Efnisorð
Tegund

Leita eftir efnisorðum

Sýnir 201–250 af 552
Raða eftir:
01. okt. 2025Menningarmál, Menningar-٫ nýsköpunar- og háskólaráðuneytið

Skýrsla um stöðu Listasafn Íslands rædd í ríkisstjórn

Í skýrslunni kemur fram að starfshópnum var fljótt ljóst að ástand húsnæðismála safnsins myndi móta heildarumræður starfshópsins. Safnið hefur verið í sama húsnæði frá árinu 1987 en upprunalega var hluti byggingarinnar reistur sem íshús. Hefur safnkostur margfaldast á þeim tíma og kröfur um aðbúnað til varðveislu og sýningahalds orðið umfangsmeiri. Í safnalögum frá 2011 er Listasafn Ísland flokkað sem eitt af þremur höfuðsöfnum landsins og hlutverk þess eftir því. Sem höfuðsafn á sviði myndlistar er Listasafni Íslands skylt að safna íslenskri myndlist, vera miðstöð varðveislu, rannsókna, heimildasöfnunar og miðlunar á íslenskri myndlist. Listasafn Íslands skal leitast við að koma upp metnaðarfullu safni íslenskrar myndlistar, skrá það, rannsaka, varðveita og miðla, innan lands og utan.

01. okt. 2025Menningarmál, Menningar-٫ nýsköpunar- og háskólaráðuneytið

Leggur til árs framlengingu á stuðningskerfi einkarekinna fjölmiðla

Logi Már Einarsson menningar-, nýsköpunar- og háskólaráðherra lagði fram á ríkisstjórnarfundi í morgun minnisblað um stuðning við einkarekna fjölmiðla. Upplýsti hann þar með ríkisstjórnina um áform sín um að leggja fram frumvarp um áframhaldandi stuðning til einkarekinna fjölmiðla með það að markmiði að viðhalda fyrirsjáanleika í rekstri einkarekinna fjölmiðla og tryggja að þeir geti sinnt lýðræðishlutverki sínu. Frumvarpið mun taka óbreytt upp þau ákvæði sem féllu úr gildi um áramótin og er ráðgert að gildistími frumvarpsins verði eitt ár og er það að fullu fjármagnað í fjárlögum þessa árs.

18. sep. 2025Norrænt samstarf, Menningar-٫ nýsköpunar- og háskólaráðuneytið

Skýrsla um störf Norrænu ráðherranefndarinnar 2024 nú aðgengileg

Logi Einarsson, menningar-, nýsköpunar- og háskólaráðherra og samstarfsráðherra Norðurlanda, hefur lagt fram skýrslu um störf Norrænu ráðherranefndarinnar á árinu 2024. Í skýrslunni er varpað ljósi á þau mál sem voru efst á baugi í norrænu samstarfi á árinu og mál sem Ísland lagði áherslu á.  Einnig er stiklað á stóru varðandi verkefni hjá hverri ráðherranefnd fyrir sig og norrænt samstarf forsætisráðherra Norðurlanda.

15. sep. 2025Heilbrigðisráðuneytið, Menningar-٫ nýsköpunar- og háskólaráðuneytið

Nýsköpunarráðstefna um heilbrigðistæknilausnir og þjónustu, miðvikudaginn 1. október

Alma D. Möller heilbrigðisráðherra og Logi Einarsson, menningar- nýsköpunar- og háskólaráðherra boða sameiginlega til nýsköpunarráðstefnu um heilbrigðistæknilausnir og þjónustu á grundvelli þeirra. Markmiðið er að leiða saman haghafa til samtals um tækifærin sem felast í nýsköpun og nýjum lausnum í opinberri heilbrigðisþjónustu til að efla heilbrigðisþjónustu við landsmenn. Fjallað verður um stöðuna eins og hún er í dag, um hönnun lausna til að mæta raunverulegum áskorunum, um innleiðingu þeirra, sjónarhorn sjúklinga o.fl. Einnig verður reynt að varpa ljósi á hvernig skýra megi lagaumgjörð og verkferla við innleiðingu stafrænnar tækni og gervigreindar í heilbrigðisþjónustu.

15. sep. 2025Fjármála- og efnahagsráðuneytið, Menningar-٫ nýsköpunar- og háskólaráðuneytið, Efnahagsmál og opinber fjármál, Vísindi nýsköpun og rannsóknir

Heildarendurskoðun laga um stuðning við nýsköpunarfyrirtæki

Heildarendurskoðun laga um stuðning við nýsköpunarfyrirtæki stendur nú yfir, í samræmi við ákvæði laganna um að endurskoðun skuli lokið fyrir 1. janúar 2027. Endurskoðunin er unnin í samvinnu fjármála- og efnahagsráðuneytisins og menningar-, nýsköpunar- og háskólaráðuneytisins. Fyrr á árinu var skipaður starfshópur um endurskoðunina undir forystu fjármála- og efnahagsráðuneytisins.

