Efnisorð
Tegund

Leita eftir efnisorðum

Sýnir 451–500 af 552
Raða eftir:
19. apr. 2024Menningar-٫ nýsköpunar- og háskólaráðuneytið

Jón Þ. Sigurgeirsson hefur látið af störfum sem efnahagsráðgjafi í menningar- og viðskiptaráðuneytinu

Jón Þ. Sigurgeirsson hefur látið af störfum sem efnahagsráðgjafi Lilju Daggar Alfreðsdóttur menningar- og viðskiptaráðherra. Jón hefur síðustu misseri sinnt menningarmálum í auknum mæli innan ráðuneytisins og mun áfram sinna verkefnum á sviði tónlistar og menningar auk framkvæmdaverkefna á vegum ráðuneytisins.

19. apr. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir

Tvær framúrskarandi vísindakonur hljóta Hvatningarverðlaun Rannsóknasjóðs

Hvatningarverðlaun Rannsóknasjóðs fyrir árin 2023 og 2024 voru afhent við hátíðlega athöfn á Rannsóknaþingi Rannís sem fór fram í gær. Verðlaunin voru að þessu sinni veitt tveimur framúrskarandi vísindakonum en fyrir árið 2023 hlaut Dr. Heiða María Sigurðardóttir, prófessor við sálfræðideild Háskóla Íslands verðlaunin og Dr. Þórhildur Halldórsdóttir, lektor við sálfræðideild Háskólans í Reykjavík fyrir árið 2024.

18. apr. 2024Menningar-٫ nýsköpunar- og háskólaráðuneytið

Íslensk málnefnd skipuð út árið 2027

Menningar- og viðskiptaráðherra hefur skipað að nýju í Íslenska málnefnd út árið 2027. Íslensk málnefnd var stofnuð 1964 og starfar nú samkvæmt 6. grein laga nr. 61/2011, um stöðu íslenskrar tungu og íslensks táknmáls. Formaður nefndarinnar er Ármann Jakobsson og varaformaður Eva María Jónsdóttir en þau eru skipuð af ráðherra án tilnefningar. Að öðru leyti er nefndin þannig skipuð:

18. apr. 2024Menningar-٫ nýsköpunar- og háskólaráðuneytið

Þriðja ár NorReg fjármagnað – Nærandi ferðaþjónusta til framtíðar

Markmið nærandi ferðaþjónustu er að ferðaþjónustufyrirtæki og gestir þeirra hafi jákvæð áhrif á nærumhverfi sitt og náttúru en einnig að rekstur fyrirtækjanna og framboð afþreyingar og þjónustu geri gestum áfangastaðarins kleift og ljúft að taka þátt í að styrkja og leggja til áfangastaðarins til framtíðar. Markmiðið er að skilja við áfangastaðinn í betra ásigkomulagi en áður en til heimsóknarinnar kom. Það er hægt með markvissum leiðbeiningum og verkefnum innan áfangastaða sem aðstoða gesti við að láta jákvætt að sér leiða.

09. apr. 2024Menningar-٫ nýsköpunar- og háskólaráðuneytið, Mennta- og barnamálaráðuneytið, Innflytjendur, Félags- og húsnæðismálaráðuneytið

RÚV Orð formlega tekið í notkun: Nýtt tæki til íslenskunáms fyrir innflytjendur

RÚV Orð, nýr vefur sem veitir innflytjendum aðgang að fjölbreyttu íslenskunámi í gegnum sjónvarpsefni frá RÚV, hefur nú verið formlega opnaður fyrir almenning. Eftir vel heppnaðar notendaprófanir er RÚV Orð nú aðgengilegt öllum sem vilja efla íslenskukunnáttu sína á sínum hraða.

07. apr. 2024Menningar-٫ nýsköpunar- og háskólaráðuneytið, Háskólar, Heilbrigðismál, Menntamál

Nýtt hús Heilbrigðisvísindasviðs HÍ skapar tækifæri til fjölgunar nemenda

Nýtt hús Heilbrigðisvísindasviðs Háskóla Íslands verður reist á lóð Landspítalans við hlið Læknagarðs. Samningur um uppsteypu og frágang hússins var nýlega undirritaður en áætlað er framkvæmdir taki um fimm ár og að nýtt hús og endurbættur Læknagarður muni hýsa stóran hluta af starfsemi Heilbrigðisvísindasviðs sem nú dreifist á níu staði víðs vegar um borgina.

