Efnisorð
Tegund

Leita eftir efnisorðum

Sýnir 351–400 af 574
Raða eftir:
20. feb. 2025Félags- og húsnæðismálaráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Dómsmálaráðuneytið

Tryggjum úrræði fyrir börn

Ráðherranefnd um málefni barna fundaði í gær um alvarlega stöðu mála vegna neyðarvistunar og úrræða fyrir börn með fjölþættan vanda. Nefndin er einhuga um að leita lausna sem fyrst á þeim bráðavanda sem uppi er og að hefja skuli vinnu við að tryggja úrræði fyrir börn með fjölþættan vanda.

20. feb. 2025Félags- og húsnæðismálaráðuneytið, Fatlað fólk

Fullur salur á samráðsþingi um landsáætlun í málefnum fatlaðs fólks

Fjöldi fólks tók þátt í opnu samráðsþingi um landsáætlun um innleiðingu samnings Sameinuðu þjóðanna um réttindi fatlaðs fólks sem fram fór í dag. Landsáætlunin inniheldur 60 aðgerðir og er liður í innleiðingu og lögfestingu samnings Sameinuðu þjóðanna um réttindi fatlaðs fólks. Yfirskrift þingsins var „Eitt lífshlaup – ótal tengingar“ og markmiðið að kortleggja þjónustu við fatlað fólk í gegnum ævina og hvernig hægt sé að koma á og styrkja tengingar á milli aðila.

19. feb. 2025Félags- og húsnæðismálaráðuneytið

Lagt til að fæðingarorlof verði lengt fyrir foreldra með fjölbura og vegna veikinda á meðgöngu

Frumvarp hefur verið birt í samráðsgátt stjórnvalda þar sem lagt er til að fæðingarorlof verði lengt fyrir foreldra með fjölbura og vegna veikinda á meðgöngu. Frumvarpið er hluti af þeim 11 þingmálum sem Inga Sæland, félags- og húsnæðismálaráðherra, ætlar að leggja fram á vorþingi. Í dag eiga foreldrar sameiginlegan rétt á lengingu fæðingarorlofs í þrjá mánuði fyrir hvert barn umfram eitt en lagt er til að það breytist í sex mánuði. Það sama á við um greiðslu svokallaðs fæðingarstyrks. Þannig er lagt til að tímabilið tvöfaldist þar sem foreldrar eiga sameiginlegan rétt á fleiri mánuðum vegna fjölbura.

18. feb. 2025Félags- og húsnæðismálaráðuneytið, Húsnæðis- og mannvirkjamál, Menningar-٫ nýsköpunar- og háskólaráðuneytið

40 verkefni fengu styrki til rannsókna og nýsköpunar á sviði mannvirkjagerðar

Fjörutíu nýsköpunar- og/eða rannsóknarverkefni fengu í dag styrkúthlutun úr Aski – mannvirkjarannsóknasjóði. Inga Sæland, félags- og húsnæðismálaráðherra, og Logi Einarsson, menningar-, nýsköpunar- og háskólaráðherra, afhentu styrkina við hátíðlega athöfn í húsakynnum Húsnæðis- og mannvirkjastofnunar (HMS). Um er að ræða úthlutun ársins 2024. Þetta er fjórða úthlutun sjóðsins sem stofnaður var árið 2021 og hefur það hlutverk að veita styrki til nýsköpunar- og mannvirkjarannsókna með áherslu á aukna þekkingu, umbætur og nýsköpun til að mæta samfélagslegum áskorunum á sviði mannvirkjagerðar.

17. feb. 2025Félags- og húsnæðismálaráðuneytið, Húsnæðis- og mannvirkjamál, Innviðaráðuneytið

Aðgerðahópur skipaður um bráðaaðgerðir í húsnæðismálum

Inga Sæland, félags- og húsnæðismálaráðherra, hefur skipað aðgerðahóp um bráðaaðgerðir í húsnæðismálum og úrbætur til lengri tíma. Í hópnum sitja þrír þingmenn, einn úr hverjum stjórnarflokki, auk fulltrúa frá ráðuneytinu og Húsnæðis- og mannvirkjastofnun. Hlutverk aðgerðahópsins er fyrst og fremst að kortleggja áskoranir í húsnæðismálum og leggja fram tillögur að aðgerðum. Markmiðið er að landsmenn búi við húsnæðisöryggi og jafnrétti í húsnæðismálum og að skapa jafnvægi á húsnæðismarkaði.

