Hátækni og sprotaþing 2009

Háttvirtir þingmenn Hátækni- og sprotaþings

Á tímum erfiðleika og samdráttar í efnahagslífinu er það mikill innblástur að koma hingað og finna þá bjartsýni og framsækni sem einkennir hátækni- og sprotageirann. Hér verða störfin til og hafa nú á fimmta hundrað ný störf skapast.

Yfirskrift þingsins; „Framlag hátækni- og sprotafyrirtækja til endurreisnarinnar“ er líka mjög mikilvæg nálgun á lausnir, ekki síst þegar opinber umræða dettur stundum niður á það plan að ríkið eigi að handstýra og leiða alla atvinnuuppbyggingu.

En þessi hópur sem hér er saman kominn minnir á enska orðatiltækið: „When the going gets tough the tough get going.“ Tími hátækni- og sprotafyrirtækja er kominn.

Í bankabólunni var vandinn:

-      Of sterk króna

-      Mannaflinn sogast inn í bankana

Ég hlakka því til að heyra hvernig þið frumkvöðlarnir lítið á framtíðina í ljósi stöðunnar eins og hún er núna.

Sem betur fer höfum við séð mál sem fram hafa komið hér á Sprotaþingi, oft gömul baráttumál Samtaka iðnaðarins og sprotafyrirtækja, verða að veruleika í góðu samstarfi atvinnulífs og stjórnvalda.

Efling Tækniþróunarsjóðs og stofnun Hátækni- og sprotavettvangs eru líka mikilvæg skref.

Í mínum huga er mikilvægasta verkefni stjórnvalda að fylgja áætluninni um endurreisn efnahagslífsins, leggja grunn að stöðugleika og skapa hagstætt umhverfi fyrir atvinnulífið.

Ég vil reyna að standa undir öllum kröfum um verja og helst efla opinbera samkeppnissjóði til verkefna í atvinnulífinu, gera stoðkerfi atvinnulífsins markvissara og skilvirkara og styðja þannig við nýsköpun og sprotastarf.

Ég vil nefna sérstaklega frumvörpin um endurgreiðslu rannsóknar- og þróunarkostnaðar og skattaívilnanir vegna fjárfestinga í nýsköpunarfyrirtækjum sem nú eru komin til afgreiðslu Alþingis.

Hátæknivettvangur.

-      Nú á samdráttartímum er rétt að horfa til lausna líkt og ívilnana

       sem ekki krefjast beinna útgjalda.

-      Tækniþróunarsjóður verður efldur þó áherslan breytist tímabundið.

Háttvirtir þingmenn,

Það er ekki mitt sem stjórnmálamanns að skipuleggja nákvæmlega hvers konar atvinnustarfsemi eða hvaða fyrirtæki spretta úr nýsköpuninni.

Við eigum að virkja þann kraft sem býr í atvinnulífinu sjálfu, ykkar hugvit og hugmyndir. Stjórnvalda er að treysta undirstöðurnar gefa nýsköpun fast land undir fótum.

Fyrir nokkrum áratugum voru örugglega fáir sem hefðu séð fyrir vöxt sumra af þeim fyrirtækjum sem nú eru meðal okkar framsæknustu og öflugustu útflutningsfyrirtækja.

Og af því við erum hér í húsakynnum CCP er nærtækt að rifja upp að fyrir nokkrum vikum voru stofnuð samtök íslenskra leikjaframleiðlenda. Vöxtur þessa geira hér á landi hefur verið ævintýralegur og að stærstum hluta farið afar hljótt.

En þetta er iðnaður sem veltir um 10 milljörðum króna árlega. Starfsmenn eru um 350 starfsmenn en greinin sér fram á að geta boðið þúsundir nýrra og fjölbreyttra starfa á næstum árum. Þetta er ævintýri líkast.