03. apr. 2024Menningar-٫ nýsköpunar- og háskólaráðuneytið, Háskólar, Menntamál

Fólki með þroskahömlun auðveldað að stunda háskólanám

Verkefni sem lúta að alþjóðlegri sókn og iðkun á þriðja hlutverki háskóla voru meðal þeirra verkefna sem fengu úthlutun úr Samstarfi háskóla á dögunum. Tæplega 1,6 milljarði króna var úthlutað til 35 fjölbreyttra verkefna sem skiptast í sex áhersluflokka sem allir hafa það að markmiði að auka gæði háskólanáms og samkeppnishæfni íslenskra háskóla.

29. mar. 2024Menningar-٫ nýsköpunar- og háskólaráðuneytið

Sundlaugamenning tilnefnd á skrá UNESCO

Í vikunni staðfesti Lilja Dögg Alfreðsdóttir, menningar- og viðskiptaráðherra, tilnefningu sundlaugamenningar á skrá UNESCO yfir óáþreifanlegan menningararf mannkyns. Með umsókninni fylgdu skriflegar stuðningsyfirlýsingar frá sveitarfélögum, íþrótta- og sundfélögum, fjölda sundlaugargesta og -hópa sem deildu sögum, reynslu og viðhorfum til sundlauga og lýstu þýðingu og mikilvægi sundlaugamenningar. Án þessarar þátttöku og stuðnings hefði tilnefningin ekki orðið að veruleika.

26. mar. 2024Menningarmál, Menntamál, Menningar-٫ nýsköpunar- og háskólaráðuneytið

Fyrsta málstefnan um íslenskt táknmál samþykkt: Jákvætt viðhorf er kjarninn!

„Það er á okkar ábyrgð að tryggja framtíð íslensks táknmáls og það er ekki verkefni sem ég tel léttvægt. Lykilinn að framtíð táknmálsbarna er samofin því að við tryggjum íslenskt táknmál í máltöku barnanna og byggjum þeim bjart og hvetjandi umhverfi. Þar skiptir jákvæðni gífurlegu máli samkvæmt niðurstöðum starfshóps og sérfræðinga. Jákvæðni í garð íslensks táknmáls er eitthvað sem við getum öll stuðlað að og með því stutt við jafnari tækifæri fyrir öll þau sem reiða sig á íslenskt táknmál til tjáningar og samskipta,“ segir Lilja Dögg Alfreðsdóttir, menningar- og viðskiptaráðherra.

22. mar. 2024Menningar-٫ nýsköpunar- og háskólaráðuneytið

Síldarævintýri og fjárfestahátíð á Siglufirði

Tilgangur fjárfestahátíðarinnar var að auka fjárfestingatækifæri á landsbyggðinni og tengja frumkvöðla við fjárfesta og aðra lykilaðila í stuðningsumhverfi nýsköpunar á Íslandi. Ráðherra kom inn á nýsköpunarkraft og aðlögunarhæfni Siglfirðinga í ávarpi sínu og hvernig þeim hefði tekist með miklum glæsibrag að snúa vörn í sókn eftir að síldin hvarf.

21. mar. 2024Menningarmál, Menningar-٫ nýsköpunar- og háskólaráðuneytið

Breyting á kvikmyndalögum samþykkt: Sjónvarpsþáttaframleiðsla gerð samkeppnishæfari

„Þetta er fyrsti styrkur sinnar tegundar í íslenskri kvikmyndagerð og talar beint inn í kvikmyndagerð sem viðskiptagrein og listgrein. Með þessum nýja styrkjaflokki er mögulegt að fjármagna síðustu 15-20 % í framleiðslu á stórum leiknum sjónvarpsþáttum og fá hluta styrksins aftur inn til Kvikmyndasjóðs, skili verkefnið hagnaði samkvæmt settum viðmiðum styrksins,“ segir Lilja Dögg Alfreðsdóttir, menningar- og viðskiptaráðherra. Nái sjónvarpsþáttaröð ekki skilgreindu hagnaðarmarki virkjast krafa um endurheimt ekki og styrkurinn er þá án skuldbindinga um endurheimt.

