Ný reglugerð um breytingu á reglugerð um þvingunaraðgerðir varðandi Úkraínu

Reglugerð nr. 248/2022 um breytingu á reglugerð um þvingunaraðgerðir varðandi Úkraínu, nr. 281/2014, ásamt síðari breytingum hefur verið birt í Stjórnartíðindum. 

Um er að ræða reglugerð til innleiðingar á fyrsta pakka aðgerða vegna stríðsátaka í Úkraínu sem var samþykktur af Evrópusambandinu (ESB) 23. febrúar sl. Unnið er að reglugerð til innleiðinga á öðrum pakka aðgerða ESB sem tilkynnt var um 25. febrúar sl.

Yfirlit yfir reglugerðir vegna átakanna í Úkraínu má finna bæði undir Úkraínu og Rússlandi í landalista utanríkisráðuneytisins vegna þvingunaraðgerða.