14. feb. 2025Félags- og húsnæðismálaráðuneytið

Sækir ráðherrafund OECD á sviði félagsmála

Inga Sæland, félags- og húsnæðismálaráðherra, situr í dag ráðherrafund OECD á sviði félagsmála. Fundinn sækja félagsmálaráðherrar OECD-ríkjanna. Yfirskrift fundarins hefur sterka tengingu við áherslumál félags- og húsnæðismálaráðherra og nýrrar ríkisstjórnar: New Frontier for Social Policy: Investing in the Future. „Ég mun á fundinum leggja ríka áherslu á baráttuna gegn fátækt, ekki síst baráttuna gegn því að börn alist upp við fátækt,“ segir Inga Sæland.

13. feb. 2025Félags- og húsnæðismálaráðuneytið, Innviðaráðuneytið

Hildur H. Dungal skipuð skrifstofustjóri á skrifstofu húsnæðis- og skipulagsmála

Inga Sæland, félags- og húsnæðismálaráðherra, hefur skipað Hildi H. Dungal í embætti skrifstofustjóra á skrifstofu húsnæðis- og skipulagsmála. Hildur er með embættispróf í lögfræði frá Háskóla Íslands og hefur starfað á skrifstofu húsnæðis- og skipulagsmála sem lögfræðingur frá árinu 2022 og staðgengill skrifstofustjóra frá árinu 2023.

09. feb. 2025Félags- og húsnæðismálaráðuneytið, Heilbrigðisráðuneytið

64 ný hjúkrunarrými á Hrafnistu í Kópavogi

Félags- og húsnæðismálaráðherra, heilbrigðisráðherra, bæjarstjóri Kópavogs og forráðamenn Hrafnistu opnuðu í dag nýtt 64 rýma hjúkrunarheimili í Boðaþingi í Kópavogi. Fyrir eru 44 rými í Boðaþingi og eru hjúkrunarrýmin þannig orðin 108 talsins. Óhætt er að segja að um mikilvægan áfanga sé að ræða í uppbyggingu hjúkrunarheimila hér á landi, enda eru biðlistar langir, ekki síst á höfuðborgarsvæðinu. Eignarhald er sameiginlega á hendi ríkisins og Kópavogsbæjar en Hrafnista annast reksturinn.

09. feb. 2025Félags- og húsnæðismálaráðuneytið, Heilbrigðisráðuneytið

64 ný hjúkrunarrými á Hrafnistu í Kópavogi

Félags- og húsnæðismálaráðherra, heilbrigðisráðherra, bæjarstjóri Kópavogs og forráðamenn Hrafnistu opnuðu í dag nýtt 64 rýma hjúkrunarheimili í Boðaþingi í Kópavogi. Fyrir eru 44 rými í Boðaþingi og eru hjúkrunarrýmin þannig orðin 108 talsins. Óhætt er að segja að um mikilvægan áfanga sé að ræða í uppbyggingu hjúkrunarheimila hér á landi, enda eru biðlistar langir, ekki síst á höfuðborgarsvæðinu. Eignarhald er sameiginlega á hendi ríkisins og Kópavogsbæjar en Hrafnista annast reksturinn.

07. feb. 2025Félags- og húsnæðismálaráðuneytið

Fæðingarstyrkur og lágmarksgreiðsla fæðingarorlofs hækka um 30.000 krónur

Inga Sæland, félags- og húsnæðismálaráðherra, hefur undirritað reglugerð sem felur í sér að fæðingarstyrkur námsmanna og fólks utan vinnumarkaðar hækkar um 30.000 kr. næstu mánaðamót. Lágmarksgreiðsla fæðingarorlofs hækkar um sömu upphæð. Hækkanirnar koma í kjölfar frumvarps félags- og húsnæðismálaráðherra sem samþykkt var á Alþingi á mánudag og varðar fæðingar- og foreldraorlof.

