Jafnréttisþing 2011
Í samræmi við lög um jafna stöðu og jafnan rétt kvenna og karla boða velferðarráðherra og Jafnréttisráð til jafnréttisþings 4. febrúar næstkomandi að Nordica Hilton Reykjavík klukkan 9 til 16.
Hlutverk þingsins er að efna til samræðu milli stjórnvalda og þjóðar um málefni kynjajafnréttis og gefa öllum áhugasömum kost á að hafa áhrif á stefnu stjórnvalda í jafnréttismálum.
Á jafnréttisþinginu verður fjallað um fjölmargar hliðar jafnréttisbaráttunnar, svo sem kynbundið ofbeldi og mansal, jafnrétti og stjórnarskrá, Evrópusambandið og íslenskt jafnrétti, framlag karla til jafnréttisbaráttunnar, kynin og fjölmiðlana og áhrif efnahagsumrótsins á starf og fjölskyldulíf. Auk þess verður fyrirliggjandi tillaga til ályktunar Alþingis um framkvæmdaáætlun ríkisstjórnarinnar í jafnréttismálum kynnt á þinginu.
Þingið er öllum opið og aðgangur er ókeypis.
Dagskrá Jafnréttisþings 2011
Hilton Reykjavík Nordica, 4. febrúar 2011
| Þingstjórar: | Björk Jakobsdóttir leikkona og leikritahöfundur og Gunnar Helgason leikari og leikstjóri |
|---|---|
| 09.00 – 09.15 | Þórhildur Þorleifsdóttir formaður Jafnréttisráðs: Setning |
| 09.15 – 09.45 | Guðbjartur Hannesson velferðarráðherra: Skýrsla um stöðu og þróun í jafnréttismálum og tillaga að nýrri framkvæmdaáætlun ríkisstjórnarinnar í jafnréttismálum |
| 09.45 – 10.15 | Elísabet Karlsdóttir verkefnisstjóri hjá Rannsóknastofnun í barna- og fjölskylduvernd og Hildigunnur Ólafsdóttir afbrotafræðingur: Ofbeldi gegn konum – íslenskur veruleiki |
| 10.15 – 10.45 | Kaffi |
| 10.45 – 11.15 | Louise Shelley prófessor og forstöðumaður Terrorism, Transnational Crime and Corruption Center við George Mason University, Arlington BNA: Human trafficking; Global Patterns and Business Models (Flutt á ensku. Erindið er styrkt af bandaríska sendiráðinu á Íslandi) |
| 11.15 – 11.45 | Oddný Mjöll Arnardóttir prófessor við HR og formaður stjórnar Mannréttindaskrifstofu Íslands: Stjórnarskrá, jafnrétti og jaðarhópar |
| 11.45 – 12.00 | Ingólfur V. Gíslason dósent í félagsfræði við HÍ: Er kynjajafnrétti og velferð barna ósættanlegar andstæður? |
| 12.00 – 13.00 | Hádegisverður |
| 13.00 – 14.45 | Málstofur |
| 14.45 – 15.15 | Kaffi |
| 15.15 – 15.50 | Panelumræður: Katrín Fjeldsted læknir og fyrrverandi borgarfulltrúi, Gunnar Hersveinn rithöfundur, Katrín Anna Guðmundsdóttir verkefnisstjóri við kynjaða fjárlagagerð og Jón Kjartan Ágústsson formaður Hinsegin stúdenta við HÍ |
| 15.50 – 16.00 | Jóhanna Sigurðardóttir forsætisráðherra: Ávarp og slit |
Málstofur |
|
| Málstofa 1 |
Þekking og þor: Til aðgerða gegn kynbundu ofbeldi
Málstofustjóri: Margrét Steinarsdóttir framkvæmdastjóri Mannréttindaskrifstofu Íslands |
| Málstofa 2 |
Evrópusambandið og íslenskt jafnrétti
Málstofustjóri: Steinunn Halldórsdóttir stjórnsýslufræðingur í forsætisráðuneytinu |
| Málstofa 3 |
Mansal á Íslandi – viðbúnaður og veruleiki
Málstofustjóri: Stefán Eiríksson lögreglustjórinn á höfuðborgarsvæðinu |
| Málstofa 4 |
Koma svo strákar! Framlag karla til jafnréttismála
Málstofustjóri: Hjálmar G. Sigmarsson sérfræðingur á Jafnréttisstofu |
| Málstofa 5 |
Sagan endalausa: Baráttan um fjölmiðlana
Málstofustjóri: Leifur Hauksson dagskrárgerðarmaður hjá RÚV |
| Málstofa 6 |
Starf, fjölskylda og einkalíf í umróti efnahagslægðar
Málstofustjóri: Ragnhildur Vigfúsdóttir deildarstjóri starfsþróunar hjá Landsvirkjun |
Þingið er öllum opið og aðgangur er ókeypis.
