Mótum framtíð - stefnur og straumar í félagslegri þjónustu

Félagsmálaráðuneytið stóð fyrir ráðstefnu á Nordica hótel dagana 29. og 30. mars 2007 í samvinnu við Velferðarsvið Reykjavíkurborgar, Rannsóknarsetur í barna- og fjölskylduvernd við Félagsvísindadeild Háskóla Íslands, Rauða kross Íslands, Ís-Forsa og fjölmarga hagsmunaaðila sem láta sig varða félagslega þjónustu.

Á ráðstefnunni var sjónum meðal annars beint að samþættingu félagslegrar þjónustu ríkis og sveitarfélaga. Kynnt voru viðhorf ríkis, sveitarfélaga og hagsmunasamtaka til framtíðarmarkmiða og skipan þjónustunnar. Kynnt voru fjölmörg verkefni sem unnið er að og reynst hafa vel í framkvæmd félagslegrar þjónustu á Íslandi. Ný stefna ráðuneytisins í málefnum fatlaðra barna og fullorðinna var kynnt og þróun aukinnar þjónustu við geðfatlað fólk.

Þá vöktu athygli fyrirlestrar frá Norðurlöndunum þar sem fjölmargar nýjungar voru kynntar.

Þeim sem þess óskuðu stóð til boða að efna til kynninga á nýjum verkefnum og viðfangsefnum í forsal aðalráðstefnusalar hótelsins með veggspjöldum og öðrum hætti.

Ráðstefnan var opin öllum, lærðum sem leikum, sem láta sig varða félagslega þjónustu og er aðgangur ókeypis.

Markmið með ráðstefnunni var að koma á framfæri því sem efst er á baugi og nýstárlegast í félagslegri þjónustu á Íslandi og öðrum ríkjum Norðurlanda. Í hléum var kraftmikil tónlist í boði og aðrir listrænir viðburðir.

Að lokinni dagskrá var móttaka í boði Magnúsar Stefánssonar félagsmálaráðherra.

Dagskrá

Mótum framtíð - Dagskrá

 

Erindi

Andrés Ragnarsson, stjórnarformaður Sjónarhóls Hlutverk og starfsemi Sjónarhóls - ráðgjafarmiðstöðvar.

Anna Lilja Magnúsdóttir, ráðgjafarþroskaþjálfi hjá Styrktarfélagi vangefinna Breyttur lífsstíll. Tækifæri fyrir alla.

Atli Freyr Magnússon, atferlisráðgjafi hjá Svæðisskrifstofu Reykjaness Þróun vinnureglna varðandi þvingun og valdbeitingu hjá Svæðisskrifstofu málefna fatlaðra á Reykjanesi.

Einar Njálsson, verkefnisstjóri framkvæmdaáætlunarinnar Framvinda framkvæmdaáætlunar í málefnum geðfatlaðs fólks 2006-2010.

Elín Ebba Ásmundsdóttir, forstöðuiðjuþjálfi á Landspítala - háskólasjúkrahúsi Þjónusta við geðfatlað fólk - ný viðhorf, nýjar leiðir, kynning á rannsóknarniðurstöðum.

Erla Björg Sigurðardóttir, félagsráðgjafi MA, Verkefnisstjóri Grettistaks í Reykjavík Grettistak - á vegum Reykjavíkurborgar.

Garðar Jónsson, framkvæmdastjóri Glax - Viðskiptaráðgjafar Rafrænt upplýsingakerfi - ný tækifæri í áætlanagerð.

Gerður A. Árnadóttir, formaður Landssamtakanna Þroskahjálpar Hlutverk hagsmunasamtaka í ljósi framtíðar.

Guðberg K. Jónsson, sálfræðingur, Rannsóknastofu um mannlegt atferli við HÍ og Páll Biering, geðhjúkrunarfræðingur, Rannsóknastofnun í hjúkrunarfræði við HÍ Að meta árangur í velferðarþjónustu.

