Efnisorð
Tegund

Leita eftir efnisorðum

Sýnir 301–350 af 562
Raða eftir:
07. okt. 2025Utanríkismál, Öryggis- og varnarmál, Utanríkisráðuneytið

Ráðherra heimsótti USS Newport News í Grundartangahöfn

Þorgerður Katrín Gunnarsdóttir utanríkisráðherra heimsótti bandaríska kafbátinn USS Newport News, í höfninni á Grundartanga í dag. Um er að ræða reglulega þjónustuheimsókn kjarnorkuknúna bandarískra kafbáta á Íslandi, en þá fyrstu sem fram fer í höfn. Áhöfn USS Newport News telur um 140 einstaklinga, en báturinn er Los Angeles-gerðar og ber ekki kjarnavopn.

01. okt. 2025Utanríkisráðuneytið, Alþjóðamál, Öryggis- og varnarmál, Úkraína, Utanríkismál

Stuðningur við varnarbaráttu Úkraínu áréttaður

Varnarmálaráðherrar ríkja sem styðja varnarbaráttu Úkraínu (Ukraine Defence Contact Group) funduðu í gær um stöðuna á vígvellinum og stuðning ríkjanna við baráttu íbúa Úkraínu gegn innrásarstríði Rússlands. Þorgerður Katrín Gunnarsdóttir utanríkisráðherra sótti fundinn í beinu framhaldi af heimsókn sinni til Kænugarðs þar sem hún ræddi við ráðamenn og kynnti sér afleiðingar stríðsins.

26. sep. 2025Utanríkismál, Þróunarsamvinna, Sendiráð Íslands í Kampala, Utanríkisráðuneytið

Stuðningur við unglingsmæður og börn þeirra í Úganda skilar árangri

Hátt í þúsund fátækar mæður á unglingsaldri og börn þeirra njóta góðs af fjárstuðningi í tengslum við verkefni Barnahjálpar Sameinuðu þjóðanna í Úganda sem Ísland fjármagnar. Stuðninginn nota stúlkurnar til að skapa lífsviðurværi fyrir sig og börn sín. Með verkefninu er freistað að rjúfa þann vítahring sem ungar mæður og börn þeirra festast í.

24. sep. 2025Utanríkismál, Alþjóðamál, Úkraína, Forsætisráðuneytið

Átakanleg örlög brottnuminna úkraínskra barna rædd í New York

Kristrún Frostadóttir forsætisráðherra tók í gær þátt í viðburði um úkraínsk börn, sem Úkraínuforseti og forsætisráðherra Kanada, ásamt eiginkonum þeirra, skipulögðu í tengslum við setningu allsherjarþings Sameinuðu þjóðanna (SÞ). Rússar hafa numið á brott þúsundir úkraínskra barna og ungmenna frá því ólögleg innrás þeirra í Úkraínu hófst fyrir meira en þremur og hálfu ári síðan. Kanada og Úkraína leiða saman hóp 41 ríkis, sem vinnur að því að tryggja að börnin fái að snúa aftur heim.

24. sep. 2025Utanríkisráðuneytið, Utanríkismál, Alþjóðamál, Atvinnuvegaráðuneytið, Fastanefnd Íslands í Róm

Ísland og FAO undirrita nýjan samstarfssamning

Íslensk stjórnvöld og Matvæla- og landbúnaðarstofnun Sameinuðu þjóðanna (FAO) hafa undirritað nýjan samstarfssamning til þriggja ára, sem ætlað er að efla samstarf Íslands og stofnunarinnar. Samningurinn var undirritaður miðvikudaginn 24. september í Safnahúsinu af Dr. QU Dongyu forstjóra FAO, sem er í stuttri heimsókn á Íslandi ásamt sendinefnd, og Hönnu Katrínu Friðriksson atvinnuvegaráðherra í fjarveru Þorgerðar Katrínar Gunnarsdóttur utanríkisráðherra sem stödd er á allsherjarþingi Sameinuðu þjóðanna í New York.

22. sep. 2025Utanríkisráðuneytið, Utanríkismál, Alþjóðamál, Átök fyrir botni Miðjarðarhafs, Fastanefnd Íslands hjá S.þ., Forsætisráðuneytið

Forsætisráðherra og utanríkisráðherra sækja allsherjarþing Sameinuðu þjóðanna

Forsætisráðherra og utanríkisráðherra sækja 80. allsherjarþing Sameinuðu þjóðanna í New York í þessari viku. Í dag sátu þær sérstakan hátíðarviðburð í tilefni áttatíu ára afmælis samtakanna, fundað var með Antonio Guterres aðalframkvæmdastjóra og síðar í dag fer fram sérstakur leiðtogafundur um tveggja ríkja lausnina í Mið-Austurlöndum.

