Fréttir

Leita

Veldu ráðuneyti
Veldu verkefni
Veldu ár
Sýni 27401-27500 af 71699 niðurstöðum
09 júní 2019

Ný heilbrigðisstefna kynnt á opnum fundi á Akureyri 12. júní

Efnt verður til opinna kynningarfunda um nýsamþykkta heilbrigðisstefnu til ársins 2030 í öllum heilbrigðisumdæmum landsins og verður fyrsti fundurinn haldinn í Hofi á Akureyri 12. júní næstkomandi. Fjallað verður um hvað felst í stefnunni, hvaða breytingar hún er líkleg til að hafa í för með sér og hvers vegna hún skiptir svo miklu máli, hvort heldur í þéttbýli eða í dreifðari byggðum landsins.

08 júní 2019

Þingsályktun um að efla íslensku sem opinbert mál samþykkt á Alþingi

Þingsályktunartillaga um að efla íslensku sem opinbert mál hér á landi var samþykkt á Alþingi í gær. Í tillögunni er fjallað um alls 22 aðgerðir sem því tengjast en meginmarkmið þeirra eru að íslenska verði notuð á öllum sviðum samfélagsins, að íslenskukennsla verði efld á öllum skólastigum ásamt menntun og starfsþróun kennara og að framtíð íslenskrar tungu í stafrænum heimi verði tryggð.

07 júní 2019

Ilmbanki og Íslenskt tweed á meðal verkefna sem fá styrk úr Hönnunarsjóði

Úthlutun úr Hönnunarsjóði fór fram á ársfundi Hönnunarmiðstöðvar Íslands í gær og hlutu alls 33 verkefni styrki, samtals að upphæð 23,7 milljónir. Nordic Angan hlaut hæsta einstaka styrkinn 2 m.kr. fyrir verkefnið Ilmbanki íslenskra jurta – lifandi ilmsýning í Álafosskvos. Þórdís Kolbrún Reykfjörð Gylfadóttir ferðamála-, iðnaðar- og nýsköpunarráðherra veitti styrkþegum viðurkenningarskjöl.

04 júní 2019

Heilbrigðisstefna til ársins 2030 samþykkt á Alþingi

Samþykkt var á Alþingi í gær tillaga Svandísar Svavarsdóttur heilbrigðisráðherra til þingsályktunar um heilbrigðisstefnu til ársins 2030. Tillagan var samþykkt með 45 atkvæðum og án mótatkvæða. „Heilbrigðisstefnan er sameign okkar allra, lýðræðislega kjörið Alþingi stendur að baki henni. Þetta eru mikilvæg tímamót“ sagði heilbrigðisráðherra sem kynnti heilbrigðisstefnuna á blaðamannafundi í gær.

03 júní 2019

Sveitarfélögum kynnt ný stjórntæki hins opinbera í húsnæðismálum

Íbúðalánasjóður og Mannvirkjastofnun hófu fundaröð um húsnæðis- og byggingarmál í vikunni sem leið og munu á næstu vikum funda með sveitarfélögum um allt land. Er það í samræmi við áherslur Ásmundar Einars Daðasonar, félags- og barnamálaráðherra, um að efla samvinnu ríkis og sveitarfélaga þegar kemur að stefnumótun í húsnæðis- og byggingamálum og skipan húsnæðismála.