Fréttir

Leita

Veldu ráðuneyti
Veldu verkefni
Veldu ár
Sýni 15301-15400 af 72402 niðurstöðum
06 október 2022Umhverfis-٫ orku- og loftslagsráðuneytið

Starfsmenn telja tækifæri í sameiningu og auknu samstarfi

Stærstur hluti starfsmanna þeirra stofnana sem heyra undir umhverfis-, orku- og loftslagsráðuneytið telur tækifæri felast í sameiningu stofnananna ráðuneytisins og að mikil tækifæri séu í samþættingu verkefna eða samvinnu stofnana. Þetta er meðal niðurstöðu könnunar Maskínu sem unnin var í tengslum við greiningu á stofnanaskipulagi ráðuneytisins sem nú stendur yfir.

04 október 2022Menningar-٫ nýsköpunar- og háskólaráðuneytið

Evrópska kvikmyndaakademían heiðrar Kaffibarinn sem dýrmætan tökustað í evrópskri kvikmyndasögu

Evrópska kvikmyndaakademían stofnaði nýlega arfleifðardeild sem á að varðveita evrópska kvikmyndasögu. Hugmyndin er að vekja athygli á tökustöðum sem eru táknrænir fyrir evrópska kvikmyndagerð og veita þeim viðurkenningu. Tuttugu og tveir kvikmyndatökustaðir í Evrópu verða í ár heiðraðir og fá nafngiftina, „Treasures of European Film Culture“.…

04 október 2022Atvinnuvegaráðuneytið

Matvælaráðherra lætur kanna sameiningu Bjargráðasjóðs og Náttúruhamfaratryggingar Íslands

Starfshópur um tryggingavernd bænda hefur skilað skýrslu til matvælaráðherra. Hópurinn var skipaður í fyrra, og var ætlað að greina stöðu tryggingaverndar bænda vegna óvæntra áfalla í búskap og gera tillögur að úrbótum. Í hópnum áttu sæti fulltrúar matvælaráðuneytis, fjármála- og efnahagsráðuneytis, Náttúruhamfaratryggingar Íslands, Samtaka fjármálafyrirtækja f.h.…

03 október 2022Atvinnuvegaráðuneytið

Rebekka ráðin til matvælaráðuneytisins í verkefnið „Auðlindin okkar“

Rebekka Hilmarsdóttir hefur verið ráðin í tímabundið starf sérfræðings á skrifstofu sjávarútvegs til að hafa umsjón með vinnu við gerð lagafrumvarpa og reglugerða í tengslum við stefnumótun matvælaráðherra í sjávarútvegi á kjörtímabilinu. Hún mun starfa með fjórum starfshópum matvælaráðherra við endurskoðun á fiskveiðilöggjöfinni ásamt samráðsnefnd um stefnumótun í sjávarútvegi - Auðlindin okkar.

03 október 2022Umhverfis-٫ orku- og loftslagsráðuneytið

Grænbók um líffræðilega fjölbreytni sett til kynningar í Samráðsgátt

Umhverfis-, orku- og loftslagsráðuneytið hefur sett grænbók um líffræðilega fjölbreytni íslenskra vistkerfa til kynningar í Samráðsgátt stjórnvalda. Þar eru kynntar forsendur og hugmyndir fyrir nýja stefnumótun um aðgerðir til verndar líffræðilegri fjölbreytni á Íslandi í samræmi við lög um náttúruvernd og Samning sameinuðu þjóðanna um líffræðilega fjölbreytni (CBD).

03 október 2022Heilbrigðisráðuneytið

Úrskurður nr. 20/2022

Í málinu höfðu aðstandendur A, sem var látinn, kvartað til embættis landlæknis vegna heilbrigðisþjónustu sem honum var veitt á tilteknu hjúkrunarheimili. Komst embætti landlæknis að þeirri niðurstöðu að alvarleg vanræksla og mistök hefðu átt sér stað við veitingu heilbrigðisþjónustu til A. Hjúkrunarheimilið kærði málsmeðferð embættisins til ráðuneytisins á grundvelli 6. mgr. 12. gr. laga nr.…

28 september 2022Heilbrigðisráðuneytið

Um 650 milljónum króna úthlutað úr Framkvæmdasjóði aldraðra

Heilbrigðisráðherra hefur úthlutað rúmum 650 milljónum króna úr Framkvæmdasjóði aldraðra í samræmi við tillögur stjórnar sjóðsins. Áhersla var lögð á ​verkefni sem bæta aðbúnað íbúa á hjúkrunarheimilum, úrbætur sem tengjast aðgengismálum og öryggismálum og ýmsum stærri viðhaldsverkefnum. Alls bárust umsóknir um framlög til 60 verkefna og hlutu 54 þeirra styrk.

27 september 2022Menningar-٫ nýsköpunar- og háskólaráðuneytið, Forsætisráðuneytið

Styrkur veittur vegna norrænnar ráðstefnu um skýra upplýsingamiðlun stjórnvalda á viðsjárverðum tímum

Ríkisstjórnin samþykkti á fundi sínum í dag að veita 1.500.000 kr. af ráðstöfunarfé sínu til að styðja við framkvæmd ráðstefnu þar sem fjallað verður um samskipti stjórnvalda, stofnana og fyrirtækja við almenning þegar vá, t.a.m. heimsfaraldur eða náttúruhamfarir, steðjar að. Ráðstefnan fer fram rafrænt 11.-12. maí 2023.

Var efnið hjálplegt?