19. sep. 2025Utanríkismál, Úkraína, Utanríkisráðuneytið

Ísland tekur þátt í að „rampa upp Úkraínu“

Samningur um 60 milljóna króna stuðning íslenskra stjórnvalda við verkefnið „Römpum upp Úkraínu,“ næstu fjögur árin var undirritaður í húsakynnum utanríkisráðuneytisins við Austurhöfn í gær. Forvígismaður verkefnisins, Haraldur Þorleifsson, réðst sem kunnugt er í sambærilegt verkefni hér á landi fyrir nokkrum árum, sem leiddi til þess að tæplega tvö þúsund aðgengisrampar voru byggðir víðsvegar um land.

18. sep. 2025Utanríkismál, Öryggis- og varnarmál, Utanríkisráðuneytið

Kynntu sér mikilvægt framlag Íslands til sameiginlegra varna Atlantshafsbandalagsins

Mannvirkjasjóðsnefnd Atlantshafsbandalagsins heimsótti Ísland á dögunum og fékk kynningu á varnarmannvirkjum og innviðum, og framlagi Íslands til sameiginlegra varna Atlantshafsbandalagsins. Skoðaði nefndin sig m.a. um á öryggissvæðinu á Keflavíkurflugvelli og heimsótti Grindavík og ratsjár- og fjarskiptastöð Atlantshafsbandalagsins á Bolafjalli.

15. sep. 2025Utanríkismál, Norrænt samstarf, Öryggis- og varnarmál, Aðalræðisskrifstofa Íslands í Nuuk, Utanríkisráðuneytið

Ráðherra styrkti böndin á Grænlandi og fylgdist með varnaræfingu

Heimsókn Þorgerðar Katrínar Gunnarsdóttir utanríkisráðherra til Grænlands lauk í dag en hún var mikilvægur liður í samstarfi Íslands og Grænlands hvað varðar norrænt samráð um öryggis- og varnarmál. Þá átti utanríkisráðherra tvíhliða fund með Vivian Motzfeldt, utanríkisráðherra Grænlands, þar sem málefni norðurslóða, áskoranir sem svæðið stendur frammi fyrir og tækifæri til frekara samstarfs ríkjanna í ört breytilegum heimi var til umræðu.

12. sep. 2025Utanríkismál, Úkraína, Utanríkisráðuneytið, Sendiráð Íslands í Vín

Innrásarstríð Rússlands í Úkraínu og viðbrögð við öryggisógnum efst á baugi á ráðherrafundi ÖSE

Ráðherrafundur Öryggis- og samvinnustofnunar Evrópu (ÖSE) fór fram í Vínarborg dagana 4. og 5. desember og sótti Helga Hauksdóttir, fastafulltrúi Íslands gagnvart stofnuninni, fundinn í fjarveru utanríkisráðherra. Virðing fyrir grundvallarreglum öryggis, lýðræðis og mannréttinda, viðbrögð við öryggisógnum á ÖSE-svæðinu, þ.e. innrásarstríð Rússlands í Úkraínu, voru meginviðfangsefni fundarins.

09. sep. 2025Utanríkismál, Þróunarsamvinna, Utanríkisráðuneytið

Breytt landslag þróunarsamvinnu í brennidepli á fundi OECD-DAC í Hörpu

Stórfelldur niðurskurður stórra framlagsríkja til opinberrar þróunaraðastoðar á yfirstandandi ári setti mark sitt á Tidewater-fund Þróunarsamvinnunefndar Efnahags- og framfarastofnunarinnar (OECD-DAC), sem fram fór í Hörpu í dag. Þar var breytt landslag alþjóðlegrar þróunarsamvinnu efst á baugi, en fyrirséð er að miklar breytingar verði á hefðbundinni fjármögnun opinberrar þróunarastoðar af þessum sökum.

04. sep. 2025Utanríkismál, Átök fyrir botni Miðjarðarhafs, Norðurslóðir, Norrænt samstarf, Öryggis- og varnarmál, Úkraína, Utanríkisráðuneytið

Utanríkisráðherra fundaði með starfsbræðrum sínum í Noregi

Sameiginlegar áskoranir, öryggismál á norðurslóðum og aukið samstarf á sviði öryggis- og varnarmála var ofarlega á baugi á tvíhliða fundum Þorgerðar Katrínar Gunnarsdóttur utanríkisráðherra með Tore O. Sandvik varnarmálaráðherra Noregs og Espen Barth Eide utanríkisráðherra, sem fram fóru í Ósló í tengslum við opinbera heimsókn forseta Íslands til Noregs. Ráðherrarnir áréttuðu áframhaldandi og óbilandi stuðning ríkjanna við varnarbaráttu Úkraínu gegn ólöglegu og blóðugu innrásarstríði Rússlands. Þá voru hörmungarnar fyrir botni Miðjarðarhafs sömuleiðis til umræðu og ítrekuðu ráðherrarnir mikilvægi mannúðaraðstoðar og virðingu fyrir alþjóðalögum.