CCP er nú þegar stærsti vinnuveitandinn hér á hafnarsvæðinu og hyggst ráða 180 manns á næstunni.  Nýlega voru undirrituð drög að fjárfestingarsamningu við Verne Holdings um gagnaver og skapast þar gríðarleg tækifæri.

Ef við ákveðum að stíga skrefið til fulls og móta okkur framtíðarsýn byggða á því að við séum nýsköpunarsamfélag þá hefur það áhrif á hvernig við nálgumst öll verkefni í atvinnumálum, bæði til skemmri tíma og til framtíðar.

Í kjölfar rányrkju á alþjóðlegum lánsfjármörkuðum og hruns fjármálakerfisins er hugtakið sjálfbær þróun annað lykilhugtak sem við hljótum að byggja á.

Sjálfbærni í víðum skilningi á jafnt við um náttúruauðlindir, jafnvægi í efnahagslífi og samfélagslega þróun.

Undir forystu Svía í ESB – hefur stefnan verið sett á græna geirann. Undir nýrri forystu Obama hafa Bandaríkin lyft grænu gildunum. Sama á við um fyrirtæki um heim allan.

Ástæðan er augljós. Ef við viljum búa áfram að sömu lífsgæðum, halda framleiðslustiginu eða jafnvel aka áfram milli staða í einkabílum þá þarf nýsköpun í orku, tækni og samgöngum.

Ef við viljum verja lífskjör okkar og halda áfram að bæta þau þá verðum við að byggja ný atvinnutækifæri á þekkingariðnaði því náttúruauðlindir eru ekki óþrjótandi.

Ég hef sótt tvo fundi orku- og iðnaðarráðherra Evrópusambandsins og þar hefur áherslan verið lögð á að visthæft atvinnulíf sé samkeppnisforskot, ekki hindrun eða dragbítur fyrir fyrirtækin (Forstjóri DHL sagði Change is a business opportunity.

Ástæðan er ekki síst  vöruþróunin og sú nýsköpun sem í því felst að finna nýjar og betri lausnir auk þess sparnaðar sem bætt orkunýting eða nýir orkugjafar hafa í för með sér. Sóun er dýr.

Við sjáum þessar áherslur einnig hér í stefnumótun Samtaka iðnaðarins í orku- og umhverfismálum.

Í iðnaðarráðuneytinu erum við langt komin með áætlun um að nýta mun meira af visthæfum innlendum orkugjöfum í samgöngum í stað innflutts kolefnaeldsneytis.

Fjölmargir aðilar vinna að spennandi nýsköpunarverkefnum þessu tengdu víða um land. Einn helsti kosturinn er sá að í þessu fer saman ávinningur fyrir umhverfið, atvinnusköpun og gjaldeyrissparnaður.

Nú er komin fram tillaga í borgarstjórn Reykjavíkur um að stefnt skuli að því að árið 2020 verði annar hvort bíll í borginni knúinn innlendri vistvænni orku.

Við eigum að setja okkur metnaðarfull markmið og leita allra leiða til að ná þeim. Sagan kennir okkur að margt af því sem við teljum sjálfsagt í dag hefði verið talið útópískt fyrir nokkrum árum.

Það ætti að vera ykkur frumkvöðlunum hvatning til að láta aldrei hugfallast og verið ykkur hvatning til þess að halda áfram að halda oft á tíðum skammsýnum stj.mönnum við efnið.

Sagan kennir okkur líka að eina raunverulega leiðin út úr efnahagssamdrætti er aukin verðmætasköpun.

Þar horfum við mjög til nýsköpunar, jafnt hjá rótgrónum fyrirtækjum  geta með nýsköpun vaxið innanfrá sem og þeim sprotum sem nú eru að spretta.

Þið farið því með eitt af fjöreggjum okkar Íslendinga í störfum ykkar hér á sprotaþingi.

En ég veit það er í góðum höndum og vænti mikils af þinginu.

Gangi ykkur sem best, ég hlakka til áframhaldandi öflugs samstarfs.