Efnisorð
Tegund

Leita eftir efnisorðum

Sýnir 301–350 af 522
Raða eftir:
04. júl. 2025Landbúnaður, Atvinnuvegir, Atvinnuvegaráðuneytið

Bændur fá tjónastuðning eftir kuldakast í júní 2024

Ríkisstjórnin hefur samþykkt að tillögu Hönnu Katrínar Friðriksson atvinnuvegaráðherra að verja allt að 725 milljónum króna til stuðnings við bændur sem urðu fyrir tjóni vegna óvanalegs og erfiðs tíðarfars á landinu sumarið 2024. Sumarið var óvenju kalt samkvæmt upplýsingum frá Veðurstofu Íslands eða það kaldasta á landsvísu síðan árið 1998.

02. júl. 2025Ferðaþjónusta, Atvinnuvegaráðuneytið

Starfshópur um öryggi ferðamanna: Undirbúningur hafinn við skráningarkerfi slysa og óhappa

Starfshópur um öryggi ferðamanna skilaði sinni fyrstu áfangaskýrslu til ráðherra í desember síðastliðnum. Starfsemi hans er liður í framkvæmd aðgerðaáætlunar með ferðamálastefnu til 2030. Samkvæmt aðgerð E.7. Bætt öryggi ferðamanna er markmið hennar að tryggja öryggi ferðamanna um land allt, eins og kostur er, hvort sem um er að ræða á fjölsóttum áfangastöðum eða á ferð um landið almennt.

27. jún. 2025Forsætisráðuneytið, Fjármála- og efnahagsráðuneytið, Innviðaráðuneytið, Umhverfis-٫ orku- og loftslagsráðuneytið, Atvinnuvegaráðuneytið

Starfshópur vinnur tillögur að viðbrögðum vegna stöðu atvinnumála í Norðurþingi

Starfshópur sem skipaður var af forsætisráðherra vinnur nú að kortlagningu á stöðu atvinnumála í Norðurþingi en tilkynnt hefur verið um tímabundna rekstrarstöðvun kísilvers PCC á Bakka frá miðjum júlí. Málið var rætt á fundi ríkisstjórnarinnar í dag.

26. jún. 2025Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Atvinnuvegaráðuneytið, Forsætisráðuneytið, Mennta- og barnamálaráðuneytið, Umhverfis-٫ orku- og loftslagsráðuneytið, Utanríkisráðuneytið, Sendiráð Íslands í París, Sendiskrifstofa

Ný skýrsla OECD um íslenskt efnahagslíf: Styrkar stoðir efnahagslífsins en aðhalds þörf

Stoðir íslensks efnahagslífs eru sterkar og viðnámsþróttur mikill. Þetta kemur fram í nýrri skýrslu Efnahags- og framfarastofnunarinnar (OECD) um Ísland, sem birt var í dag. Skýrslur af þessu tagi eru gefnar út á tveggja ára fresti. Mathias Cormann, framkvæmdastjóri OECD, kynnti helstu niðurstöður skýrslunnar á blaðamannafundi ásamt Daða Má Kristóferssyni, fjármála- og efnahagsráðherra.

23. jún. 2025Atvinnuvegaráðuneytið, Landbúnaður, Auglýsingar tollkvóta, Atvinnuvegir, Niðurstöður útboða

Niðurstaða úthlutunar á tollkvótum á landbúnaðarvörum sem taka gildi 1. júlí 2025

Nýverið lauk úthlutunarferli tollkvóta á landbúnaðarvörum sem taka allir gildi 1. júlí nk. og gilda ýmist í 6 eða 12 mánuði. Í flestum tilvikum var umfram eftirspurn eftir tollkvótum og var þeim því úthlutað með útboði. Um er að ræða tollkvóta sem veita heimild til innflutnings á kjöti, unnum kjötvörum, ostum og plöntum án tolla eða á lægri tollum en tollskrá segir til um. Um niðurstöður hverrar úthlutunar má lesa að neðan.

