimilisofbeldi eða barnaverndarmál.

22. okt. 2025Félags- og húsnæðismálaráðuneytið, Vinnumál, Almannatryggingar og lífeyrir

VIRK og Vinnumálastofnun þétta raðirnar til að aðstoða fólk við að fá vinnu

Inga Sæland, félags- og húsnæðismálaráðherra, hefur sett af stað verkefni sem ganga út á að aðstoða langtímaatvinnulausa við að fá vinnu og styðja við nýtt örorku- og endurhæfingarkerfi. Markmiðið er að grípa fyrr hóp þeirra sem lengi hafa verið án atvinnu og aðstoða nýjan hóp hlutaörorkulífeyrisþega við að fá vinnu.

16. okt. 2025Félags- og húsnæðismálaráðuneytið, Vinnumál

Samráðsgátt: Hætt verði að miða við fæðingardag barns þegar breytingar eru gerðar á fæðingar- og foreldraorlofi

Inga Sæland, félags- og húsnæðismálaráðherra, hefur birt í samráðsgátt stjórnvalda frumvarp til laga um breytingu á lögum um fæðingar- og foreldraorlof og lögum um sorgarleyfi. Lagt er til að breytingar á fjárhæðum greiðslna til foreldra sem nýta rétt sinn innan fæðingarorlofskerfisins miði ekki lengur við fæðingardag barns, frumættleiðingu eða töku barns í varanlegt fóstur heldur skuli slíkar breytingar eiga við um alla foreldra í fæðingarorlofi og þá sem eiga rétt á slíkum greiðslum þegar breytingarnar taka gildi.

14. okt. 2025Félags- og húsnæðismálaráðuneytið, Almannatryggingar og lífeyrir

Mælti fyrir frumvarpi sem felur í sér að greiðslur almannatrygginga fylgi launavísitölu

Inga Sæland, félags- og húsnæðismálaráðherra, mælti í dag fyrir frumvarpi sem kveður á um að greiðslur almannatrygginga skuli fylgja launavísitölu. Í frumvarpinu er lagt til að greiðslur almannatrygginga muni framvegis fylgja þróun launavísitölu sem Hagstofa Íslands reiknar út og birtir, í stað þess að taka mið af spá um launaþróun. Greiðslur almannatrygginga eru að stærstum hluta ellilífeyrir og greiðslur vegna örorku og endurhæfingar.