Þriðji fundur fjármálastöðugleikaráðs á árinu 2024

Þriðji fundur fjármálastöðugleikaráðs á árinu 2024 fór fram mánudaginn 9. desember.

Á fundinum var farið yfir stöðu og horfur í fjármála- og hagkerfinu. Til umræðu voru fjármálastöðugleiki í Evrópu, nýlegar breytingar á eiginfjáraukum og áhrif af væntanlegum lagabreytingum sem meðal annars varða eiginfjárkröfur til fjármálafyrirtækja.

Sérstök umfjöllunarefni voru þörfin fyrir sviðsmyndagreiningar vegna áframhaldandi óvissu á Reykjanesi og lánþegaskilyrði samkvæmt reglum Seðlabankans.

Á fundinum var gerð grein fyrir störfum skilavalds.