13. jún. 2025Atvinnuvegaráðuneytið, Jafnrétti, Mannréttindi og jafnrétti

Ógnvekjandi þróun víða um heim

Hanna Katrín Friðriksson atvinnuvegaráðherra hélt á dögunum erindi á mannréttindaráðstefnu World Pride í Washington DC sem fulltrúi íslenskra stjórnvalda. Þar lýsti hún djúpum áhyggjum af neikvæðri þróun í réttindabaráttu hinsegin fólks á heimsvísu og benti á vaxandi áhrif skipulagðra öfgahreyfinga sem ógna sjálfum grundvallargildum lýðræðisins: frelsi, jafnrétti og mannréttindum.

02. apr. 2025Viðskipti, Atvinnuvegaráðuneytið

Atvinnuvegaráðherra á ráðherrafundi ESB og EFTA um samkeppnishæfni

Atvinnuvegaráðherra, Hanna Katrín Friðriksson, tók í dag þátt í ráðherrafundi ESB og EFTA ríkjanna á sviði viðskipta og iðnaðar, í Varsjá. Á fundinum var fjallað um samkeppnishæfni og stöðu iðnaðar og viðskipta innan evrópska efnahagssvæðisins, m.a. með hliðsjón af vaxandi spennu á vettvangi alþjóðastjórnmála og utanríkisviðskipta. Á fundinum lagði ráðherra áherslu á samstöðu og samstilltar aðgerðir meðal Evrópuríkja, þróun innri markaðar EES og mikilvægi EES samningsins fyrir EFTA ríkin.

18. mar. 2025Forsætisráðuneytið, Grindavík, Fjármála- og efnahagsráðuneytið, Innviðaráðuneytið, Félags- og húsnæðismálaráðuneytið, Atvinnuvegaráðuneytið, Mennta- og barnamálaráðuneytið, Umhverfis-٫ orku- og loftslagsráðuneytið

Framhald stuðningsaðgerða við Grindvíkinga

Á fundi ríkisstjórnar í dag var tekin ákvörðun um framhald stuðningsaðgerða við Grindvíkinga og atvinnurekendur í bænum. Gerðar verða breytingar sem miða að því að færa stuðning úr formi sértækra neyðarúrræða og í almennari farveg. Einstaklingar og fjölskyldur í sérstaklega viðkvæmri stöðu munu áfram njóta nauðsynlegs stuðnings.

17. mar. 2025Atvinnuvegir, Húsnæðis- og mannvirkjamál, Ferðaþjónusta, Atvinnuvegaráðuneytið

Frumvarp um hert skilyrði skammtímaleigu íbúðarhúsnæðis sett í samráðsgátt

Birt hafa verið í samráðsgátt stjórnvalda drög að frumvarpi til laga um breytingu á lögum um veitingastaði, gististaði og skemmtanahald. Í frumvarpinu eru tillögur sem ætlað er að mæta áherslum í stefnuyfirlýsingu ríkisstjórnarinnar um jafnvægi á húsnæðismarkaði til að fleiri íbúðir nýtist sem heimili. Frumvarpið er jafnframt hluti af aðgerðum ríkisstjórnarinnar á húsnæðismarkaði.

15. mar. 2025Atvinnuvegir, Dýravelferð, Fiskeldi, Lagareldi, Landbúnaður, Sjávarútvegur, Verslun, Viðskipti, Auðlindir, Atvinnuvegaráðuneytið

Atvinnuvegaráðuneytið tekur til starfa

Atvinnuvegaráðuneytið tók til starfa 15. mars árið 2025. Ráðuneytið byggir á grunni þeirra málefna sem heyrðu undir matvælaráðuneytið; sjávarútveg, landbúnað lagareldi, matvæli og matvælaöryggi. Að auki hafa málefni viðskipta, neytendamála og ferðamála hafa verið færð til ráðuneytisins frá fyrrum menningar- og viðskiptaráðuneyti ásamt málefnum iðnaðar sem voru færð frá háskóla-, iðnaðar- og nýsköpunarráðuneyti. Málefni skógræktar og landgræðslu sem heyrðu undir matvælaráðuneyti voru færð til umhverfis,- orku- og loftslagsráðuneytis.