Guðbjörg Sveinsdóttir, geðhjúkrunarfræðingur, forstöðum. Vinjar, athvarfs geðfatlaðra Hvað er Rauði krossinn að gera í málefnum geðfatlaðra?

Guðrún Reykdal, félagsráðgjafi, framkvæmdastjóri Þekkingarnets Austurlands Þróun gæðamats í félagslegri þjónustu í Reykjavík.

Guðrún Sigurjónsdóttir, verkefnisstjóri hjá heilbrigðis- og tryggingamálaráðuneytinu Samþætting heilbrigðisþjónustu við skólakerfi og félagslega þjónustu.

Halldór Halldórsson, formaður Sambands íslenskra sveitarfélaga Samþætting félagslegrar þjónustu.

Hanna Björg Sigurjónsdóttir, lektor í fötlunarfræði við Háskóla Íslands Gildi félagslegra sjónarhorna og hugtaka í félagslegri þjónustu.

Héðinn Unnsteinsson, fyrrverandi starfsmaður Alþjóðaheilbrigðisstofnunarinnar Ný viðhorf og nýjar leiðir í málefnum geðfatlaðs fólks í ljósi þjóðfélagsbreytinga.

Hrönn Kristjánsdóttir, þroskaþjálfi og fötlunarfræðingur Lífsstíll og heilsufar kvenna með þroskahömlun.

Karólína Gunnarsdóttir, verkefnisstjóri félagsþjónustu hjá fjölskyldudeild Akureyrarbæjar Samþætting ráðgjafarþjónustu við fatlað fólk og annarrar ráðgjafarþjónustu.

Kristín Júlía Sigurjónsdóttir, þroskaþjálfi, trúnaðarmaður fatlaðra í Reykjavík/Reykjanesi Kynning á störfum trúnaðarmanns fatlaðra í Reykjavík og á Reykjanesi.

Laufey Jónsdóttir, framkvæmdastjóri Svæðisskrifstofu Vestfjarða Fötluð börn og barnavernd - könnun á samskiptum þjónustukerfa.

Maren Ó. Sveinbjörnsdóttir, forstöðumaður málefna fatlaðra á Hornafirði Kynning á námskeiði fyrir starfsfólk félagsþjónustu Hornafjarðar.

Margrét Margeirsdóttir, formaður Félags eldri borgara í Reykjavík Hlutverk hagsmunasamtaka í ljósi framtíðar.

María Jónsdóttir, félagsráðgjafi hjá Styrktarfélagi vangefinna Kynfræðsla en ekki kynhræðsla.

María Rúnarsdóttir, verkefnisstjóri hjá Velferðarsviði Reykjavíkurborgar Þróun samhæfðs árangursmats í félagslegri þjónustu í Reykjavík.

Sandra D. Gunnarsdóttir, sviðsstjóri mannauðs og rekstrar, Svæðisskrifstofu Suðurlands Stefna í mannauðsmálum Svæðisskrifstofu Suðurlands.

Sigríður Jónsdóttir, skrifstofustjóri Velferðarsviðs Reykjavíkurborgar Er samþætting félagslegrar þjónustu raunverulegur kostur?

Sigurveig H. Sigurðardóttir, lektor í félagsráðgjöf, Háskóla Íslands Rannsóknir á málefnum aldraðra.

Soffía Lárusdóttir, framkvæmdastjóri Svæðisskrifstofu Austurlands Kynning á verkefni um samstarf Íslands við Grænland, Færeyjar og Norður-Noreg.

Vilhjálmur Árnason, prófessor í heimspeki við Háskóla Íslands Mikilvægi samfélagslegrar ábyrgðar.

Þór G. Þórarinsson, skrifstofustjóri fjölskylduskrifstofu félagsmálaráðuneytisins Samþætting þjónustu við fötluð börn og fullorðna - nýir tímar, ný sýn.

Þórólfur Árnason, forstjóri Skýrr Samfélagslegt hlutverk og ábyrgð íslenskra fyrirtækja.