05. feb. 2025Félags- og húsnæðismálaráðuneytið, Málefni eldra fólks

Fyrsta skóflustungan tekin að nýju hjúkrunarheimili í Ási í Hveragerði

Fyrsta skóflustunga var í dag tekin að nýju hjúkrunarheimili í Ási í Hveragerði. Inga Sæland, félags- og húsnæðismálaráðherra, Birna Sif Atladóttir, framkvæmdastjóri hjúkrunar í Ási, og Grétar Aðalsteinsson, heimilismaður í Ási, tóku skóflustungu að nýja heimilinu sem mun rúma 44 manns. Í dag eru heimilismenn í Ási 111 talsins en verða 138 þegar nýja hjúkrunarheimilið verður tekið í notkun. Byggingin verður 2.680 fermetrar og heildarkostnaður um 2,8 milljarðar króna.

05. feb. 2025Félags- og húsnæðismálaráðuneytið, Málefni eldra fólks

Fyrsta skóflustungan tekin að nýju hjúkrunarheimili í Ási í Hveragerði

Fyrsta skóflustunga var í dag tekin að nýju hjúkrunarheimili í Ási í Hveragerði. Inga Sæland, félags- og húsnæðismálaráðherra, Birna Sif Atladóttir, framkvæmdastjóri hjúkrunar í Ási, og Grétar Aðalsteinsson, heimilismaður í Ási, tóku skóflustungu að nýja heimilinu sem mun rúma 44 manns. Í dag eru heimilismenn í Ási 111 talsins en verða 138 þegar nýja hjúkrunarheimilið verður tekið í notkun. Byggingin verður 2.680 fermetrar og heildarkostnaður um 2,8 milljarðar króna.

31. jan. 2025Félags- og húsnæðismálaráðuneytið, Heilbrigðisráðuneytið

Margrét Guðnadóttir ráðinn forstöðumaður Miðstöðvar í öldrunarfræðum

Margrét Guðnadóttir hefur verið ráðin forstöðumaður Miðstöðvar í öldrunarfræðum. Miðstöðin er starfrækt undir heilbrigðisvísindastofnun Háskóla Íslands í samvinnu við Landspítala. Hún hefur það að markmiði að efla nýsköpun og þróun í þjónustu við eldra fólk, meðal annars með því að styrkja samstarf fræðimanna á sviði öldrunarfræða og safna saman á einn stað heildstæðum upplýsingum um stöðu eldra fólks á Íslandi.

10. jan. 2025Félags- og húsnæðismálaráðuneytið, Skipulagsmál, Húsnæðis- og mannvirkjamál

Nýtt og notendavænt umsóknarviðmót byggingarleyfa

14 sveitarfélög með samtals 45% íbúða á landinu hafa tekið í notkun nýtt og notendavænt umsóknarviðmót byggingarleyfa. Reykjavíkurborg bættist nýverið í hópinn og af því tilefni bauð Húsnæðis- og mannvirkjastofnun, HMS, til opins fundar í dag undir merkjunum Loksins eitt umsóknarkerfi byggingarleyfa fyrir öll sveitarfélög. Fundurinn markaði tímamót við innleiðingu verkefnisins „Byggingarleyfi á Íslandi – allt á einum stað“. Markmið þess er að stuðla að styttri afgreiðslufresti, einfaldari samskiptum og aukinni sjálfvirkni.

10. jan. 2025Félags- og húsnæðismálaráðuneytið

Starfshópur um málefni fullorðinna einhverfra skilar tillögum til ráðherra

Starfshópur um málefni fullorðinna einhverfra hefur skilað tillögum til Ingu Sæland, félags- og húsnæðismálaráðherra. Hópurinn var skipaður í júlí 2024 og var ætlað að greina umfang og samsetningu fullorðinna einhverfra á Íslandi, kortleggja þá þjónustu sem stendur þeim til boða, greina þörf fyrir aðkomu hins opinbera að þjónustu við hópinn og leggja fram tillögur að aðgerðum til úrbóta.