30. ágú. 2025Utanríkismál, Evrópusamvinna, Utanríkisráðuneytið

Ráðherra tók þátt í óformlegum fundi utanríkisráðherra ESB um Úkraínu

Ólöglegt og blóðugt innrásarstríð Rússlands í Úkraínu, frekari þvingunaraðgerðir og mögulegar aðgerðir til að stemma stigu við skuggaflota Rússlands voru í brennidepli á óformlegum fundi utanríkisráðherra Evrópusambandsríkjanna sem fram fór í Kaupmannahöfn í dag. Þorgerður Katrín Gunnarsdóttir utanríkisráðherra var sérstakur gestur á þessum hluta fundarins, ásamt utanríkisráðherra Noregs og ráðherra Evrópumála Bretlands.

10. ágú. 2025Utanríkismál, Alþjóðamál, Átök fyrir botni Miðjarðarhafs, Utanríkisráðuneytið

Vegna handtöku íslensks ríkisborgara um borð í skipi á leið til Gaza

október 2025 / Utanríkisráðuneytið Vegna handtöku íslensks ríkisborgara um borð í skipi á leið til Gaza Utanríkisráðuneytinu er kunnugt um að ísraelsk stjórnvöld hafa í dag farið um borð í skip, Conscience, sem sigldi áleiðis í áttina til Gaza. Íslenskur ríkisborgari sem var um borð hefur verið handtekinn

29. júl. 2025Utanríkismál, Átök fyrir botni Miðjarðarhafs, Utanríkisráðuneytið, Alþjóðamál, Fastanefnd Íslands hjá S.þ.

Utanríkisráðherra sótti ráðstefnu í New York um tveggja ríkja lausnina

Þorgerður Katrín Gunnarsdóttir utanríkisráðherra sótti ráðstefnu Sameinuðu þjóðanna um tveggja ríkja lausnina svokölluðu. Í ávarpi áréttaði hún að eina raunhæfa leiðin að friði milli Ísraela og Palestínumanna fælist í að ríki heims viðurkenndu og raungerðu sjálfsákvörðunarrétt Palestínumanna og að sjálfstætt ríki Palestínu tæki sér stöðu við hlið Ísraelsríkis.

16. júl. 2025Utanríkismál, Utanríkisráðuneytið

Kröfum Iceland hafnað fyrir dómi

Almennur dómstóll Evrópusambandsins (e. General Court) hefur fallist á niðurstöðu Hugverkastofu Evrópusambandsins (EUIPO) íslenskum stjórnvöldum í vil varðandi vörumerkið ICELAND. Dómstóllinn hafnaði í dag kröfum Iceland Foods Ltd. um ógildingu á niðurstöðu EUIPO, sem hafði komist að þeirri niðurstöðu að vörumerkjaskráning verslunarkeðjunnar á orðmerkinu ICELAND væri ógild í heild sinni.

10. júl. 2025Utanríkismál, Norrænt samstarf, Öryggis- og varnarmál, Sendiráð Íslands í Helsinki, Utanríkisráðuneytið, Evrópusamvinna, Alþjóðamál

Undirrituðu tvíhliða samstarfsyfirlýsingu um varnarmál

Þorgerður Katrín Gunnarsdóttir utanríkisráðherra og Antti Häkkänen, varnarmálaráðherra Finnlands, undirrituðu í dag tvíhliða samstarfsyfirlýsingu um varnarmál í Helsinki. Undirritunin fór fram í tengslum við opinbera heimsókn Höllu Tómasdóttur, forseta Íslands, til Finnlands.

05. júl. 2025Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Sameiginleg yfirlýsing um Gaza

Utanríkisráðherrar Íslands, Írlands, Lúxemborgar, Noregs, Slóveníu og Spánar kalla eftir því í sameiginlegri yfirlýsingu að ísraelsk stjórnvöld hverfi frá áformum um að víkka út hernaðaraðgerðir sínar á Gaza og hafa þar varanlega viðveru. Utanríkisráðherrar þessara ríkja hafna öllum hugmyndum um brottflutning Palestínumanna frá Gaza enda væru þær brot á alþjóðalögum. Þá kalla ráðherrarnir eftir nýju vopnahléi á Gaza og lausn allra gísla og fara fram á að Ísraelar heimili þegar í stað að matar- og neyðaraðstoð berist aftur inn á Gaza í samstarfi við og fyrir tilstilli Sameinuðu þjóðanna og hjálparstofnana.