10. sep. 2025Heilbrigðisráðuneytið, Menningar-٫ nýsköpunar- og háskólaráðuneytið

Upptökur, myndir, fyrirspurnir og svör frá vel heppnaðri nýsköpunarráðstefnu

Húsfyllir var á nýsköpunarráðstefnu heilbrigðisráðuneytisins og menningar-, nýsköpunar- og háskólaráðuneytisins í Grósku í liðinni viku þar sem fjallað var um stafrænar lausnir og nýsköpun í heilbrigðisþjónustu. Megináhersla ráðstefnunnar var á leiðir til að skýra umgjörð og farveg fyrir nýsköpunarsamfélagið til að þróa lausnir sem mæta þörfum heilbrigðiskerfisins. Einnig að skýra leikreglur, styrkja innviði og efla samstarf á þessu sviði með áherslu á að innleiða nýjungar á öruggan og skilvirkan hátt.

09. sep. 2025Mennta- og barnamálaráðuneytið, Menntamál, Menningar-٫ nýsköpunar- og háskólaráðuneytið

OECD: Ísland þarf að styrkja fjármögnun háskólastigsins – skýrsla Education at a Glance 2025

Alþjóðleg skýrsla Efnahags og framfarastofnunarinnar, OECD, Education at a Glance 2025, var birt í dag. Skýrslan kemur út árlega en í ár er sjónum sérstaklega beint að háskólastiginu. Niðurstöður skýrslunnar gefa mikilvægar vísbendingar um stöðu íslensks háskólakerfis í alþjóðlegum samanburði.

01. sep. 2025Menningarmál, Menningar-٫ nýsköpunar- og háskólaráðuneytið

Nýr menningarráðherra flutti sitt fyrsta ávarp á Menningarhátíð RÚV

„Það er mér mikill heiður að fá að taka þátt í dagskránni hér í dag og vekja athygli á því frábæra listafólki sem auðgar menningarlíf þjóðarinnar. Listin nærir andann, fær okkur til að hlæja, gráta og heillast. Hún dýpkar skilning á okkur sjálfum og heiminum i kringum okkur. Hún ögrar, eykur samkennd og auðgar líf okkar, tungumál, lýðræði og samfélag. ​Ég tók nýverið við nýju menningar-, nýsköpunar- og háskólaráðuneyti og ætla mér að standa vörð um listir og menningu á Íslandi á næstu mánuðum og árum,“ sagði Logi Már og óskaði bæði viðurkenningarhöfum innileg til hamingju og menningunni allri fyrir gefandi ár.

20. ágú. 2025Menningar-٫ nýsköpunar- og háskólaráðuneytið, Menningarmál

Menningarnótt: málverkafalsanir, Lína langsokkur, æsilegar afhjúpanir og lummuát

Menningarnótt verður haldin hátíðleg um alla borg og ættu allir að geta fundið sér fjölda viðburða við hæfi. Hvort sem áhugasviðið er málverkafalsanir, glíma, hiphopp, heilsusamlegt líferni eða lummuát eftir hestferð um tún Þjóðminjasafnsins – þá er víst að engum þarf að leiðast á laugardaginn í Reykjavík.

15. ágú. 2025Menningar-٫ nýsköpunar- og háskólaráðuneytið, Menningarmál

Embætti óperustjóra laust til umsóknar

Menningar-, nýsköpunar- og háskólaráðherra auglýsir embætti óperustjóra laust til umsóknar. Leitað er að metnaðarfullum og skapandi einstaklingi sem hefur skýra sýn á starfsemi óperunnar. Óperustjóri stýrir óperunni, er í forsvari fyrir hana, markar listræna stefnu hennar og ákveður listrænt teymi fyrir hverja uppfærslu. Óperustjóri heyrir undir þjóðleikhússtjóra í skipuriti og skal eiga samráð við hann um gerð fjárhagsáætlana og mikilvægar ákvarðanir er varða rekstur óperunnar.

