Hert barátta gegn fíkniefnum á Norðurlandi

Samstarf lögregluembættanna fjögurra á Norðurlandi gegn fíkniefnavanda sem undirritað var 7. ágúst síðastliðinn hefur gefið góða raun. Í umfjöllun í nýútkomnu vefriti dóms- og kirkjumálaráðuneytisins kemur fram að aukið upplýsingastreymi milli lögregluembættanna hafi skilað betri yfirsýn yfir stöðu fíkniefnamála í landshlutanum og þegar orðið til þess að upplýsa nokkur fíkniefnamál. Markmiðið með samstarfinu er að efla styrk og samtakamátt lögregluliðanna á Akureyri, Blönduósi, Húsavík og Sauðárkróki og herða þannig baráttuna gegn innflutningi, dreifingu og neyslu fíkniefna.

Sjá umfjöllun í vefriti hér.