19. mar. 2024Menningar-٫ nýsköpunar- og háskólaráðuneytið

Sviðslistaráð útdeildi í gær sjö viðbótarstyrkjum til óperuverkefna

„Ég fyllist tilhlökkun yfir komandi tónlistarári við að sjá hversu mikill kraftur og hugsanafrelsi er í þeim óperuverkefnum sem hljóta styrk hér í dag. Fjölbreytnin er ákaflega ánægjuleg og það sannast enn á ný að á Íslandi er ekki vöntun á hugmyndum eða hæfileikum. Það þarf kjark, vinnusemi og ástríðu til að fylgja eftir sjálfstæðum verkefnum og koma þeim til lífs. Ég vona að sem flestir njóti afraksturs þeirra vinnu sem hér er að blómstra.“

18. mar. 2024Menningar-٫ nýsköpunar- og háskólaráðuneytið, Menntamál, Mennta- og barnamálaráðuneytið

Stækkaðu framtíðina - Fólk utan höfuðborgarsvæðisins hvatt til að taka þátt

Yfir 600 sjálfboðaliðar hafa skráð sig til leiks í Stækkaðu framtíðina verkefnið sem hefur það að markmiði að víkka sjóndeildarhring ungmenna á Íslandi. Markmiðið er að a.m.k. 1000 sjálfboðaliðar taki þátt í verkefninu og eru karlar, kvár og öll utan höfuðborgarsvæðisins sérstaklega hvött til þess að taka þátt í að stækka framtíðina.

15. mar. 2024Menningar-٫ nýsköpunar- og háskólaráðuneytið, Háskólar, Menntamál

Ábyrgðarmenn námslána felldir brott

Frumvarp um breytingar á lögum um Menntasjóð námsmanna hefur verið birt í samráðsgátt stjórnvalda. Frumvarpinu er ætlað að bregðast við annmörkum núverandi laga og byggir á skýrslu háskóla-, iðnaðar- og nýsköpunarráðherra þar sem unnið var úr athugasemdum sem borist höfðu um Menntasjóðinn. Meðal þess sem lagt er til í frumvarpinu er að ábyrgðarmannakerfi námslána verði fellt úr gildi að fullu og að skilyrði fyrir námsstyrk verði rýmkuð.

15. mar. 2024Menningar-٫ nýsköpunar- og háskólaráðuneytið

Máltækniáætlun kynnt: Nýjasta tækni á íslensku, takk!

„Þetta er einmitt markmið næstu máltækniáætlunar: Að tryggja hagnýtingu þeirra máltækniinnviða sem hafa verið smíðaðir og styðja við fyrirtæki í því verkefni að þróa tæknilausnir sem skilja og tala íslensku. Við erum að tryggja það að íslenskan verði ekki skilin eftir í gífurlega hraðri tækniþróun heimsins. Við viljum tryggja það að þegar ný tæknilausn kemur á markað sem gjörbyltir innri starfsemi fyrirtækja, og getur sparað starfsfólki tíma og vinnu, þá sé sú tækni á íslensku. Íslendingar eiga að geta notað nýjustu tækni á íslensku, geti nýtt sér þjónustu fyrirtækja á íslensku og talað við tæknina á íslensku.“

13. mar. 2024Menningar-٫ nýsköpunar- og háskólaráðuneytið, Háskólar, Heilbrigðismál, Menntamál

Samstarf háskóla eflir hjúkrunarfræðinám

Meðal verkefna sem fengu úthlutun úr Samstarfi háskóla á dögunum er samstarfverkefni Háskólans á Akureyri og Háskóla Íslands sem hefur það að markmiði að bæta nýtingu námsplássa í hjúkrunarfræði og minnka brottfall úr starfi að námi loknu. Þannig verður greint hvað spáir fyrir um styrk og áhuga í námi og starfi sem og aðferðir við val á nemendum í hjúkrunarfræði og möguleikar á samræmdri inntöku skólanna skoðaðir.

07. mar. 2024Menningar-٫ nýsköpunar- og háskólaráðuneytið, Menningarmál

111 verkefni fá úthlutað úr Tónlistarsjóði í seinni úthlutun ársins

Sjóðnum er skipt í fjórar deildir sem allar hafa ólíkar áherslur og er ætlað að ná til breiðari hóps umsækjenda og styrkja þannig tónlistarlíf landsins á breiðum grunni. Frumsköpun og útgáfa: Úthlutað var 48.712.000 til 62 verkefna. Hæstu verkefnastyrkina hlutu Daníel Bjarnason, 2,9 milljónir og Nýdönsk, 2 milljónir. .....

