Efnisorð
Tegund

Leita eftir efnisorðum

Sýnir 451–500 af 640
Raða eftir:
20. feb. 2025Félags- og húsnæðismálaráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Dómsmálaráðuneytið

Tryggjum úrræði fyrir börn

Ráðherranefnd um málefni barna fundaði í gær um alvarlega stöðu mála vegna neyðarvistunar og úrræða fyrir börn með fjölþættan vanda. Nefndin er einhuga um að leita lausna sem fyrst á þeim bráðavanda sem uppi er og að hefja skuli vinnu við að tryggja úrræði fyrir börn með fjölþættan vanda.

09. feb. 2025Dómsmálaráðuneytið

Öryggi þolenda eflt með rafrænu eftirliti

Dómsmálaráðherra hefur birt í samráðsgátt stjórnvalda áform um breytingar á lögum um nálgunarbann og brottvísun af heimili. Helsta breytingin felur í sér að komið verði á fyrirkomulagi um rafrænt eftirlit með staðsetningarbúnaði, t.a.m. ökklaböndum, að ákveðnum skilyrðum uppfylltum. Breytingunum er ætlað að styrkja réttarstöðu brotaþola og þá sérstaklega þeirra sem mega þola heimilisofbeldi og umsáturseinelti.

04. feb. 2025Dómsmálaráðuneytið, Mannréttindi, Jafnrétti

Framkvæmdaáætlun í kynjajafnréttismálum lögð fyrir Alþingi

Dómsmálaráðherra mælti í gær fyrir tillögu til þingsályktunar um framkvæmdaáætlun í kynjajafnréttismálum fyrir árin 2025-2028 á Alþingi. Framkvæmdaáætluninni er ætlað að skilgreina stefnu stjórnvalda og lýsa verkefnum innan Stjórnarráðsins sem ýmist er ætlað að varpa ljósi á stöðu kynjanna eða fela í sér beinar aðgerðir í þágu kynjajafnréttis.

04. feb. 2025Dómsmálaráðuneytið, Útlendingar

Breytingar á útlendingalögum afgreiddar úr ríkisstjórn

Ríkisstjórnin hefur afgreitt frumvarp dómsmálaráðherra um breytingar á lögum um útlendinga nr. 80/2016 (afturköllun alþjóðlegrar verndar). Frumvarpið, sem nú verður lagt fyrir Alþingi, er í samræmi við stefnuyfirlýsingu ríkisstjórnarinnar um að gæta samræmis við reglur nágrannaríkja og Evrópusambandsins á sviði útlendingamála og að heimilt verði að afturkalla alþjóðlega vernd og brottvísa einstaklingum sem fremja alvarleg afbrot eða ógna öryggi ríkisins.

21. jan. 2025Dómsmálaráðuneytið, Jafnrétti, Mannréttindi og jafnrétti

Kynbundinn launamunur minnkar samkvæmt nýrri rannsókn

Kynbundinn launamunur hefur dregist saman á árabilinu 2019 – 2023 hvort heldur litið er til atvinnutekna, leiðrétts eða óleiðrétts launamunar. Þetta kemur fram í nýrri rannsókn Hagstofu Íslands á launamun karla og kvenna. Jafnréttismál munu flytjast til dómsmálaráðuneytisins þann 1. mars frá félags- og vinnumarkaðsráðuneytinu en dómsmálaráðherra hefur þegar tekið við forræði málaflokksins.

17. jan. 2025Dómsmálaráðuneytið, Löggæsla

Ætlar að fjölga lögreglumönnum um 50 á þessu ári

Þorbjörg Sigríður Gunnlaugsdóttir dómsmálaráðherra mætti á fund lögregluráðs fimmtudaginn 16. janúar, ávarpaði þar lögreglustjóra og átti við þá samtal. Þetta var jafnframt fyrsti fundurinn sem dómsmálaráðherra átti með öðrum en starfsfólki ráðuneytisins. Á fundi lögregluráðs tilkynnti dómsmálaráðherra lögreglustjórum áform sín um að fjölga lögreglumönnum um fimmtíu þegar á þessu ári. Ráðherra sagði við þetta tækifæri að fáliðuð lögregla ógni ekki aðeins öryggi lögreglumanna, heldur einnig öryggi fólksins í landinu.

