Indverjar taka fagnandi öndunarvélum og lyfjum frá Íslandi
„Þetta er til marks um hlýleg og vinsamleg tengsl okkar. Við tökum fagnandi sendingu með fimmtán öndunarvélum og tólf þúsund töflum af Favipiravir sem bárust frá Íslandi snemma í morgun,“ segir í tísti frá indverskum stjórnvöldum. Fulltrúi þeirra og fulltrúi íslenska sendiráðsins í Delí voru mætt árla morguns á flugvöllinn til að taka við sendingunni.
🇮🇳🇮🇸
— Arindam Bagchi (@MEAIndia) June 1, 2021
Taking forward our warm & friendly ties. Welcome consignment of 15 Ventilators and 12000 tablets of Favipiravir that arrived from Iceland early this morning. pic.twitter.com/Q0zdZxoD70
Um er að ræða gjöf frá Landspítalanum og Íslendingum vegna alvarlegrar stöðu kórónuveirufaraldursins á Indlandi. Ríkisstjórnin ákvað í síðasta mánuði að færa Indverjum öndunarvélar að gjöf þegar ljóst var að ekki væri þörf fyrir þær hér á landi. Vélarnar eru hluti af stórri gjöf sem Landspítali fékk á síðasta ári frá velvildarfólki spítalans.
Veirulyfið Favipiravir var þróað sem meðferð við inflúensu en hefur verið mikið notað gegn COVID-19 því í ljós hefur komið að lyfið hefur virkni sem hamlar gegn eftirmyndum erfiðaefnis veirunnar.
Sendingin frá Íslandi var flutt til Indlands á vegum samhæfingar- og stjórnstöð almannavarna Evrópusambandsins sem Ísland tekur þátt í á grundvelli EES-samstarfsins.