09. jan. 2025Félags- og húsnæðismálaráðuneytið, Almannatryggingar og lífeyrir

Tímamót: Nýtt örorku- og endurhæfingarkerfi – breytingarnar snerta hátt í 30.000 manns

Í dag tóku gildi stærstu breytingar sem gerðar hafa verið á örorku- og endurhæfingarkerfinu undanfarna áratugi. Breytingarnar snerta hátt í 30.000 manns. Í nýju kerfi er litið til þess hvað fólk getur í stað þess að einblína á hvað það getur ekki. Nýja kerfið er einfaldara, greiðslur hækka, dregið er úr tekjutengingum og fólki gert auðveldara að taka þátt á vinnumarkaði kjósi það svo. Stuðningur er aukinn við fólk í endurhæfingu og áhersla lögð á að koma í veg fyrir að fólk falli milli kerfa og endi með ótímabært örorkumat. Um 95% þeirra sem hafa verið með örorkulífeyri fá hærri greiðslur í nýja kerfinu. Vegna breytinganna greiddi Tryggingastofnun í dag 1.200 milljónum kr. meira til örorku- og endurhæfingarlífeyrisþega en um síðustu mánaðarmót.

09. jan. 2025Félags- og húsnæðismálaráðuneytið, Almannatryggingar og lífeyrir

Bein útsending: Tímamót með nýju örorku- og endurhæfingarkerfi

Nýtt örorku- og endurhæfingarkerfi tekur gildi í dag, 1. september, og á fundi kl. 11:00 verður farið yfir umbæturnar sem nýja kerfið hefur í för með sér. Kynningin verður send út í beinu streymi. Um er að ræða stærstu breytingar sem gerðar hafa verið á örorku- og endurhæfingarkerfinu undanfarna áratugi. Breytingarnar snerta hátt í 30.000 manns.

07. jan. 2025Félags- og húsnæðismálaráðuneytið

Nýtt samkomulag felur í sér þreföldun hjúkrunarrýma í Mosfellsbæ

Samkomulag sem undirritað var í dag felur í sér þreföldun hjúkrunarrýma í Mosfellsbæ. Reist verður nýtt hjúkrunarheimili í bænum með 66 hjúkrunarrýmum en þar eru í dag 33 rými. Inga Sæland, félags- og húsnæðismálaráðherra, og Regína Ásvaldsdóttir, bæjarstjóri Mosfellsbæjar undirrituðu samkomulagið í sól og blíðu utan við hjúkrunarheimilið Hamra við Langatanga. Áætlað er að nýja heimilið verði reist sem tengibygging við Hamra.

07. jan. 2025Félags- og húsnæðismálaráðuneytið

Nýtt samkomulag felur í sér þreföldun hjúkrunarrýma í Mosfellsbæ

Samkomulag sem undirritað var í dag felur í sér þreföldun hjúkrunarrýma í Mosfellsbæ. Reist verður nýtt hjúkrunarheimili í bænum með 66 hjúkrunarrýmum en þar eru í dag 33 rými. Inga Sæland, félags- og húsnæðismálaráðherra, og Regína Ásvaldsdóttir, bæjarstjóri Mosfellsbæjar undirrituðu samkomulagið í sól og blíðu utan við hjúkrunarheimilið Hamra við Langatanga. Áætlað er að nýja heimilið verði reist sem tengibygging við Hamra.

04. jan. 2025Félags- og húsnæðismálaráðuneytið, Líf og heilsa, Málefni eldra fólks, Heilbrigðisráðuneytið

Samþætt heimaþjónusta við eldra fólk og stórefling dagdvalarþjónustu í Mosfellsbæ

Samningar voru undirritaðir í dag um samþætta heimaþjónustu við íbúa Mosfellsbæjar, aukna dagdvalarþjónustu með fleiri rýmum og stofnun heima-endurhæfingarteymis fyrir fólk í heimahúsum. Með samningunum verður rekstur allrar heimaþjónustu á hendi Eirar sem rekur hjúkrunarheimili og dagdvöl í bæjarfélaginu. Dagdvölin stækkar til muna og verður þar rými fyrir 25 einstaklinga í stað níu áður. Með því að efla og samþætta heima- og dagþjálfunarþjónustu á einni hendi er þess vænst að betur megi sníða hana að einstaklingsbundnum þörfum notenda og bregðast tímanlega við breytingum á aðstæðum þeirra og heilsufari.

13. des. 2024Forsætisráðuneytið, Dómsmálaráðuneytið, Fjármála- og efnahagsráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Félags- og húsnæðismálaráðuneytið

Unnið að úrbótum úrræða og þjónustu vegna einstaklinga sem nauðsynlegt þykir að sæti sérstökum öryggisráðstöfunum

Minnisblað með fyrstu tillögum starfshóps sjö ráðuneyta um úrbætur á úrræðum og þjónustu vegna einstaklinga sem nauðsynlegt þykir að sæti sérstökum öryggisráðstöfunum var kynnt á fundi ríkisstjórnar í dag.

