Efnisorð
Tegund

Leita eftir efnisorðum

Sýnir 201–250 af 435
Raða eftir:
04. nóv. 2025Mennta- og barnamálaráðuneytið

Nemendum Kvikmyndaskóla Íslands boðið nám hjá Tækniskólanum

Mennta- og barnamálaráðuneytið (MRN) hefur farið þess á leit við Tækniskólann að nemendur Kvikmyndaskóla Íslands fái boð um að innritast í skólann og ljúka námi sínu frá Tækniskólanum. Nemendur yrðu hluti af Tækniakademíu skólans, þar sem nám á fjórða hæfniþrepi fer fram en þar eru fyrir námsbrautirnar stafræn hönnun og vefþróun auk iðnmeistaranáms. Þeir nemendur sem þiggja boð um áframhaldandi nám í Tækniskólanum munu njóta stuðnings náms- og starfsráðgjafa og stjórnenda skólans við yfirfærsluna og öll stoðþjónusta skólans stendur nemendum til boða. Með þessum aðgerðum er verið að koma til móts við þá nemendur, sem ella hefðu ekki kost á að ljúka námi sínu frá Kvikmyndaskóla Íslands, með það að markmiði að mennta þau til brautskráningar í sínu fagi.

31. okt. 2025Mennta- og barnamálaráðuneytið

Fleiri farsældarráð taka til starfa

Farsældarráð Norðurlands eystra var stofnað við hátíðlega athöfn á Akureyri í gær. Guðmundur Ingi Kristinsson, mennta- og barnamálaráðherra, flutti ávarp í tilefni af viðburðinum að viðstöddum bæjar- og sveitarstjórum, stjórnendum ríkisstofnana og annarra lykilþjónustuveitenda í málefnum barna í landshlutanum. Farsældarráð Norðurlands eystra er hið þriðja í röðinni á eftir Farsældarráði Vesturlands sem stofnað var í byrjun mánaðar og Farsældarráði Suðurnesja sem tók til starfa í sumar.

30. okt. 2025Rit og skýrslur, Mennta- og barnamálaráðuneytið

Þróunarverkefnið MEMM – menntun, móttaka, menning: Áfangaskýrsla

október 2025 / Mennta- og barnamálaráðuneytið Þróunarverkefnið MEMM – menntun, móttaka, menning: Áfangaskýrsla MEMM stendur fyrir menntun, móttaka, menning og er þróunarverkefni leitt af mennta- og barnamálaráðuneytinu í samstarfi við Reykjavíkurborg og Miðstöð menntunar og skólaþjónustu. Mennta- og barnamálaráðuneytið gaf í október 2025 út áfangaskýrslu um framvindu MEMM verkefnisins þar sem farið er yfir framkvæmdina, mælikvarða og næstu skref

24. okt. 2025Menntamál, Mennta- og barnamálaráðuneytið

Ný skýrsla Eurydice skoðar áherslu á nýsköpun og frumkvöðlamenntun í menntakerfum Evrópu

Skýrsla Eurydice-samstarfsins um nýsköpun og frumkvöðlamenntun í skólum: Entrepreneurship education at school in Europe 2025 kom út í gær. Skýrslan (setja hlekk hér) greinir sex lykilþætti er tengjast nýsköpun og frumkvöðlamenntun í 36 þátttökuríkjum og gefur yfirlit yfir ráðstafanir yfirvalda til að efla slíka menntun í skólum.

20. okt. 2025Mennta- og barnamálaráðuneytið, Heilbrigðisráðuneytið, Innviðaráðuneytið, Dómsmálaráðuneytið

Ný stöðutaka undirstrikar þörf á bættri þjónustu og vernd fyrir börn sem eru þolendur ofbeldis

Ný stöðutaka aðgerðahóps stjórnvalda gegn ofbeldi meðal og gegn börnum sýnir að á undanförnum árum hefur orðið veruleg vitundarvakning í íslensku samfélagi um ofbeldi gegn börnum. Í þessari stöðutöku er sjónum beint að börnum sem eru þolendur ofbeldis, en síðasta stöðutaka aðgerðahópsins fjallaði um börn sem sýna áhættuhegðun eða beita ofbeldi.

17. okt. 2025Menntamál, Menntastefna, Mennta- og barnamálaráðuneytið

Ný gæðaviðmið fyrir innra og ytra mat í framhaldsskólum

Gefin hafa verið út ný gæðaviðmið fyrir innra og ytra mat í framhaldsskólum. Ný viðmið eru liður í heildarendurskoðun mennta- og barnamálaráðuneytisins á framkvæmd innra og ytra mats í leik-, grunn- og framhaldsskólum og menntastefnu stjórnvalda til ársins 2030. Ytra mat á framhaldsskólum á grundvelli nýrra gæðaviðmiða hófst í vikunni.

01. okt. 2025Innflytjendur, Mennta- og barnamálaráðuneytið

Fræðslufundur: Hvernig stuðlum við að inngildandi samfélagi fyrir börn og fjölskyldur með fjölbreyttan tungumála- og menningarbakgrunn?