10. jan. 2025Dómsmálaráðuneytið, Útlendingar

Norðurlöndin samstíga í útlendingamálum

Þorbjörg S. Gunnlaugsdóttir dómsmálaráðherra sat reglubundinn ráðherrafund norrænna ráðherra sem haldinn var í Helsinki dagana 30. september og 1. október. Á fundinum komu saman ráðherrar Norðurlandanna og ræddu sameiginlegar áskoranir ríkjanna í málefnum umsækjenda um alþjóðlega vernd og fólksflutninga. Ráðherrar voru einhuga um mikilvægi þess að Norðurlöndin standi þétt saman þegar kemur að reglusetningu og framkvæmd mála er varða umsækjendur um alþjóðlega vernd.

20. des. 2024Dómsmálaráðuneytið, Útlendingar

Ísland kallar eftir tímabundnu afnámi vegabréfsáritunarfrelsis Venesúela inn á Schengen-svæðið

Ísland hefur nú lagt fram beiðni til Evrópusambandsins um að tekið verði til skoðunar að fella tímabundið úr gildi undanþágu Venesúela frá áritunarskyldu til að ferðast inn á Schengen-svæðið. Ástæðan er annars vegar misnotkun ríkisborgara Venesúela á áritanafrelsinu í ljósi mikils fjölda umsókna um vernd á Íslandi og annars staðar í Evrópu og hins vegar skortur á samvinnu þarlendra stjórnvalda við endurviðtöku eigin ríkisborgara í kjölfar synjunar á vernd.

13. des. 2024Forsætisráðuneytið, Dómsmálaráðuneytið, Fjármála- og efnahagsráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Félags- og húsnæðismálaráðuneytið

Unnið að úrbótum úrræða og þjónustu vegna einstaklinga sem nauðsynlegt þykir að sæti sérstökum öryggisráðstöfunum

Minnisblað með fyrstu tillögum starfshóps sjö ráðuneyta um úrbætur á úrræðum og þjónustu vegna einstaklinga sem nauðsynlegt þykir að sæti sérstökum öryggisráðstöfunum var kynnt á fundi ríkisstjórnar í dag.

13. des. 2024Dómsmálaráðuneytið, Sýslumenn, Byggðamál

Úrbætur á biðtíma hjá fjölskyldusviði Sýslumannsins á höfuðborgarsvæðinu

Dómsmálaráðuneytið hefur ákveðið að veita Sýslumanninum á höfuðborgarsvæðinu tímabundna rekstrarstyrkingu, svo hægt verði að ráðast í átaksverkefni við sáttamiðlun og sérfræðiráðgjöf. Auk þess verða verkefni flutt til annars embættis sem hefur meira svigrúm í rekstri. Um er að ræða tímabundnar aðgerðir sem þykja líklegar til árangurs og til þess fallnar að brúa bilið þar til hægt sé að ráðast í varanlegar breytingar, með hliðsjón af niðurstöðu stefnumótunar- og greiningarvinnu málaflokksins.

12. des. 2024Dómsmálaráðuneytið, Mannréttindi og jafnrétti, Félags- og húsnæðismálaráðuneytið

Rannsókn á ofbeldi í nánum samböndum og fjölskyldum hinsegin fólks á Íslandi

Félagsvísindastofnun Háskóla Íslands vann nýverið rannsókn á ofbeldi í nánum samböndum og fjölskyldum hinsegin fólks á Íslandi. Rannsóknin er hluti aðgerðaáætlunar í málefnum hinsegin fólks fyrir árin 2022–2025 en hún er sú fyrsta sinnar tegundar hér á landi og eru niðurstöður hennar til þess fallnar að gefa innsýn í stöðu málaflokksins og hvaða aðgerða er þörf. ​

07. des. 2024Dómsmálaráðuneytið, Útlendingar

Jákvæðir hvatar við sjálfviljuga heimför

Dómsmálaráðuneytið hefur gert breytingar á reglugerð um fjárhagsaðstoð við sjálfviljuga heimför útlendinga. Markmiðið með breytingunum er að skapa jákvæðan hvata fyrir umsækjendur um vernd frá Venesúela og öðrum ríkjum til að snúa til síns heima. Þannig verði létt álagi af verndarkerfinu og komið í veg fyrir að málarekstur dragist á langinn að óþörfu með tilheyrandi kostnaði.

