Ísland styður við réttindabaráttu hinsegin fólks í Japan

Sendiherra Íslands í Japan Elín Flygenring tók á dögunum þátt í gleðigöngu hinnar árlegu Tokyo Rainbow Pride hátíðar, til styrktar baráttu fyrir réttindum hinsegin fólks í Japan.

Íslenska sendiráðið tók þátt í hátíðarhöldunum í ár í fimmta sinn en ásamt þátttöku í göngunni sjálfri halda norrænu sendiráðin úti upplýsingabás þar sem gestum og gangandi gefst færi á að kynna sér stöðu hinsegin fólks á Norðurlöndum.