Iðnaðar- og samkeppnisráðherrar Evrópu funda um sjálfbæra framtíð

Katrín Júlíusdóttir iðnaðarráðherra tók þátt í óformlegum fundi ráðherra Evrópusambandsins í Svíþjóð 15. október. Umræðuefnið var hvernig samkeppnishæfni verði tryggð um leið og áhersla sé lögð á sjálfbæra þróun.

Gestir fundarins voru Günter Verheugen, varaforseti framkvæmdastjórnar ESB, Leif Johansson framkvæmdastjóri Volvo og Frank Appel framkvæmdastjóri DHL í Þýskalandi.

Rætt var um þær kröfur sem atvinnulífið gerir til stjórnvalda og hvaða kröfur stjórnvöld geti gert til atvinnulífsins. Í umræðunum kom fram þung áhersla á samstarf stjórnvalda og atvinnulífs.

Tengill á síðu Evrópusambandsins í Svíþjóð