12. des. 2024Dómsmálaráðuneytið, Mannréttindi og jafnrétti, Félags- og húsnæðismálaráðuneytið

Rannsókn á ofbeldi í nánum samböndum og fjölskyldum hinsegin fólks á Íslandi

Félagsvísindastofnun Háskóla Íslands vann nýverið rannsókn á ofbeldi í nánum samböndum og fjölskyldum hinsegin fólks á Íslandi. Rannsóknin er hluti aðgerðaáætlunar í málefnum hinsegin fólks fyrir árin 2022–2025 en hún er sú fyrsta sinnar tegundar hér á landi og eru niðurstöður hennar til þess fallnar að gefa innsýn í stöðu málaflokksins og hvaða aðgerða er þörf. ​

04. des. 2024Félags- og húsnæðismálaráðuneytið, Fatlað fólk

Mælti fyrir frumvarpi sem skýrir hlutverk og heimildir réttindagæslumanna og persónulegra talsmanna

Guðmundur Ingi Guðbrandsson, félags- og vinnumarkaðsráðherra, hefur mælt á Alþingi fyrir frumvarpi sem skýrir hlutverk og verkferla í kringum réttindagæslumenn og persónulega talsmenn fatlaðs fólks og gerir þeim betur kleift að sinna hlutverki sínu. „Með þeim breytingum sem lagðar eru fram í frumvarpinu er lögð áhersla á að vilji hins fatlaða einstaklings ráði för, eins og skýrt kemur fram í samningi Sameinuðu þjóðanna um réttindi fatlaðs fólks,“ sagði Guðmundur Ingi meðal annars í framsöguræðu sinni.

03. des. 2024Dómsmálaráðuneytið, Jafnrétti, Félags- og húsnæðismálaráðuneytið, Forsætisráðuneytið

Þing kvennanefndar SÞ: Jafnrétti kynjanna forgangsverkefni íslenskra stjórnvalda

Jafnrétti kynjanna er og hefur verið forgangsverkefni íslenskra stjórnvalda, hvort sem er heima fyrir eða í alþjóðlegu samstarfi – þar á meðal í framboði Íslands til Mannréttindaráðs Sameinuðu þjóðanna fyrir árin 2025-2027. Þetta kom fram í ávarpi Íslands sem Guðmundur Ingi Guðbrandsson, félags- og vinnumarkaðsráðherra, flutti á þingi kvennanefndar Sameinuðu þjóðanna í New York í gærkvöldi.

26. nóv. 2024Félags- og húsnæðismálaráðuneytið, Líf og heilsa, Málefni eldra fólks, Heilbrigðisráðuneytið

Þróunarverkefnið „Gott að eldast“ hefst í Dalvíkurbyggð

Heilbrigðisstofnun Norðurlands (HSN), Dalvíkurbyggð og hjúkrunarheimilið Dalbær á Dalvík hafa undirritað samning um rekstur samhæfðrar þjónustu eldri borgara í sveitarfélaginu. Samningurinn er byggður á aðgerðaáætlun stjórnvalda, "Gott að eldast", sem samþykkt var á Alþingi þann 10. maí 2023.

26. nóv. 2024Félags- og húsnæðismálaráðuneytið, Málefni eldra fólks

Bjartur lífsstíll fyrir eldra fólk

Bjarni Benediktsson, félags- og vinnumarkaðsráðherra, hefur veitt Landssambandi eldri borgara 15 milljóna króna styrk til verkefnisins Bjartur lífsstíll. Bjartur lífsstíll er samstarfsverkefni Landsambands eldri borgara (LEB) og Íþrótta- og Ólympíusambands Íslands (ÍSÍ). Markmiðið er að auka lífsgæði eldra fólks um land allt í gegnum markvissa hreyfingu og auka líkur á að fólk geti búið lengur í heimahúsum. Jafnframt er samstarf við Gott að eldast aðgerðaáætlun, Heilsueflandi samfélög og Þróunarmiðstöð íslenskrar heilsugæslu.

