Lausnir fyrir lántakendur – Fundaröð félags- og tryggingamálaráðherra

Árni Páll Árnason, félags- og tryggingamálaráðherra, stendur á næstu vikum fyrir tíu borgarafundum sem haldnir verða víðs vegar um landið. Árni Páll mun fjalla um skuldastöðu heimilanna, kynna helstu úrræði og svara fyrirspurnum.  

Ráðist hefur verið í margvíslegar aðgerðir til að mæta erfiðleikum einstaklinga og fjölskyldna sem eiga í fjárhagsvanda. Auk þess að kynna fyrirliggjandi úrræði mun ráðherra gera grein fyrir aðgerðum sem boðaðar hafa verið og felast meðal annars í bættri löggjöf um skuldaaðlögun, stofnun umboðsmanns skuldara, verulegum úrbótum á stöðu fólks með erlend bílalán og aðgerðum í húsnæðismálum.

Lögfræðingur og ráðgjafi frá Ráðgjafarstofu um fjármál heimilanna verða til viðtals á öllum borgarafundunum.

Dagskrá:

Dagur	Svæði	Staður	Tími
4. maí	Reykjanesbær	Ráin	20:30 – 22:00
5. maí	Vestmannaeyjar	Kiwanishúsið	20:30 – 22:00
6. maí	Kópavogur	Salurinn	20:30 – 22:00
10. maí	Árborg	Hótel Selfoss	20:30 – 22:00
11. maí	Akureyri	Hótel KEA	20:30 – 22:00
15. maí	Ísafjörður	Edinborgarhúsið	12:30 – 14:00
17. maí	Akranes	Dalbraut 1	20:30 – 22:00
18. maí	Fjarðabyggð - Reyðarfjörður		20:30 – 22:00
19. maí	Hafnarfjörður	Hafnarborg	20:30 – 22:00
20. maí	Reykjavík	Iðnó	20:30 – 22:00