Mennta- og barnamálaráðuneytið vekur athygli á fræðslufundi um hvernig við stuðlum að inngildandi samfélagi fyrir börn og fjölskyldur með fjölbreyttan tungumála- og menningarbakgrunn, þriðjudaginn 21. janúar kl. 10:00-11:30. Barna- og fjölskyldustofa stendur að fundinum í samstarfi við Miðstöð menntunar og skólaþjónustu og er hann haldinn á Teams.

24. sep. 2025Menntamál, Menntastefna, Mennta- og barnamálaráðuneytið

Tengjumst í leik – foreldrar 300 barna efla samskipti í haust

Tengjumst í leik foreldranámskeið á vegum Föruneytis barna hefjast í leik- og grunnskólum þessar fyrstu haustvikur í þriðja sinn. Foreldrar og forsjáraðilar um 300 barna víðsvegar um landið taka þátt og markar þessi umfangsmikla þátttaka mikilvægt skref í átt að bættri farsæld barna um land allt. Á námskeiðinu læra þátttakendur gagnreyndar aðferðir til að styrkja jákvæð samskipti, byggja upp traust tengsl og efla vellíðan í fjölskyldunni.

17. sep. 2025Menntamál, Mennta- og barnamálaráðuneytið, Hagsýn í rekstri

Skipulagsbreyting á framhaldsskólastigi – sameiginleg stjórnsýsla, sjálfstæðir framhaldsskólar

Mennta- og barnamálaráðuneytið kynnir í dag áform um nýtt skipulag fyrir opinbera framhaldsskóla. Áformin miða að því að efla stuðning við framhaldsskóla, starf þeirra og þjónustu við nemendur. Næsta skref er að eiga samráð við skólameistara, kennara, starfsfólk, nemendur og nærsamfélag skóla við mótun skipulagsins.

11. sep. 2025Félags- og húsnæðismálaráðuneytið, Mennta- og barnamálaráðuneytið, Fatlað fólk, Heilbrigðisráðuneytið

Allir með: Áframhaldandi stuðningur við verkefni sem eykur þátttöku fatlaðra barna og ungmenna í íþróttastarfi

Inga Sæland, félags- og húsnæðismálaráðherra, Alma Möller heilbrigðisráðherra og Guðmundur Ingi Kristinsson, mennta- og barnamálaráðherra, ætla að veita 60 milljónum króna til að auka þátttöku og virkni fatlaðs fólks í íþróttastarfi, einkum fatlaðra barna og ungmenna. Verkefnið er liður í að ná markmiðum 30. greinar samnings Sameinuðu þjóðanna um réttindi fatlaðs fólks sem fjallar meðal annars um þátttöku fatlaðs fólks í íþróttum.

09. sep. 2025Mennta- og barnamálaráðuneytið, Menntamál, Menningar-٫ nýsköpunar- og háskólaráðuneytið

OECD: Ísland þarf að styrkja fjármögnun háskólastigsins – skýrsla Education at a Glance 2025

Alþjóðleg skýrsla Efnahags og framfarastofnunarinnar, OECD, Education at a Glance 2025, var birt í dag. Skýrslan kemur út árlega en í ár er sjónum sérstaklega beint að háskólastiginu. Niðurstöður skýrslunnar gefa mikilvægar vísbendingar um stöðu íslensks háskólakerfis í alþjóðlegum samanburði.

04. sep. 2025Forsætisráðuneytið, Fjármálaáætlun, Félags- og húsnæðismálaráðuneytið, Fjármála- og efnahagsráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Dómsmálaráðuneytið

Mikilvægur áfangi um úrbætur í öryggisráðstöfunum

Ríkisstjórn Kristrúnar Frostadóttur hefur tekið afgerandi skref um úrbætur í þjónustu og úrræðum fyrir einstaklinga sem sæta þurfa sérstökum öryggisráðstöfunum. Um er að ræða einstaklinga sem geta verið sjálfum sér og öðrum hættulegir en hafa fallið milli þjónustukerfa ríkis og sveitarfélaga. Þessir einstaklingar glíma gjarnan við alvarlegar þroska- og/eða geðraskanir og geta verið ósakhæfir, en einnig sakhæfir sem lokið hafa afplánun og þurfa mikinn stuðning í samfélaginu utan réttarvörslukerfis.

25. ágú. 2025Mennta- og barnamálaráðuneytið, Dómsmálaráðuneytið

Vel heppnað samstarf félagsmiðstöðva og lögreglu á Menningarnótt

Ein helsta forsenda aðgerða stjórnvalda gegn ofbeldi meðal barna og gegn börnum er þverfaglegt samstarf aðila sem koma að þessum málum. Viðvera og samtal samfélagslögreglu, starfsfólks félagsmiðstöðva þar með talið Flotans, flakkandi félagsmiðstöðvar og fleiri á Menningarnótt eru dæmi um slíkt samstarf. Þar fylgdi einn félagsráðgjafi og einn starfsmaður félagsmiðstöðvar hverjum lögregluhópi og var Flotinn – flakkandi félagsmiðstöð á vakt og samfélagslögreglan á ferðinni.