15. ágú. 2025Menningarmál, Menningar-٫ nýsköpunar- og háskólaráðuneytið

Ráðherra lætur kortleggja leiðir gegn djúpfölsun

Tilkoma gervigreindar kallar á breytta löggjöf þar sem huga þarf að réttindum fólks í stafrænu umhverfi. Dæmi eru um að gervigreind sé nýtt til djúpfölsunar á myndskeiðum með það að markmiði að láta líta út fyrir að fólk hafi tjáð sig með tilteknum hætti, þótt slík tjáning hafi aldrei átt sér stað. Djúpfalsanir geta einnig verið notaðar í blekkingarskyni, t.d. í fjárhagslegum tilgangi eða til að hafa skoðanamótandi áhrif á notendur samfélagsmiðla í aðdraganda kosninga. Eins og sakir standa er auðvelt að nýta gervigreind til að búa til falsaðar myndir og myndbönd en flókið fyrir einstaklinga að leita réttar síns.…

10. ágú. 2025Menningar-٫ nýsköpunar- og háskólaráðuneytið

Opið fyrir tilnefningar: Hver verður næsti Ari Eldjárn?

Menningar- nýsköpunar- og háskólaráðherra, Logi Einarsson veitir verðlaun Jónasar Hallgrímssonar og viðurkenningar íslenskrar tungu 16. nóvember næstkomandi og nýtur við það verkefni stuðnings sérstakrar ráðgjafarnefndar. Nefndin vinnur tillögur sínar til ráðherra meðal annars upp úr ábendingum sem almenningur getur sent inn. Hægt er að koma ábendingum á framfæri hér. Síðasti dagur til að skila inn ábendingum er 25. október. Veist þú um einstakling eða hóp sem hefur veitt íslenskri tungu sérstakt lið að undanförnu?

10. júl. 2025Samstarfsráðherra Norðurlanda, Menningar-٫ nýsköpunar- og háskólaráðuneytið, Norrænt samstarf

Stafræn auðkenning milli landa til umræðu á fundi samstarfsráðherra Norðurlanda

Markmiðið er að hægt verði að nota rafræn skilríki frá heimalandi til að fá þjónustu í öðru landi. Á fundinum kynntu fulltrúar frá ráðherranefnd um stafvæðingu (MR-DIGITAL) tilraunaverkefnið NOBID (Nordic-Baltic eID) og framkvæmdu sýnikennslu um mögulega útfærslu sem mundi gera þetta framkvæmanlegt.

01. júl. 2025Mennta- og barnamálaráðuneytið, Menningar-٫ nýsköpunar- og háskólaráðuneytið

Úttekt á aðgengi nemenda að hljóðbókum með áherslu á nýbúa

Nýverið var undirritaður samningur milli menningar- og viðskiptaráðuneytisins, mennta- og barnamálaráðuneytisins og ARCUR um úttekt á aðgengi nemenda að hljóðbókaefni á íslensku, bæði námsefni og yndislestrarefni. Úttektinni er ætlað að varpa ljósi á aðgengi leik-, grunn- og framhaldsskólanema að hljóðbókum og mögulegar hindranir. Vilja ráðuneytin líta sérstaklega til nemenda sem ekki hafa íslensku að móðurmáli. Hlustun samhliða því að fylgja eftir texta bókar getur auðveldað þeim að læra íslensku og flýtt fyrir námi þeirra.

26. jún. 2025Háskólar, Menningar-٫ nýsköpunar- og háskólaráðuneytið

Fyrsta rannsóknasetur HÍ á sviði menntavísinda verður á Eskifirði

Logi Einarsson menningar-, nýsköpunar og háskólaráðherra, Jón Atli Benediktsson, rektor Háskóla Íslands, og Jóna Árný Þórðardóttir, bæjarstjóri Fjarðabyggðar, hafa undirritað viljayfirlýsingu vegna nýs Rannsóknasetur Háskóla Íslands sem staðsett verður á Eskifirði. Um er að ræða fyrsta rannsóknarsetur Háskóla Íslands á sviði menntavísinda.

26. jún. 2025Menningar-٫ nýsköpunar- og háskólaráðuneytið

Embætti framkvæmdastjóra Menntasjóðs námsmanna auglýst til umsóknar

Menningar-, nýsköpunar- og háskólaráðuneytið óskar eftir metnaðarfullum einstaklingi í embætti framkvæmdastjóra Menntasjóðs námsmanna. Um starfsemi Menntasjóðs námsmanna fer samkvæmt lögum um sjóðinn nr. 60/2020. Framkvæmdastjóri sinnir daglegum rekstri Menntasjóðsins, sér um fjárreiður, reikningsskil og gerð fjárhagsáætlana og ber ábyrgð á að sjóðurinn starfi í samræmi við lög og stjórnvaldsfyrirmæli. Framkvæmdastjóri ber ábyrgð á því að rekstrarútgjöld og rekstrarafkoma sjóðsins sé í samræmi við fjárlög og að fjármunir hans séu nýttir með réttum hætti.