13. nóv. 2024Forsætisráðuneytið, Félags- og húsnæðismálaráðuneytið, Fjármála- og efnahagsráðuneytið

Haustskýrsla kjaratölfræðinefndar er komin út

Haustskýrsla kjaratölfræðinefndar 2024 er komin út. Skýrslan skiptist í fimm meginkafla sem fjalla um efnahagsmál, vinnumarkað, laun og launaþróun sem flokkað er eftir mörkuðum og heildarsamtökum launafólks, kjarasamninga gerða í yfirstandandi samningalotu, auk sérstakrar umfjöllunar um heildarsamtök launafólks eftir mörkuðum.

13. nóv. 2024Félags- og húsnæðismálaráðuneytið

Áfram stutt við verkefnið Sjúktspjall

Félags- og vinnumarkaðsráðuneytið og Stígamót hafa gert með sér samstarfssamning um áframhaldandi stuðning við verkefnið Sjúktspjall. Bjarni Benediktsson, félags- og vinnumarkaðsráðherra, og Drífa Snædal, talskona Stígamóta, undirrituðu samninginn í dag. Samningurinn felur í sér að ráðuneytið styrki verkefnið um 12 milljónir króna. Stutt hefur verið við verkefnið síðastliðin þrjú ár.

09. nóv. 2024Félags- og húsnæðismálaráðuneytið, Fatlað fólk, Fjárlög, Innflytjendur, Málefni eldra fólks, Almannatryggingar og lífeyrir

Breytingar á örorkulífeyriskerfinu og hækkun á almennu frítekjumarki ellilífeyris

Nýtt örorkulífeyriskerfi tekur gildi þann 1. september 2025. Kostnaður vegna breytinganna er á ársgrundvelli 18,1 milljarður króna en 4,4 milljarðar koma inn árið 2025 samkvæmt frumvarpi til fjárlaga sem birt var í gær. Aukin fjárframlög til örorkulífeyriskerfisins eru að mestu til komin vegna hærri greiðslna til örorkulífeyrisþega en um 95% þeirra munu fá hærri greiðslur í nýja kerfinu.

04. nóv. 2024Félags- og húsnæðismálaráðuneytið, Vinnumál

Mælti fyrir frumvarpi sem felur í sér aukið samstarf og eftirlit á vinnumarkaði

Guðmundur Ingi Guðbrandsson, félags- og vinnumarkaðsráðherra, mælti í dag fyrir frumvarpi á Alþingi sem felur í sér aukið samstarf og eftirlit á vinnumarkaði. Frumvarpinu er meðal annars ætlað að styrkja samvinnu stjórnvalda og samtaka aðila vinnumarkaðarins við að sporna gegn brotastarfsemi á innlendum vinnumarkaði. Enn fremur er frumvarpinu ætlað að styrkja eftirlit og samstarf þeirra aðila sem fara með opinbert eftirlit á vinnumarkaði.

03. nóv. 2024Félags- og húsnæðismálaráðuneytið, Fatlað fólk, Mennta- og barnamálaráðuneytið, Menningar-٫ nýsköpunar- og háskólaráðuneytið

Tillögur að auknum náms- og starfstækifærum fyrir fatlað fólk

Starfshópur um aukin náms- og starfstækifæri fyrir fatlað fólk hefur skilað tillögum sínum til ráðherra. Hópnum var ætlað að greina núverandi starfs- og menntunartækifæri fatlaðs fólks með tilliti til þess hvað þurfi að bæta, auk þess að leggja fram tillögur að aðgerðum.

31. okt. 2024Heilbrigðisráðuneytið, Félags- og húsnæðismálaráðuneytið, Líf og heilsa

Víðtæk samþætting endurhæfingar formgerð með tímamótasamningi

Samningur sem kveður á um víðtækt samstarf á sviði endurhæfingar og samhæfingu þjónustunnar þvert á kerfi var undirritaður í dag. Að samningnum koma 46 aðilar á sviði félags- og heilbrigðisþjónustu, sem skuldbinda sig til að eiga með sér samstarf og samvinnu um endurhæfingu einstaklinga sem á þurfa að halda. Samningurinn tekur gildi 1. september 2025 og er mikilvægur liður í innleiðingu viðamikilla breytinga á örorkulífeyriskerfinu samkvæmt lögum sem öðlast gildi á sama tíma.