Fréttir

Leita

Veldu ráðuneyti
Veldu verkefni
Veldu ár
Sýni 43801-43900 af 72402 niðurstöðum
26 nóvember 2013Forsætisráðuneytið

A-508/2013. Úrskurður frá 20. nóvember 2013

Kærð var sú ákvörðun Hafnarfjarðarbæjar að synja um aðgang að lánssamningi sem bærinn gerði við FMS Wertmanagement. Áður hafði verið úrskurðað í því máli (úrsk. nr. A-474/2013) en þann úrskurð hafði orðið að fella úr gildi vegna efnisannmarka. Því var kveðinn upp nýr úrskurður en efnislega varð niðurstaðan í megindráttum sú sama, þ.e. að veita skyldi aðgang að samningnum.…

26 nóvember 2013Félags- og húsnæðismálaráðuneytið

Mál nr. 47/2013.

Ákvörðun Vinnumálastofnunar um að krefja kæranda um ofgreiddar atvinnuleysisbætur á grundvelli 2. mgr. 39. gr. laga um atvinnuleysistyggingan nr. 54/2006 var ómerkt og stofuninni gert að taka málið fyrir að nýju. Ekki hafði verið gætt að andmælarétti kæranda við meðferð málsins sbr. 13. gr. stjórnsýslulaga nr. 37/1999 auk þess braut málsmeðferð Vinnumálastofnunar í málinu í bága við 14. gr.…

26 nóvember 2013Félags- og húsnæðismálaráðuneytið

Mál nr. 45/2013

Mál þetta lýtur að því hvort kærandi hafi aflað atvinnuleysisbóta með sviksamlegum hætti í skilningi 60. gr. laga um atvinnuleysistryggingar nr. 54/2006. Kærandi þótti hafa brugðist trúnaðar- og upplýsingaskyldum sínum gagnvart Vinnumálastofnun þegar hann fór erlendis án þess að láta stofnunina vita. Hin kærða ákvörðun var staðfest og var kæranda gert að greiða ofgreiddar atvinnuleysisbætur.

26 nóvember 2013Atvinnuvegaráðuneytið

Iðnaðar- og viðskiptaráðherra á orkuráðstefnu í Rúmeníu  -  EFTA sjóðurinn styrkir verkefni á sviði endurnýjanlegrar orku

Í dag ávarpaði Ragnheiður Elín Árnadóttir, iðnaðar- og viðskiptaráðherra, ráðstefnu í Búkarest, sem haldin er í tilefni af því að Þróunarsjóður EFTA hleypir nú af stokkunum verkefnum á sviði endurnýjanlegrar orku þar í landi, m.a. verkefnum í aukinni hitaveituvæðingu. Með ráðherra í för eru forsvarsmenn íslenskra fyrirtækja sem hafa mikla reynslu á sviði jarðhitanýtingar.

25 nóvember 2013Dómsmálaráðuneytið

Drög að reglugerð um málsmeðferð við beitingu tiltekinna innlendra tæknireglna vegna löglega markaðssettrar vöru í öðru aðildarríki á EES

Drög að reglugerð um málsmeðferð við beitingu tiltekinna innlendra tæknireglna vegna löglega markaðssettrar vöru í öðru aðildarríki á Evrópska efnahagssvæðinu, eru nú til umsagnar hjá innanríkisráðuneytinu. Umsagnarfrestur er til og með 9. desember næstkomandi og skulu umsagnir berast á netfangið [email protected].

22 nóvember 2013Atvinnuvegaráðuneytið

Landbúnaðarsaga Íslands komin út

Í gær var því fagnað að Landbúnaðarsaga Íslands er komin út – fjögurra binda ritverk sem hefur verið í vinnslu sl. 9 ár. Spannar ritið sögu íslensks landbúnaðar allt frá landnámi og framyfir síðustu aldamót. Landbúnaðarsaga Íslands er mikið rit enda stór hluta Íslandssögunnar. Má nefna sem dæmi að um aldamótin 1800 voru íslendingar 47 þúsund, og töldust 39 þúsund hafa framfæri sitt af landbúnaði.

