NOTE: This article is more than 5 years old.
Opinber heimsókn til Japans
Frétt nr.: 1/2003
Opinber heimsókn til Japans
Davíð Oddsson, forsætisráðherra, og eiginkona hans, Ástríður Thorarensen, verða í opinberri heimsókn í Japan dagana 14.-17.janúar. Í heimsókninni mun forsætisráðherra eiga fund með Junichiro Koizumi, forsætisráðherra Japans. Forsætisráðherra mun einnig hitta samgönguráðherra Japans, japanska þingmenn og fulltrúa fyrirtækja og ávarpa stofnfund íslensks-japansks verslunarráðs.
Dagana 10.-11. janúar situr Geir H. Haarde, fjármálaráðherra, leiðtogafund Barentsráðsins í stað Davíðs Oddssonar, forsætisráðherra. Fundurinn verður haldinn í Kirkenes í Norður-Noregi.
Í Reykjavík, 9. janúar 2003