Ráðstefna um samstarf Færeyinga og Íslendinga í atvinnu- og nýsköpunarmálum

Ráðstefnan sem haldin er í Þórshöfn í Færeyjum þriðjudaginn 5. mars er sú fyrsta sinnar tegundar en stefnt er að því að slík ráðstefna verði haldin til skiptis í löndunum tveimur ekki sjaldnar en á tveggja ára fresti. 

Færeyingar voru fyrsta þjóðin sem bauðst til að lána Íslandi eftir hrunið í október 2008. Til að sýna þakklæti sitt í verki ákvað ríkisstjórn Íslands í desember síðastliðnum að gangast fyrir ráðstefnu þar sem fjallað verði um frekari möguleika landanna til samstarfs í atvinnu- og nýsköpunarmálum.

Í viljayfirlýsingu milli landsstjórnar Færeyja og ríkisstjórnar Íslands sem undirrituð verður á ráðstefnunni er áhersla lögð á að þjóðirnar auki samvinnu sín á milli með sérstakri áherslu á atvinnuþróun og nýsköpun.

Dagskrá ráðstefnunnar:

Samstarf  Íslendinga og Færeyinga

• 11.00 – 11.10   Johan Dahl atvinnumálaráðherra setur ráðstefnuna
• 11.10 – 11.20   Jørgen Niclasen fjármálaráðherra ræðir samstarf þjóðanna í fjármálum
• 11.20 – 11.35   Katrín Júlíusdóttir fjármála- og efnahagsráðherra  fjallar um endurreisn efnahags Íslands
• 11.35 – 11.50   Steingrímur J. Sigfússon atvinnuvega- og nýsköpunarráðherra  ræðir sóknarfæri Íslands
• 11.50 – 12.00   Ráðherrarnir fjórir undirrita yfirlýsingu um samstarf landanna

12.00 – 13.00       Hádegisverður

Orkumál

• 13.00 – 13.20       Fyrirlestur um orkumál: Ragna Árnadóttir aðstoðarforstjóri Landsvirkjunar
• 13.20 – 13.40       Jarðfeingi kynnir áætlanir Færeyinga varðandi endurnýjanlega orku: Kári Mortensen, ráðgjafi hjá Jarðfeingi.
• 13.40 – 13.50       Spurningar

Ferðaþjónusta

• 14.00 – 14.20       Fyrirlestur um ferðaþjónustu og markaðssetningu á Íslandi: Inga Hlín Pálsdóttir forstöðumaður hjá Íslandsstofu
• 14.20 – 14.40      Fyrirlestur um eflingu ferðaþjónustu í Færeyjum: Guðrið Højgaard, forstöðumaður Ferðaráðs Føroya
• 14.40 – 14.50      Spurningar

Skapandi atvinna

• 15.00 – 15.20       Fyrirlestur um nýsköpun og leikjatölvuiðnað: Hilmar Veigar Pétursson forstjóri CCP
• 15.20 – 15.40       Efling leikjaiðnaðarins í Færeyjum: Rani Nolsøe, Íverksetarahúsið og Ólavur Ellefsen Simprentis
• 15.40 – 15.50       Spurningar

Kauphöll Íslands og Virðisbrævamarknaður Føroya

• 16.00 – 16.30       Kauphöllin og VMF: Páll Harðarson og Malan Johansen

Atvinnumálaráðherrar Færeyja og Íslands ræða framtíðarsamstarf þjóðanna

• 16.30 – 16.45       Johan Dahl og Steingrímur J. Sigfússon