22 nóvember 2013Umhverfis-٫ orku- og loftslagsráðuneytið

Síldveiðar heimilaðar innan brúar í Kolgrafafirði

Í ljósi þess að síld er gengin inn í Kolgrafafjörð hefur Sigurður Ingi Jóhannsson sjávarútvegs-, landbúnaðar og umhverfis- og auðlindaráðherra ákveðið að gefa síldveiðar frjálsar innan brúar í Kolgrafafirði á Snæfellsnesi. Vonast er til þess að veiðar þessar geti hvoru tveggja bjargað verðmætum og haft mögulegan fælingarmátt þannig að síldin gangi fyrr út úr firðinum en ella.

20 nóvember 2013Umhverfis-٫ orku- og loftslagsráðuneytið

Undirbúningur landsskýrslu um innleiðingu Árósasamningsins

Umhverfis- og auðlindaráðuneytið undirbýr nú gerð fyrstu skýrslu sinnar um stöðu innleiðingar Árósasamningsins hér á landi, en aðildarríkjum hans ber að skila slíkum skýrslum til skrifstofu samningsins á þriggja ára fresti. Ráðuneytið mun hafa samráð við umhverfisverndarsamtök við gerð skýrslunnar en öllum er velkomið að koma með ábendingar varðandi efni hennar.

19 nóvember 2013Dómsmálaráðuneytið

Viðbrögð stjórnvalda við skýrslu pyntingarnefndar Evrópuráðsins vegna úttektar á Íslandi 2012

Íslensk stjórnvöld hafa nú svarað athugasemdum í skýrslu pyntingarnefndar Evrópuráðsins sem hún lagði fyrir stjórnvöld eftir reglubundna heimsókn hingað haustið 2012. Stjórnvöld fagna eftirliti nefndarinnar og telja rýni hennar til gagns fyrir stjórnsýslu og samfélag. Hér að neðan verður greint frá svörum við helstu athugasemdum í skýrslunni. Skýrsluna má sjá hér svo og svar Íslands í heild.

19 nóvember 2013Umhverfis-٫ orku- og loftslagsráðuneytið

Loftslagsfundur í Varsjá – stefnt að hnattrænu samkomulagi 2015

Lokahluti 19. aðildarríkjaþings Loftslagssamnings Sameinuðu þjóðanna í Varsjá hefst í dag, en þá koma ráðherrar og háttsettir fulltrúar saman til að ganga frá samþykktum þingsins. Aðildarríkjaþingið var sett 11. nóvember sl., en helsta viðfangsefni þess nú er að ýta á samningaviðræður sem eiga að leiða til nýs alþjóðlegs samkomulags árið 2015.

17 nóvember 2013Innviðaráðuneytið

Þurfum að íhuga ábyrgð okkar í umferðinni

Minnst var þeirra sem látist hafa í umferðarslysum með athöfn við bráðamóttöku Landspítala í Fossvogi í dag þar sem innanríkisráðherra flutti ávarp og tveir sem hafa komið við sögu í umferðarslysum og afleiðingum þeirra deildu reynslu sinni. Minnst var látinna með einnar mínútu þögn og um leið var þeim starfsstéttum þakkað sem sinna viðbrögðum og meðferð fólks vegna umferðarslysa.

16 nóvember 2013Dómsmálaráðuneytið

Innanríkisráðherra ávarpaði kirkjuþing

Hanna Birna Kristjánsdóttir innanríkisráðherra flutti í morgun ávarp við setningu kirkjuþings. Ráðherra tilkynnti þar að skipaður verði starfshópur um fjárhagsleg samskipti ríkis og kirkju og hefur Sigríður Anna Þórðardóttir, fyrrverandi ráðherra, verið skipuð formaður hans. Starf hópsins á að byggjast á ákvæði í samningi svonefnds kirkjujarðasamkomulags og hins vegar á lögum um sóknargjöld.

Var efnið hjálplegt?