03. júl. 2025Utanríkismál, Alþjóðamál, Jafnrétti, Mannréttindi, Sendiráð Íslands í París, Utanríkisráðuneytið

Utanríkisráðherra ávarpaði ráðstefnu UNESCO um stöðu kvenna og stúlkna í Afganistan

Bágborin staða kvenna og stúlkna í Afganistan var til umræðu á ráðstefnu sem haldin var að frumkvæði Íslands hjá Mennta-, menningar- og vísindastofnun Sameinuðu þjóðanna (UNESCO) í París í dag í tengslum við alþjóðlegan baráttudag kvenna, 8. mars. Myndbandsávarp Þorgerðar Katrínar Gunnarsdóttur utanríkisráðherra var flutt í upphafi ráðstefnunnar en þar lagði ráðherra áherslu á að alþjóðasamfélagið mætti ekki gleyma mannréttindum afganskra kvenna og stúlkna.

03. júl. 2025Utanríkismál, Alþjóðamál, Þróunarsamvinna, Utanríkisráðuneytið

Hnattrænar áskoranir og málefni Úkraínu rædd á fundi með forseta Alþjóðabankans

Hlutverk Alþjóðabankans á tímum örra breytinga, skertrar fjármögnunar til þróunarsamvinnu og erfiðrar skuldastöðu fjölmargra þróunarríkja var meðal þess sem rætt var á fundi fulltrúa kjördæmis Norðurlandanna og Eystrasaltsríkjanna (NB8) í Alþjóðabankanum með Ajay Banga, forseta bankans, í Stokkhólmi í dag. Vandinn sem fátækustu ríkin standa frammi fyrir er gríðarlegur og fer vaxandi á sama tíma og dregið hefur úr stuðningi við þau.

01. júl. 2025Utanríkisráðuneytið, Alþjóðamál, Öryggis- og varnarmál, Úkraína, Utanríkismál

Utanríkisráðherra í vinnuheimsókn í Úkraínu

Þorgerður Katrín Gunnarsdóttir utanríkisráðherra er nú stödd í vinnuheimsókn í Úkraínu þar sem hún fundar með ráðamönnum, áréttar stuðning Íslands við varnarbaráttu Úkraínu og kynnir sér stöðu mála. Þorgerður Katrín hefur í dag meðal annars átt fundi með Andrii Sybiha utanríkisráðherra Úkraínu og Denys Shmyhal forsætisráðherra.

30. jún. 2025Utanríkismál, Alþjóðamál, Þróunarsamvinna, Sendiráð Íslands í Lilongwe, Utanríkisráðuneytið

Ísland styður við fæðuöryggi skólabarna í Malaví

Nýju skólamáltíðarverkefni á vegum Íslands og Matvælaáætlunar Sameinuðu þjóðanna (WFP) var nýverið hleypt af stokkunum í Malaví. Fulltrúar sendiráðs Íslands í Lilongwe sóttu sérstakan setningarviðburð af þessu tilefni, ásamt menntamálaráðherra Malaví og yfirmanns WFP. Viðburðurinn fór fram í Dzikondilose grunnskólanum sem er einn af skólunum sem hlotið hefur stuðning frá Íslandi.

26. jún. 2025Utanríkismál, Alþjóðamál, Átök fyrir botni Miðjarðarhafs, Utanríkisráðuneytið

Ísland veitir viðbótarframlag til starfsemi UNRWA

Utanríkisráðherra hefur ákveðið að veita 150 milljóna króna viðbótarkjarnaframlag til Palestínuflóttamannaaðstoðar Sameinuðu þjóðanna (UNRWA) vegna átakanna fyrir botni Miðjarðarhafs. Martin Eyjólfsson, ráðuneytisstjóri utanríkisráðuneytisins, tilkynnti um framlagið á ársfundi ráðgjafaráðs UNRWA (Advisory Commission) sem haldinn var á fjarfundarformi í gær, 25. júní. Þá hefur einnig verið ákveðið að veita 30 milljóna króna viðbótarframlag til svæðissjóðs Samhæfingarskrifstofu aðgerða Sameinuðu þjóðanna í mannúðarmálum (OCHA) fyrir Palestínu (OCHA oPt).

26. jún. 2025Utanríkismál, Evrópuráðið, Úkraína, Utanríkisráðuneytið

Sögulegur dómstóll vegna glæpa gegn friði í Úkraínu

Sögulegt skref var stigið í gærkvöldi þegar Volodómír Selenskí, forseti Úkraínu, og Alain Berset, aðalframkvæmdastjóri Evrópuráðsins, undirrituðu samning um stofnun sérstaks dómstóls vegna glæpa gegn friði í Úkraínu. Viðburðurinn fór fram í Evrópuráðinu í Strassborg að viðstöddum fulltrúum aðildarríkja. Þá ávarpaði Selenskí einnig Evrópuráðsþingið, en þingmenn Íslandsdeildar Evrópuráðsins tóku þátt í þinginu þessa viku.