18. ágú. 2025Menntamál, Menntastefna, Mennta- og barnamálaráðuneytið

Almenn ánægja með starfsemi tónlistarskóla – úttekt á starfsemi tónlistarskóla á Íslandi

Mennta- og barnamálaráðuneytið hefur birt Úttekt á starfsemi tónlistarskóla á Íslandi. Úttektin er liður í aðgerðaáætlun menntastefnu og var markmið hennar að kanna gæði og skipan tónlistarnáms í viðurkenndum tónlistarskólum. Niðurstöður úttektarinnar gefa m.a. til kynna almenna ánægju meðal nemenda og forráðamanna með starf tónlistarskóla og að vilji kennara til umbóta og þróunar gagnvart náminu sé mikill. Hins vegar hefur nemendum sem þreyta áfangapróf fækkað og eru áskoranir til staðar gagnvart því að tryggja jafnt aðgengi að tónlistarnámi, óháð staðsetningu, efnahag og bakgrunni.

09. ágú. 2025Menntamál, Menntastefna, Mennta- og barnamálaráðuneytið

Útbreiðsla þekkingar og reynslu af nýsköpunar- og skólaþróunarverkefnum menntastefnu

Mennta og barnamálaráðuneytið og Miðstöð menntunar og skólaþjónustu efndu nýverið til uppskeruhátíðar fyrir styrkþega skólaþróunarverkefna menntastefnu til ársins 2030. Tilgangurinn var að fagna afrakstrinum, efla tengslin milli styrkhafa og tilkynna um næstu skref. Við það tækifæri var frumsýnd vefsíða sem Miðstöð menntunar og skólaþjónustu hefur umsjón með þar sem safnað verður saman afurðum allra verkefnanna til að stuðla að útbreiðslu þeirra þannig að þau nýtist sem best öðrum skólum og stofnunum. Þá voru jafnframt frumsýnd 5 myndbönd frá leikskóla, framhaldsskóla, tveimur grunnskólum og úr frístundastarfi, sem hlutu styrki, og gáfu þau góða mynd af því gróskumikla starfi sem unnið hefur verið sl. vetur.

01. júl. 2025Mennta- og barnamálaráðuneytið, Menningar-٫ nýsköpunar- og háskólaráðuneytið

Úttekt á aðgengi nemenda að hljóðbókum með áherslu á nýbúa

Nýverið var undirritaður samningur milli menningar- og viðskiptaráðuneytisins, mennta- og barnamálaráðuneytisins og ARCUR um úttekt á aðgengi nemenda að hljóðbókaefni á íslensku, bæði námsefni og yndislestrarefni. Úttektinni er ætlað að varpa ljósi á aðgengi leik-, grunn- og framhaldsskólanema að hljóðbókum og mögulegar hindranir. Vilja ráðuneytin líta sérstaklega til nemenda sem ekki hafa íslensku að móðurmáli. Hlustun samhliða því að fylgja eftir texta bókar getur auðveldað þeim að læra íslensku og flýtt fyrir námi þeirra.

30. jún. 2025Rit og skýrslur, Mennta- og barnamálaráðuneytið

Skýrsla starfshóps um áföll meðal barna - forvarnir og viðbrögð

júní 2025 / Mennta- og barnamálaráðuneytið Skýrsla starfshóps um áföll meðal barna - forvarnir og viðbrögð Mennta- og barnamálaráðherra skipaði starfshóp um forvarnir og viðbrögð við áföllum barna. Markmið hópsins var að kortleggja aðstæður sem líklegar eru til þess að valda alvarlegu áfalli í lífi barns eða aðstandanda þess, greina þjónustuþörf og nauðsynleg úrræði sem gætu dregið úr líkum á áföllum eða áhrifum áfalla og tillögur að úrbótum þvert á þjónustukerfin

26. jún. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Atvinnuvegaráðuneytið, Forsætisráðuneytið, Mennta- og barnamálaráðuneytið, Umhverfis-٫ orku- og loftslagsráðuneytið, Utanríkisráðuneytið, Sendiráð Íslands í París, Sendiskrifstofa

Ný skýrsla OECD um íslenskt efnahagslíf: Styrkar stoðir efnahagslífsins en aðhalds þörf

Stoðir íslensks efnahagslífs eru sterkar og viðnámsþróttur mikill. Þetta kemur fram í nýrri skýrslu Efnahags- og framfarastofnunarinnar (OECD) um Ísland, sem birt var í dag. Skýrslur af þessu tagi eru gefnar út á tveggja ára fresti. Mathias Cormann, framkvæmdastjóri OECD, kynnti helstu niðurstöður skýrslunnar á blaðamannafundi ásamt Daða Má Kristóferssyni, fjármála- og efnahagsráðherra.