26. jún. 2025Menningarmál, Menningar-٫ nýsköpunar- og háskólaráðuneytið

Átta verkefni hljóta styrk úr Grænlandssjóði árið 2025

Hæsta styrkinn, eina milljón kr., hlýtur Kalak –vinafélag Íslands og Grænlands til að standa straum af kostnaði við íþrótta- og menningarheimsókn 13 ára skólabarna frá Austur-Grænlandi. Næsthæsta styrkinn, 750.000 kr., hlýtur hópur listamanna sem stendur að tónlistarverkefni sem hefur útgangspunkt annars vegar í íslenska verkinu Ólafs ríma Grænlendings og hins vegar í grænlensku þjóðsögunni um Naravanaaq. Hluti af verkefninu er tónleikahald í Reykjavík, Nuuk og Ósló.

24. jún. 2025Menningar-٫ nýsköpunar- og háskólaráðuneytið

Auglýst eftir styrkumsóknum í sjóðinn Þjóðhátíðargjöf Norðmanna

Tilgangur sjóðsins er að auðvelda Íslendingum að ferðast til Noregs. Í þessu skyni skal veita viðurkenndum félögum, samtökum, skipulögðum hópum og einstaklingum ferðastyrki til Noregs til að efla samskipti þjóðanna t.d. með þátttöku í mótum, ráðstefnum, eða kynnisferðum, sem efnt er til á tvíhliða grundvelli. Segir enn fremur að lögð sé áhersla á að veita styrki sem renna til beins ferðakostnaðar.

17. jún. 2025Menningar-٫ nýsköpunar- og háskólaráðuneytið

Gleðilega þjóðhátíð: Að tendra hið andlega ljós

​​Í dag, 17. júní, á þjóðhátíðardegi Íslands og á fæðingardegi sjálfstæðishetjunnar Jóns Sigurðssonar, er viðeigandi að rifja upp námsþorsta Jóns og tengingu hans við háskólasamfélagið. Jón var framsýnn brautryðjandi á mörgum sviðum og hvikaði ekki frá þeirri sýn sinni að menntun og framfarir í menntamálum væru eitt allra stærsta velferðarmál íslensku þjóðarinnar.

01. jún. 2025Forsætisráðuneytið, Menningar-٫ nýsköpunar- og háskólaráðuneytið, Félags- og húsnæðismálaráðuneytið

Flutningur ráðuneytisstjóra

Gissur Pétursson, ráðuneytisstjóri félags- og vinnumarkaðsráðuneytisins, hefur að eigin ósk látið af embætti ráðuneytisstjóra. Ásdís Halla Bragadóttir flyst í embætti ráðuneytisstjóra félags- og vinnumarkaðsráðuneytisins og Sigrún Brynja Einarsdóttir flyst í embætti ráðuneytisstjóra háskóla-, iðnaðar- og nýsköpunarráðuneytisins.

16. maí 2025Menningar-٫ nýsköpunar- og háskólaráðuneytið, Menntamál, Vísindi nýsköpun og rannsóknir, Háskólar, Nýsköpun, Menningarmál

Ráðherra með opna viðtalstíma og heimsóknir víðs vegar um landið á kjörtímabilinu

Logi Einarsson, menningar,- nýsköpunar og háskólaráðherra, mun á kjörtímabilinu reglulega heimsækja sveitarfélög utan höfuðborgarsvæðisins. Fyrsta heimsóknin verður á Ísafjörð 21. maí nk. þar sem ráðherra verður með opinn viðtalstíma.

12. maí 2025Menningar-٫ nýsköpunar- og háskólaráðuneytið

Aðgerðarpakki í málefnum fjölmiðla kynntur í ríkistjórn: Almenn kynning áætluð í desember

Menningar,- nýsköpunar og háskólaráðherra kynnti tillögur sínar að aðgerðum stjórnvalda í málefnum fjölmiðla á fundi ríkisstjórnar í dag. Tillögurnar byggja á fjölþættum úrræðum sem vinna saman að því að styrkja íslenskan fjölmiðlamarkað í heild sinni og efla samkeppnishæfni hans gagnvart alþjóðlegum tæknirisum.

07. maí 2025Menningarmál, Menningar-٫ nýsköpunar- og háskólaráðuneytið

Framtíð óperulistar á Íslandi loksins tryggð

Óperan verður rekin sem hluti af Þjóðleikhúsinu og mun hún hafa aðalaðsetur í Hörpu. Óperan nýtur þannig stuðnings allrar stoðstarfsemi Þjóðleikhússins, bæði innviða og þeirrar þekkingar sem þar er á ýmsum sviðum og deildum; svo sem rekstrarsviðs, leikmunadeildar, ljósadeildar, hljóðdeildar, búningadeildar og leikgervadeildar. Stofnun óperunnar innan Þjóðleikhússins tryggir þannig í öllum meginþáttum að óperan verður sterkari en ef hún væri sjálfstæð ríkisstofnun.