Ráðherra tekur á móti Ólympíuliði fatlaðra

Rétt um miðnætti í gær tók félagsmálaráðherra ásamt fjölda ættingja, vina og velunnara á móti Ólympíuliði fatlaðra sem þá kom heim eftir frækilega för á Ólympíumót fatlaðra sem nú er nýlokið í Aþenu í Grikklandi. Í ávarpi ráðherra til Ólympíuliðsins lýsti hann yfir mikilli ánægju og gleði með þann stórkostlega árangur sem keppendur Íslands náðu á leikunum, jafnframt því sem hann bar keppendum kveðju ríkisstjórnar Íslands.

Ráðherra þakkaði einnig fyrir það tækifæri að fá að kynnast þessum frábæru keppendum og aðstoðarfólki þegar hann heimsótti Ólympíuliðið í Aþenu meðan á leikunum stóð. Íslendingar mega svo sannarlega vera stoltir af þessum fulltrúum sínum.

Fleiri myndir: