Áherslur í ríkisrekstri fyrir árið 2027

Helstu áherslur í ríkisrekstri fyrir árið 2027 eru að auka sjálfbærni ríkisreksturs ásamt því að bæta þjónustu með einföldun stjórnsýslu og öflugum mannauði. Með áherslunum eru sett fram verkfæri sem stofnunum ber að horfa til við rekstur sinn.

Áherslurnar eru í takt við markmið fjármálaáætlunar 2027-2031 en hún miðar að því að styrkja stoðir íslensks efnahagslífs með auknum aga og festu í ríkisfjármálum.

Sem þýðir að stofnanir:

• Tryggi að rekstur sé sjálfbær og innan fjárheimilda.
• Hagræði í rekstri með notkun rammasamninga og endurútboða eldri samninga og nýti til þess innkaupamælaborð og ráðgjöf Fjársýslunnar.
• Auki þekkingu starfsfólks í gegnum Fjársýsluskólann. Markmið hans er að styðja við samræmda verkferla, efla þekkingu og styrkja fagmennsku innan ríkisstofnana.
• Nýti möguleika gervigreindar til að auka afköst og skilvirkni með hliðsjón af leiðbeiningum um notkun gervigreindar hjá hinu opinbera.
• Skoði vel viðmið um gagnastýringu og gagnamiðlun ríkisins. Markmið þeirra er að tryggja samvirkni, gæði og öryggi gagna, skýra ábyrgð og leggja grunn að einfaldari, skilvirkari og gagnadrifinni stjórnsýslu.
• Kynni sér endurnýjun eldri upplýsingakerfa með það að markmiði að bæta rekstur, draga úr áhættu og tryggja að mikilvæg kerfi ríkisins styðji áfram þjónustu, gögn og starfsemi með öruggum og sjálfbærum hætti.
• Taki græn skref í ríkisrekstri og tryggi virka umhverfisstjórnun.

Sem þýðir að stofnanir:

• Taki þátt í þjónustukönnun ríkisins til að bæta opinbera þjónustu.
• Taki Stafræn skref í samvinnu við Stafrænt Ísland.
• Miðli upplýsingum á forsendum notenda, með hliðsjón af efnisstefnu og handbók Ísland.is.
• Nýti sér tæknilausnir sem Stafrænt Ísland býður opinberum aðilum upp á:
  • Umsóknarkerfi - Til að taka á móti umsóknum og útbúa stafræn form og eyðublöð.
  • Þjónustukerfi – Til að bæta þjónustu, styðja við nýtingu gervigreindar og afla ítarlegri tölfræðiupplýsinga.
  • Innskráningar og umboðskerfi – Til að tryggja örugga innskráningu og gera notendum kleift að veita þriðja aðila umboð fyrir sína hönd.
  • Vefir stofnana– Til að miðla skýrum og aðgengilegum upplýsingum til almennings.
  • Mínar síður Ísland.is – Til að veita notendum yfirsýn yfir mál sín og samskipti við opinbera aðila.
  • Stafrænt pósthólf – Til að senda stjórnsýsluerindi með öruggum og rekjanlegum hætti. Öllum opinberum aðilum ber að nýta Stafrænt pósthólf fyrir slík erindi.
• Taki þátt í nýrri stafrænni hæfnikönnun og nýti endurmenntunarsjóði til framþróunar mannauðs.
• Skoði aðgerðir til að bæta netöryggi í rekstri tölvu- og netkerfa stofnana og fylgist m.a. með tilkynningunnum CERT-IS netöryggissveitar íslenskra stjórnvalda.
• Tryggi öryggi gagna meðal annars út frá öryggisflokkun gagna ríkisins.

Sem þýðir að stofnanir:

• Móti mannauðsstefnu stofnunar í samræmi við stefnu ríkisins í mannauðsmálum og þarfir samfélagsins hverju sinni.
• Móti viðverustefnu í samræmi við leiðbeinandi viðmið sem fram koma á mannauðstorgi ríkisins.
• Skrái mannauðsgögn í miðlæg kerfi ríkisins, Oracle launakerfi og Vinnustund og taki þátt í að mæla árangur í mannauðsmálum út frá lykilmælikvörðum.
• Skilgreini ferla mannauðsstjórnunar, s.s. ráðningarferla, starfsmannasamtöl og endurgjöf, hæfnigreiningar, starfsþróunaráætlanir og fræðslu sem tekur mið af framtíðarþörfum stofnana. Fylgi leiðbeiningum sem fram koma á mannauðstorgi ríkisins.
• Hugi að samsetningu mannauðs með tilliti til fjölbreytileika og inngildingar, m.a. með því að fjölga sveigjanlegum störfum fyrir fólk með skerta starfsgetu.
• Öll störf séu auglýst óstaðbundin nema sérstakar aðstæður krefjist annars.