03. des. 2024Dómsmálaráðuneytið, Jafnrétti, Félags- og húsnæðismálaráðuneytið, Forsætisráðuneytið

Þing kvennanefndar SÞ: Jafnrétti kynjanna forgangsverkefni íslenskra stjórnvalda

Jafnrétti kynjanna er og hefur verið forgangsverkefni íslenskra stjórnvalda, hvort sem er heima fyrir eða í alþjóðlegu samstarfi – þar á meðal í framboði Íslands til Mannréttindaráðs Sameinuðu þjóðanna fyrir árin 2025-2027. Þetta kom fram í ávarpi Íslands sem Guðmundur Ingi Guðbrandsson, félags- og vinnumarkaðsráðherra, flutti á þingi kvennanefndar Sameinuðu þjóðanna í New York í gærkvöldi.

28. nóv. 2024Dómsmálaráðuneytið, Sýslumenn, Byggðamál

Verkefni sýslumanna færð á milli umdæma

Dómsmálaráðuneytið hefur undanfarið haft framkvæmd sérverkefna sýslumanna til skoðunar. Sérverkefni sýslumanna eru verkefni sem einu sýslumannsembætti er falið að annast á landsvísu, öfugt við svonefnd kjarnaverkefni sem öll embættin fara með framkvæmd á innan hvers umdæmis. Um er að ræða heildarskoðun á staðsetningu sérverkefnanna, bæði núverandi og nýrra sem færast til sýslumanna 1. janúar nk., og hefur áhersla verið lögð á að finna verkefnunum stað sem þykir til þess fallinn að bæta þjónustuna við almenning samhliða því að standa vörð um byggðamál.

28. nóv. 2024Dómsmálaráðuneytið, Almannavarnir

Ytri rýni vegna jarðhræringanna á Reykjanesskaga

Dómsmálaráðherra hefur ákveðið, samkvæmt lögum um almannavarnir, að skipa þriggja manna starfshóp sérfræðinga sem mun framkvæma ytri rýni á aðgerðum eða aðgerðarleysi viðbragðsaðila tengt jarðhræringunum á Reykjanesskaga. Nefndin verður skipuð Hafsteini Dan Kristjánssyni, prófessor við lagadeild Háskólans í Reykjavík, Kjartani Þorkelssyni, fyrrum lögreglustjóra Suðurlands og Sóleyju Kaldal, áhættustýringar- og öryggisverkfræðingi. Hafsteinn Dan Kristjánsson verður formaður nefndarinnar.

19. nóv. 2024Dómsmálaráðuneytið, Löggæsla, Stafrænt Ísland, Dómstólar

Tímamót í stafrænni vegferð dómstóla og lögreglu

Ákærur í umferðalagabrotum er nú hægt að senda rafrænt frá lögreglu til dómstóla og boðun í dóm birtist í pósthólfi þess ákærða á island.is. Með þessu er stigið stórt skref til umbóta í meðferð mála sem fara frá lögreglu og til dómstóla, en hingað til hafa ákærur, ásamt skjalaskrám, verið fluttar á pappír á milli einstaklinga og stofnana.

15. nóv. 2024Dómsmálaráðuneytið, Landamæraeftirlit, Útlendingar

Dómsmálaráðherra og ríkislögreglustjóri kynna stefnu og landsáætlun í málefnum landamæra

Dómsmálaráðherra og ríkislögreglustjóri hafa kynnt nýja stefnu stjórnvalda í málefnum landamæra og landsáætlun um samþætta landamærastjórnun. Ný stefna stjórnvalda í málefnum landamæra hefur það meginmarkmið að styrkja landamæraeftirlit með því að grípa til aðgerða til að takast á við aukna umferð farþega til landsins og draga úr skipulagðri brotastarfsemi sem virðir engin landamæri.

09. nóv. 2024Forsætisráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Dómsmálaráðuneytið, Fjármála- og efnahagsráðuneytið

Samstaða um auknar aðgerðir vegna ofbeldis meðal barna og gegn börnum

Stjórnvöld hafa ákveðið að fjölga aðgerðum vegna ofbeldis meðal barna og gegn börnum og auka fjármagn til aðgerðanna. Þetta var ákveðið á ríkisstjórnarfundi í gær. Alvarlegt ofbeldi sem hefur átt sér stað á síðustu misserum undirstrikar þörfina á samstilltu átaki til að bregðast við þróuninni af festu.