07. mar. 2024Félags- og húsnæðismálaráðuneytið, Menningar-٫ nýsköpunar- og háskólaráðuneytið, Heilbrigðisráðuneytið, Fatlað fólk, Stafrænt Ísland, Fjármála- og efnahagsráðuneytið

Áfram unnið að þróun lausna á stafrænu aðgengi fyrir fatlað fólk

Tillögur starfshóps um þróun lausna á stafrænu aðgengi fyrir fatlað fólk voru kynntar í ríkisstjórn á dögunum. Vinnan byggir á viljayfirlýsingu sem fjórir ráðherrar undirrituðu vorið 2023 og var hópnum falið að útfæra tillögur og tryggja aukið samstarf á milli aðila innan og utan stjórnkerfisins.

05. mar. 2024Menningar-٫ nýsköpunar- og háskólaráðuneytið

Frumvarp um gististaði samþykkt: Rekstrarleyfi gististaða einskorðast við atvinnuhúsnæði í þéttbýli

„Með þessari lagabreytingu verða skýrari skil á milli íbúðarhúsnæðis og atvinnuhúsnæðis þegar kemur að gistingu og horft er til raunverulegrar notkunar húsnæðis. Því er ekki lengur hægt að kaupa íbúðarhúsnæði í þéttbýli og gera það út sem gististað umfram 90 daga regluna líkt og gerst hefur í miðborginni þar sem jafnvel heilu íbúðablokkirnar hafi breyst í hótel,“ segir Lilja Dögg Alfreðsdóttir menningar- og viðskiptaráðherra.

04. mar. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Nýsköpun, Atvinnuvegir

Framtíðarsýn um vísindi og nýsköpun: Hæfni, innviðir og stöðugleiki

Vísinda- og nýsköpunarráð hélt fyrsta staðfund sinn á þessu ári dagana 14. og 15. mars sl. Var það í fyrsta sinn sem erlendir fulltrúar í ráðinu koma til landsins á fund en erlendu fulltrúarnir eru Sir Paul Nurse, Nóbelsverðlaunahafi í lífeðlis- og læknisfræði, og Robert-Jan Smits, forseti tækniháskólans í Eindhoven.

29. feb. 2024Menningar-٫ nýsköpunar- og háskólaráðuneytið, Mennta- og barnamálaráðuneytið

Átt þú klukkustund til að stækka framtíðina?

Áslaug Arna Sigurbjörnsdóttir, háskóla-, iðnaðar- og nýsköpunarráðherra, og Ásmundur Einar Daðason, mennta- og barnamálaráðherra, kynntu í dag verkefnið Stækkaðu framtíðina. Verkefnið hefur það að markmiði að víkka sjóndeildarhring nemenda og gefa öllum ungmennum á Íslandi tækifæri til að eiga fjölbreyttar fyrirmyndir.

27. feb. 2024Menningar-٫ nýsköpunar- og háskólaráðuneytið

Nýtt nám í blaðamennsku við Háskóla Íslands

Lilja Dögg Alfreðsdóttir, menningar- og viðskiptaráðherra og Jón Atli Benediktsson, rektor Háskóla Íslands, undirrituðu í dag samning um samstarf sem miðar að því að efla menntun blaða- og fréttamanna með nýju hagnýtu BA-námi í blaðamennsku við Stjórnmálafræðideild HÍ. Ráðuneytið mun veita námsleiðinni stuðning sem nemur 45 milljónum króna á næstu þremur árum.

26. feb. 2024Menningar-٫ nýsköpunar- og háskólaráðuneytið

Neytendamál: Frumvarp til markaðssetningarlaga í samráðsgátt

Menningar- og viðskiptaráðherra hefur birt í samráðsgátt drög að frumvarpi til markaðssetningarlaga. Frumvarpið felur í sér heildarendurskoðun á lögum um eftirlit með viðskiptaháttum og markaðssetningu nr. 57/2005. Samhliða er lagt til að endurskoða lög um Neytendastofu nr. 62/2005 og lög um samvinnu stjórnvalda á Evrópska efnahagssvæðinu um neytendavernd nr. 20/2020. Tillaga frumvarpsins er að ný markaðssetningarlög leysi framangreind lög af hólmi.

22. feb. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Heilbrigðismál, Nýsköpun, Menntamál

Bætt stoðþjónusta og nýting innviða með Samstarfi háskóla

Meistaranám við fleiri en einn háskóla, sýndarveruleiki í heilbrigðisnámi og nýting bitakeðjutækni til að sannreyna erlend prófskírteini eru meðal verkefna sem nýlega fengu úthlutun úr Samstarfi háskóla og hafa bætta stoðþjónustu og betri nýtingu innviða að markmiði.